19th October,2005..

0900hrs se 1400 hrs tak..Naina ka class tha..

Raj aaj Cadets ko Jungle ki taraf le gaya hai..war time strategy aur coding & signal ko sikhane k lia..

Naina 1430 baje lauti quarter..almost bhaag kar... kyonki Col. Kukreja ki meeting thi Maj.Gen Bhagat k saath..

kahi meeting khatam ho gai aur Kukreja k saamne Naina gai..to Kukreja wahi ghatia coffee peela peela k..Naina ki haalat tight kar dega..

Naina Academic section se almost bhaag kar hi Quarter ki taraf aai..

aakar ..pahle usne khana banaya..aur fir nahane gai..

Raj k Mobile par phone kia..k kab tak ayega woh.. Raj se jawab mila..k agle din subha..

abhi cadets ko Raj Jungle me Base Camp banana aur resources collect karna sikha raha hai..

Naina ne phone rakh dia..fir khana khaane baithi..

shaam k 5 baje..

Naina..notes bana rahi thi achanak.. baahar Orderly aayaa..

Naina--kyaa baat hai?

Orderly--Jee..yeh Courier aayaa hai aapke lia..

kaafi bada sa box aayaa hai...

Naina--OK..tum jaao..

Orderly ko bhej kar..Naina andar aai..

darwaza bandh kia..

aur fir usne nikala ek Metal Detector..apne kit bag se..

aas paas k jo situation hai..ho hi sakta hai..k andar bomb ho..yaa RDX..chance kaun le..?

chalo..check kar hi lete hai...

Naina ne box k aas paas Metal Detector ghumaya..

but ek jagah par jaakar.."beep .beep" sound aane lagi...

zaroor kuchh to hai...

Naina ne socha ab kyaa karegi?

kisiko bulaye yaa na bulaye...agar bula kar dekha..k kuchh   bhi nahi hai..to?  khamokha hairani ho jaayegi ..par agar kuchh nikla bhi to..Naina par charges lag sakte hai..Naina ka time kuchh achha nahi  chal raha hai.. Tharki Kukreja mauka haath se jaane nahi dega..apna impression jamaane k lia.. khud hi enquiry me fansayega..aur khud hi benefit of doubt par chhodega..

30 minute tak Naina..box k aas paas ghumti hi rahi..par andar se kisi timer ki awaz nahi aai..

aur fir himmat kar k Naina ne box ko open kia..

aur jo dikha usme...

Naina..ne khud ko kaha,"darling..bahut zada akalmand banti ho na..achha hai..tumhare lia yehi thik hai..you deserve it.."

Box me..badam,akhrot,pista,kishmish,aur  mithai k dabbe..aur alag se ek box me..laal rang ka suhaag ka joda..saath me matching ornaments..kaano ki baali,choodian..haar..paayal,ankho k lia kaajal, hontho  k lia laali..sab kuchh.. aur saath me ek parcha..

 

 

"pehla Karwa Chauth hai......solaah sringaar kar k hi manana..aur usdin baalo me gajra bhi lagana..aur mahendi bhi bhej rahi hoon.. kisi se keh kar lagva lena..aur pura din bina paani peea yeh vrat karna hai..to jo sara khana bheja hai..subha 4 baje uth kar usko khaa lena.."
                                                                                                                                                                                                                                                                                                                                                                                                                                                

Naina ne dekha..sab kuchh..ab tak uski zindagi me.. yeh sab bakheda nahi tha..par ab to shaadi ho gai hai uski..hmm..pehla vrat to rakhna hi padega.. par sab se pahle Naina ne Mita Devi ko phone kia..

Mumbai k Shekhawat's Residence  me phone ki awaaz..

"Maalkin..Bahujee ka phone hai.."

Mita ne phone recieve kia..

Naina--jee..Pranam..

Mita--jeeti raho..aur sada suhgan raho..

Naina--aapne itne keemti zebraat yuh hi courier bhejen..kyon?

Mita--main khud aanaa chaahti thi.. Bahu.. par.. mauka  mila hi nahi..aur fir tum dono zaroori kaam se gaye ho Dehradun..

Naina--jee..achha..mere Papa se baat hui ??..main bahut dino se phone nahi kar pai..

Mita--haa..bilkul..kal hi unka phone aayaa tha..woh thik hai..actually jab se tum dono ki shaadi hui hai.. tab se hi unki tabiyat kuchh zada hi achhi ho gai hai..

Naina--jee..yeh to achhi baat hai..aur ghar par sab thik thaak?Dady kaise hain?

Mita--achhe hain..aur unko Election k lia ticket bhi mil rahi hai..

Naina--achhi baat hai..well woh Election ladenge.. yeh  baat main jaanti thi..

Mita samajh gai..k zaroor ..kuchh aisi baatein Raj aur Jagat k bich hui hai..jo Naina k kaano tak pahuch chuki hai..kyonki Naina k awaz se zara si narazgi ka pata chala ..

Mita--dekho beti..jo hua usme Raj ka koi dosh nahi..

Naina--main jaanti hoon..Raj ko..aap chinta naa kare..uspar bharosa hai mujhe..mujhe Rajveer se koi shikayat nahi..infact kaun karta hai ek bhaagi hui ladki se shaadi..?

Mita--tum naraz ho ..saaf pata chal raha hai Bahu..   dekho..agar tum yeh sochti ho..k Raj ne tumko sharminda karne k lia..aisa kuchh nahi hai..

Naina--jee nahi main aisa kuchh bhi nahi sochti..

Mita--mujhe batane to do..k Raj actually tumhare bare me kyaa sochta hai...

fir Mita ne sab kuchh bataya..Raj jab ghar aayaa tha..tab Raj ki haalat kyaa thi..Raj ka dard ..uski tadap..bar bar Naina k dard ko apne dil me mehsoos karna..Raj ka paagalon ki tarha rona..sab kuchh Mita ne bataya Naina ko..

Naina--jee..main samjhi..

Mita--dekho..Bahu..wajah koi bhi rahi ho..is baat se tum inkaar kar nahi sakti k tum dono ne hi zindagi k  6 saal aise hi barbad kar die hain..isme koi  shak nahi k..Raj aur tum..ek dusre k lia hi bane the..isi lia dekho na..tum dono ka rishta aakhir jud hi gaya..

Naina--main jaanti hoon..

Mita--aur..meri rai me..tumhare lia Raj se behtar koi tha nahi..naa hi Raj k lia tum se behtar koi ho sakti hai,to..ek Saas ban kar nahi...ek Maa ban kar bhi nahi..ek aurat k hisab se..main tumko ek baat kahungi..isko gaanth baandh lena..

Naina--jee..Uniform me gaanth baandhne ki jagah hi nahi hai..

Mita--ok..apne dimag me yeh baat bitha lo..k..Raj ko samjho..jisdin puri tarha usko samajh jaaogi.. usdin tum samjhogi k..asal me.. tumne kisko paayaa hai..Raj samajh chuka hai..tumhari ahmiat..par abhi tak tum Raj ahmiat samajh nahi paai..

Naina--koshish karungi..aur haa..bich bich me aapko disturb zaroor karungi k..Karwa Chauth ki Puja kaise karni hai..

Mita--zaroor karna..

Naina--achha..Mummy..main phonne rakhti hoon.. bahut zada thak gai hoon..

Mita--ok..aaraam karo..aur haa..apna aur Raj ka khayal rakhna..

Naina--jee..

Naina ne phone rakh dia..

aur fir us bade se box ko Naina ne chhupa dia.. almari me..aise ..taa k Rajveer ki nazar naa pade waha par..

fir shaam ko fir se notes banane baithi..aur raat k 10 baje dinner kia..

aur bistar me aa kar chup chaap so gai..

Raj to aaj raat ko lautega hi nahi..

gehri neend me kho gai Naina...

raat k 2 baje Raj ka phone aayaa..

Naina--hmm..bolo..

Raj--arre yaar..kuchh to khayal karo..k main duty me hoon..aise sexy andaaz se bolo ki..k "bolo"..admi ki to bolti hi bandh ho jaayegi..na!!

Naina--hmmm..

Naina neend me hi baatein kar rahi hai..aur lambi lambi saanse chhod rahi hai....

Raj--Naina main mar jaaoonga..please..yuh thandi aahen mat bharo..yaar.. kaha hum log ......jaayenge Switzerland.. par nahi.. yeha bhej dia humko..

Naina--haa..huummm..Raj,...

Raj--ok..tum so jaao..kal baat karta  hoon tumse..

Naina--ummm..

Raj--I love you..

Naina--ummm..

Raj--ok..bye..

Naina--ummm..

Raj ne line cut kar dia..

subha..7 baje Raj lauta Quarter me..

Naina ka first half me class nahi tha..

woh to ghode bech kar so rahi thi..

Raj ne bell bajaya..

ek baar..2 baar..3 baar..

Raj(man hi man)--isko kyaa hua?saat janam k neend ka quota ek hi din me complete kar rahi hai kya?

"Naina..kyaa hua..darwaza kholo..yaar..mere paas chaabi bhi nahi hai.. hello....Naina.."

Raj darwaza peetne laga..

Naina ab jaag gai...

Naina ne darwaza khola..Raj saamne khada  tha..

Naina k baal bikhre hue the..ankho me abhi tak neend..nighty idhar ki udhar ho gai thi..

thodi der pahle Raj ko bahut zada gussa aayaa tha Naina k upar..

par abhi Raj ka saaraa gussa paani paani ho gaya..

puri raat k drill k baad..

cadets k lia 24 hrs ki recovery leave sanction ki jaa chuki hai..Raj k lia bhi..

achanak Orderly aayaa..

Naina k lia message tha.."Class schedulled at 1500 hrs is cancelled.Next Class will be held on tomorrow at 1000 hrs."

Raj ne message recieve kia..

Naina abhi bhi neend me..ankhe bandh hai..

Raj ne usko goad me utha kar..fir se bistar me leta dia..

fir...darwaza bandh kia Raj ne..

Raj ne apne shoes utaare..aur fir uniform..

Raj Naina k upar geera..

Naina ko smootch karne laga Raj..

Naina response karne k haalat me nahi thi..

woh gehri neend me thi..

Raj--Naina..utho..Naina..

Raj ne fir se Naina ko  smootch kia..

Raj ko aisa laga k..Naina ne uski baat maan li... kyonki Naina k muh se cigarette ki badboo nahi aa rahi thi..

Raj ne ek aur baar Naina ko smootch kia..

Naina--huufffmmmm..aaaa..

Raj--sorry..pura paseena paseena ho chuka hoon.. abhi nahake ata hoon..

Naina--umm..nahi..aise hi raho na...yeh smell mujhe achhi lag rahi hai..

Raj--what?

Naina--umm..

Naina ki ankhe bandh thi...usi haalat me Naina ne Raj ko apni taraf khinch lia..

zameen par..Raj ki baniyan..Naina ki nighty..aur baaki k saare kapde ek ek kar k geerne lage..

Raj hi saare kapde ek ek kar k utaar raha tha....

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

yakkudimag2008-08-03 05:49:57