PREET hui sab se parayi...
par KYOUN...
Yeh aaj samajh me aayi...
kehte hain rote haaste...
puri kahani...
chahe tamatar phenko...ya Phul
jo bhi ho aap ki meherbani...
wakaya...yeh jyada din ki nahi hai purani...
par Preet kyoun hui sab se parayi...
yeh baat toh hum ne bhi abhi abhi jaani...
suniye puri kahani
dil thaam kar...
udaash ho jayega dil aap ka...
puri kahani sunn kar...
baat hai kuch din pehle ki...
jab Preet ka dil kiya
doston ke sath
Khane ko gol-gappe...
Jis ke liye voh
ghumi duniya ke chappe chappe...
subh mangal kiya uss ne
apne sab se pyare dost
Guglu se...
jo sahti hai uss ki her ek sitam
Khusi se...
main unhe sath dekh chaunki...
kyou ke Gugle ne uss ka hath
apne hath se baandh rakha tha...
jo ki duniya ke sath sath
hamari drishti ko bhi khall raha tha...
hum ne pucha...
"kyoun behna...
Preet ka hath apne haath se
kyoun baandh rakhi hai
Pagal toh yeh dikhti nahi...
phir apne hath me ghanti kyu baandh rakhi hai.."
udaash ho kar Guglu boli...
"kya bolu yaar...
jahan bhi dekhti hai gol-gappe...
lapak leti hai...
khud ka nahi...
mera purse khali kar deti hai..."
phir aayi...Dhara ki bari...
jise gussa aur pyar dono
hi aata hai dher sari...
yeh kasur nahi hai Dhara ki...
yeh toh Gujrati Achar aur
Punjab ke makke di roti ka asar hai...
Jo ki Preet pe koi na basar hai...
Dhara gusse se Preet ko
dekh rahi thi...
aur apne naseeb ko kosh rahi thi...
ke kyoun aaj maani baat Preet ki
aur aa gayi Gol-gappe khane ko...
Preet toh rukk nahi rahi...
ab kaise kahun use rukkne ko...
jab bardast ki hadh hui...
toh Dhara boli gusse se...
"bass kar Gadhi...
ab kitna khayegi...
kya aaj mujhe kangal
bana kar hi chodegi...???
dil se dua deti hun tujhe...
jiss se bhi ho teri shadi...
kuch aaye na aaye aur use...
par aata jarur ho use gol-gappe banana
taki roz voh tere liye banata rahe...
aur tu jee bhar ke khate rehna..."
Phir Preet ka mann kiya...
khane ko pardesh ke gol-gappe...
voh aa gayi Bangladesh
Sumi ho gayi hakke bakke...
phir bhi Sumi ne apne dosti ka farz nibhaya...
Bangladesh use puri tarah se ghumaya...
phir le kar gayi use...gol-gappe khilane...
yeh dekh Preet hui baht kush...aur lagi itrane...
par Gol-gaape ki dukan me to line laga tha...
apne pari ke intezaar me...Preet ko gussa aa raha tha...
muh fula ke boli Sumi se...
"kaisi ladki hai tu...
itna bhi nahi janti...
gol-gappe wale uncle se bhi jaan pehchan rakhni chahiye...
taki jarurat padne par apne bhatijiyon ko
aath-dus gol-gappe yun hi khila sake...
ya phir pack kar ke ghar bhej sake..."
phir mausam ne karbat badi...aur aayi barshat ki bari...
Aur cheenk cheenk ke apni Doc Manali...hui be-dum bhari...
Preet ko inn sab par na toh koi asar tha...
voh toh gol-gappe pe gol-gappe uda rahi thi...
Aur Mana bichari use taak rahi thi...
kyoun ke na toh uss se khaya ja raha tha...
aur na hi saha ja raha tha...
sardi zukam se voh thi pareshan...
aur Preet ke gol-gappe ki aadat se voh thi hairan...
jab hadh hui uss ke sehne ki bari
boli Preet se kar ke apni awaz bhari...
"ab toh bass kar...behna
baki ka kal kha lena...
yeh iss ki permanent dukan hai...
yeh kahin na jayega...
sachhi bol rahi hun...yeh kahin nahi hilega..."
mushkura kar boli Preeto hamari...
"yeh toh sach hai ke yeh kahin nahi hilega...
par roz roz tere jaisa DOC kahan khilane ko milega..."
sab se akhiri me aayi bari hamari...
hum toh dost ke dosti se mazbur the...
par Gol-gappe khilana...
hum pe pada baht bhari...
hua kuch yun ke...
Gol-gappe ka plate tha hamare hath me...
aur humara pair tha...zameen par pade hue kele ke chilke me...
sab kuch dekh ke bhi Preet anjan si khadi thi...
na humain kuch bata rahi thi...aur
na hi koi ishara karr rahi thi...
achanak pair jo fishla
aur hum gire zameen par...
Preet ne humain chod
gol-gaape ko sahara diya
hamari dosti gayi khadde par...
hum use gusse se dekh rahe the...
par uss ki nazar toh gol-gappe par tike hue the...
mere plate ke sare gol-gappe...
vo apne pet me utar rahi thi...
hamari taraf ek nazar bhi na dekh rahi thi...
hum ne kaha use gusse se...
"tu chahti to mujhe utha sakti thi...
plate ko chod mujhe sahara de sakti thi..."
badi hi masumiyat ke sath boli Preeto...
"zameen me girne ke baad tu toh mere kaam me aa sakti hai...
par Gol-gappe ki izzat lut sakti hai...
bachane gol-gappe ki izzat maine uss pe jump mari...
tu pareshan kyoun hoti hai...tere liye main le aati hun na
zandu balm dher sari..."
uss din mujhe Partial Amnesia ka pehla attack aaya tha...
khud ko sambahlte hue...maine zandu balm ka sahara liya tha...
ho gayi jo ek din mulakat jo meri...
Vartika, Rakhi se...
maine bataya puri kahani
unhe badi hi udaasi se...
sunn kar boli Rakhi
"jaane de yaar...
yeh toh her ladki ki hai bimari...
chahe voh shadi suda ho ya ho kunwari..."
Vartika bhi asusall hass kar boli...
"hum bhi kahan gol-gappe ke
moh-maya se bache hue hain...
jahan bhi dekhte hain gol-gappe daud lete hain...
kyoun ke uss ki isq me toh hum bhi pade hue hain..."
maine bhi bhi socha 'sach hi hai...
gol-gappe ki bimari sab ko to so much hi hai..."
koun kehta hai ke Preet hui sab se parayi...
voh toh gol-gappe jee hain...
jinn ki meherbani hai...
jinn ki liye Preet hum sab ke kareeb aa gayi...
tabhi kehte hain ki
dost ke achhai ke sath sath
uss ke burayi ka bhi khayal rakhiye...
Gol-gappe khana buri aadat toh nahi...
Phir bhi Preet...
kabhi kabhi aap bhi hum sab ka
bhi Khayal rakhna...
kabhi humain bhi dena...
khane jee bhar ke gol-gappe...
hum bhi tumhe duyain
denge dher...pet bhar ke...
baat bass itni si hai...
ke agli baar
purse tera ho aur
gol-gappe ka plate hamara
phir hamari dosti dekhegi duniya sari...
arey...iss kambakhat gol-gappe ki wajah se
hum toh yeh bhi kehna bhul gaye...ke...
baar baar din yeh aaye...
baar baar dil yeh gaye...
tu jiye hazaron saal...
yeh hum sab ki hai aarzoo...
HAPPY BIRTHDAY TO YOU...PREETO
comment:
p_commentcount