Karwa Chauth k din....

Naina ne Mita ko bol kar rakha tha..k woh Naina ko phone kar k jaga de..

Mita ne 0345 par phone kia Naina ko..

Naina ka phone vibration mode par tha..Naina 10 minute baad samajh paai k kuchh vibrate ho raha hai..

Naina ne phone uthaya..aur phone lekar..kamre se bahar gai..

Naina--hello..

Mita--uth jaao..

Naina--fir?

Mita--fresh ho jaao..fir..jo dry fruit aur dry food bheje hai..unko khaa lo..pura din bina khaaye rehna hai..

Naina--chai peene me kyaa harj hai?

Mita--paani bhi pee nahi sakte..is me..

Naina--OK..par..main chakkar khaa k geer to nahi jaaungi..?

Mita--aisa dar sab ko lagta hai Bahu...mujhe bhi dar laga tha..par vrat to rakhna hi hai naa?

Naina--jee..

phone cut ho gaya..

neend puri hui nahi..abhi neend bhagane ka sab se badhia raasta..cigarette peena..

Naina ne cigarette jalaya...2 cigarette peene k baad..Naina kaafi fresh feel karne lagi..fir gai toilet..fir nahane gai..

Raj bahut zada tired tha..uski neend tooti hi nahi...

Naina nahake nikli..aur fir...almari se woh Box nikala..

waha se khana nikaal k khaane lagi...

nahane k baad hi Naina ko bhookh si lag rahi thi... par bhookhe pet yeh sab khana..itna achha nahi lagta.. bhookhe pet..daal roti hi thik hai..uske baad fruits ta dry fruits ...chalta hai..par..ek dum se yeh khana,...Naina ko bahut zada takleef ho  rahi hai...Mita ne bataya bhi tha..thodi soft mithai woh bhej sakti thi..par kharab ho jata..

Naina ne khaa lia..par zada khaa nahi pai..fir pet bharti kar k..paani pee lia..

5:30 baj gaye the..sooraj uth chuka tha..

Naina baithi kitaab lekar...par man nahi lag raha hai kitaab me..

Naina ne socha bahar ghoom aayegi to achha lagega..

usne change kia..baahar jaane k lia..

aaine me dekha khud ko...ghalti ho gai..Karwa Chauth hai..par maang me Sindoor nahi abhi tak...

Naina ne ek Jeans aur Full Sleeve shirt pehni hui thi..uske upar ek chaadar odh li usne...aur Sindoor laga lia usne..Karwa Chauth k din maang me Sindoor hona...zaroori hai..

Naina baahar nikli...Academic building k aas paas aai...

Cadets ki drill shuru ho chuki thi...

Major Bindra mile...

Bindra--Good Morning Captain..

Naina--Good Morning Sir..

Bindra--aaj aap alag hi lag rahi hai..

Naina--yaa..maang me sindoor hai..Karwa Chauth hai na..isi lia..aapki wife nahi rakh rahi hai...yeh Vrat?

Bindra--haa..actually..woh bahut thak gai..kal bahut kaam karna pada usko.. isi lia..woh 4 baje uthi.. nahane gai..fir Sargi se mithai aur badam khaa kar woh wapas sone chali gai..

Naina--idea achha hai..

Bindra--well..aapke lia bura lag raha hai..aapko bina khaaye bina peea..pura din class lena padega...

Naina--nahi..mera class to first half ka hai..

Bindra--well..aisa nahi hai..maine abhi abhi chart dekha hai..aapki duty 3 baje se bhi hai...

Naina--ok..thank you Sir..main chali..pura din rest nahi milega..main zara araam kar loon..

Bindra--yes..please..

Naina waapas Quarter aai..aur fir bistar me let gai..8 baje ka alarm laga kar..

uska class 9 baje hai...

jab 8:30 ko neend tooti..tab Raj nahi tha..

woh jaa chuka tha..

Naina ne Raj ko phone kia..

Raj--haa..suno..zaroori meeting hai..ana pada..

Naina--tumne to kuchh khaya bhi nahi..

Raj--9 baje ki drill hai..11 baje k andar kuchh na kuchh khaa lunga..tum fikar mat karo...

Naina--ok..

9 baje se Naina ka class hai..

Naina ko jana hai..

woh uthi..Uniform pehni..shoes pahne..haath me ghadi..Army Cap..

aur maang me sindoor to pahle se tha..

chali class ki taraf...

class k andar jab gai.,..tab uske students usko dekh kar..zara surprised hue..

Naina--zada chaukie mat Cadets..main bhi aurat hoon.. mera bhi Pati hai... Karwa Chauth aurat k status aur Post k upar dependent nahi..

class jab khatam hui..tab 11 baje the..

Bhookh k maare Naina ki haalat kharab..gala sookh raha hai..

man kar raha hai k kuchh peea..

cigarette pee nahi sakti..usse bhookh aur pyaas aur zada badh jaayegi..

Naina Academic building se baahar aai..

aur baahar nikalte hi...3 Officers haazir..yeh wahi hai..jisko pahle din hi Naina ne dhobi pachhad dia tha..

Officer 1--kuchh bhi kaho..ab lag rahi hai.. Bhartiya Naari..uniform bhi hai.. maang me sindoor bhi..Uniform pahen k duty kar rahi hai..aur sindoor laga k sanskriti ka paalan kar rahi hai..

Officer 2--kuchh bhi kaho..Captain Shekhawat hai bahut sanskarwali. . Major Shekhawat ki to nikal padi..itni kaabil Biwi..aur itni traditional..bhai waah..

Officer 3--zada mat bol..bhagwan ne aise product manufacture karna chhod hi dia hai..I am sure..meri mangetar..mere naam ka Vrat rakh kar zaroor chup chup k kuchh khaa rahi hogi..

Officer1--tujhe lagta hai..k inhone ab tak kuchh nahi khaya..Captain Naina ne...

Officer 3--yaa..I know..jitna inko dekha hai..yeh dikhave k lia kuchh nahi karti..genuine hai..bahut..

Officer2--chup chup..humari taraf hi aa rahi hai..

Naina unhiki taraf aa rahi hai..

paas aai..

Naina--hello officers..

Officer 1--Hello..

Naina--aaplog town ki taraf jaa rahe hai??

Officer 2--yaa..main jaunga..thodi der baad..

Naina--I need a favour..

Officer 2--please..kahiye..

Naina--aaj Karwa Chauth hai..aur mera pehla Karwa Chauth hai..aur Puja k waqt..kuchh dress up karna padta hai..to..yeh lijiye paise..aur achha sa Gajra aur kuchh Roses laa denge mujhe?

Officer 2 pighal gaya.."sure,,"

Naina--thanks..

Naina jaane lagi..

par pichhe mudhi..

Naina--by the..way..mujhe Genuine samajhne k lia thanks...lekin agar aaplog chaahte hai..k aapke beloved aapke lia  bina paani peea vrat rakhe..to khudko uske laayak banaiye...agar aapki mangetar chup chup k khaati hai..to zaroor aap me hi kamee hai..us kamee ko hataiye..

Officer 3--to..kya Major Shekhawat is laayak hai?

Naina--haa..isi lia to..pura din paani nahi peena mujhko...aur haa..mera samaan zara jaldi laiyega..

Naina chali gai..

Officer 3 k gaal pe Officer 1 ne chipka dia..zor ka tamacha..

Officer 3--kyaa harkat hai?

Officer 1--kyon panga leta hai..

Officer 3--maine kyaa kia?

Officer 1--Sher aur Sherni ki jodi hai...dono ki.. jisdin panja mara ..teri haalat bigad jaayegi..

----------------------------------------

Raj jaa raha tha canteen ki taraf..

subah se kuchh khaya nahi..sirf ek Bottle paani peea..drill k bich..

Canteen me jaakar kuchh khana hai..aur chai ya coffee peeni hai..

Canteen ki taraf jaa hi raha tha Raj..achanak Naina dikhi..haath me file lia khadi hai..Kukreja bhi hai uske saath..

Raj thoda aur kareeb gaya unke..

Kukreja kuchh bol raha hai Naina se..

Kukreja--what about a cup of coffee..?

Naina--no..thanks.

Kukreja--kyon?

Naina--kyonki aaj Karwa Chauth hai..

Raj chauk gaya..Naina ne vrat rakha hai kya??

Kukreja--aap yeh vrat maanti hai?aur yeh aapke maang me itna sara sindoor?

Naina--Karwa Chauth k din..har married ladki ko Sindoor achhe se lagana hi padta hai..

Kukreja--aapke lia Sargi aai thi?

Naina--haa..meri Mother-In-Law ne bheji thi..mere lia...subha  4 baje uthna pada..

Kukreja--to aap in fizul ki baaton ko..maanti hai?

Naina--ek baat kahoon..aap aisa isi lia bol rahe hai..k aapki shaadi nahi hui.. agar apki biwi hoti..to aap aisi ghatia baatein keh nahi paate..aur Vrat rakh kar..meri haalat kharab hai..dimaag garam hai..zada bore mat kijiye..aap Superior Officer hain..aapko suit nahi karta..

Naina chali gai...apne kaam se..

Raj ne sab kuchh suna..sab kuchh dekha chhup kar..

usko yaad aya..subha Naina ka chehra jab dekha usne..tab ..uski maang bhari hui thi..aur Naina ko Maa ne kab bheja yeh sab??aur Naina subha se bina paani peea..vrat rakh rahi hai..

Raj(man hi man)--sharam kar..Raj..sharam kar..woh bina paani peea..vrat rakh rahi hai teri lambi umar k lia..aur tu..paani to pee chuka hai..aur abhi canteen me jaakar nashta karne wala tha?shame on you..

Raj canteen se ulte paaon laut gaya..

usko bhi nahi khana..

agar Naina uske lia bhookhi pyaasi reh sakti hai..to woh bhi reh sakta hai aise..koi problem nahi..

3 baje tak..Raj ki duty khatam ho gai..

Naina ki duty 6 baje tak hai...usko Bhagat k saath ek case k bare me baat karni hai..a matter of disciplinary action..

Raj quarter laut aya..

Naina kab aaye malum nahi...ajeeb hai..kaha Naina uska intezar karegi..ulta Raj intezar kar raha hai Naina ka...

Raj gaya kitchen..kuchh khana hai k nahi waha par...

2 ghante baad Raj kamre me aya..almari me dhundha..haa..usko mila..woh bada sa box..

sab kuchh samajh gaya Raj...

Mita ne kia hai sab kuchh...

Raj ne apna locker check kia..

waha par..ek box tha...usme Mangal Sutra tha..

yeh Naina ko usne shaadi k din pahenaya tha..baad me kisi wajah se..Naina k gale se utaar dia tha usne..waapas uske gale me daalne ka mauka tak nahi mila..

Raj fresh hokar aya..aur fir achha Kurta pahena usne..

Naina k lia..Saree,zebar,Mangalsutra.. Sindoor .. choodian.paayal...sab kuchh saja k rakh dia bed k upar..taa k Naina jab laute tab usko pareshaani na ho..

udhar Naina ko Gajra aur phoolon ki supply mil gai thi..

jab quarter me lauti tab sirf 6:30 baje the...

Naina chauk gai..Raj chair pe baitha tha..uski taraf dekh kar hans raha tha..

Naina--tumko pata chal gaya?

Raj--haa..

Naina--sorry der ho gai..

Raj--aaj ki raat chaand jaldi nahi  nikalta..don't worry..tum fresh hokar..taiyar ho jaao..

Naina--ok..

Raj--aur haa..Shadi ka Mangal Sutra rakha hai.. pahen lena..

Naina--ok..

Naina ready hone lagi...

 

 

 

 

 

 

 

 

 

 

 

 

yakkudimag2008-08-03 05:29:27