19th July..

12 baje class khatam hua..

Naina kal raat ki baat yaad kar k sharminda hai..

sharab pee k woh ludhak gai thi..Raj ne usko samhala..

class khatam hote hi woh bhaag k bahar aai..aur daurne lagi apne cabin ki taraf..

Raj Naina ko rokna chaahta tha..par sab k samne is tarha bulana.. . thik nahi hai..

par Naina se milna zaroori hai..varna aaj sirf shak  hua hai Naina ko..kal ko sach pata chal gaya to?

nahi..Naina ko sach batana hi hoga..par Naina mauka hi nahi deti..

Naina k lia ek zaroori khat aya hai...Orderly de gaya usko.

Naina apne cabin me hai..zaroori documents hai..30 minutes k lia usko koi disturb na kare.

1 ghante baad Raj ne usko bulaya...

Naina--yes Sir.

Raj--report hai..Ibrahim Ali October me Lucknow me bahut badi tabahi machane wala hai.

Naina--ok..

Raj--ab tumhari analysis kyaa kahti hai..criminal psychology k hisaab se tumhara kyaa kahna ha?

Naina--agar ayega to..bada kuch karega..that is for sure.

Raj--mera andesha yeh kahta hai k uska target assembly house hoga..

Naina--ok..to kaam shuru kare?

Raj--yes..pahla kaam hoga assembly house k aas paas nazar rakhna.. waha kaun kaun se log ate hai.

Naina--andar ka koi admi hoga zaroor..varna itna bada kaam koi kar nahi sakta...main Lucknow me mere jo contact hai use karungi..

Raj--thats good..aur haa Captain ..Arbaaz k psychology ko aapse behtar koi samajh nahi sakta...isi lia..aap abhi bhi is mission me hain...

Naina--I understand.main chaloon?

Raj--yes..

Naine jane lagi..

Raj--Naina..

Naina--yes..

Raj--tum abhi bhi pichhe hat sakti ho..asan nahi hota apne chahite insaan k khilaaf kuchh karna.

Naina--aap bhi to yehi kaam kar rahe hai..

Raj--matlab?

Naina--Captain se aap Major ban gaye..aur abhi bhi yeh sawal?

Raj ko jhatka laga..Naina yeh kyaa kah rahi hai?

Naina--kyaa hua?Captain..sorry..Major Shekhawat?

Raj--tum jaanti ho...!!!

Naina--aap mujh par jasoosi kar sakte hai ..to kya main nahi?main yuh hi Army Officer nahi bani...jis din se apko dekha hai..us din se mere man me bhi bahut sawal hai..aur kal raat mere sare shak door ho gaye..k woh aap hi the..jin se maine phone pe baat ki thi.. aap mere ghar bhi gaye the...

Raj--magar..

Naina--vakil main hoon..aur meri vakalat karne aap gaye the mere dad k paas?

Raj--haa..maine kia aisa..aur kuchh ghalat nahi kia..

Naina--maine kaha..k apne ghalat kia?par aisa karna zaroori nahi tha..mujhe direct puchh sakte the..

Raj--main puchhna chaahta tha..

Naina--aaj mere dad ka khat mila mujhe...

Naina,
     beti main kaise tujhse maafi mangu, samajh nahi paa raha hoon..Raj aya tha..Rajveer..Jagat Singh Shekhwat ka beta,,woh tumhara supirior officer hai na Lucknow base me?tumhare saath koi ghalat sulook to nahi kia usne? main janta hoon..aisa nahi karega woh,aur jis raaste par tu chal rahi hain..bahut khatarnaak hai..laut aa..zindagi baki nahi hai ab.. tujhe ek bar dekhna chaahta hoon.Baap hoon ..apni ankho se apni aulad ki barbadi dekhne ki himmat  nahi hai mujhme.main janta hoon..Raj tujhe kuchh hone nahi dega..par darr lagta hai..laut aa.. chhod de yeh naukri..jo tu kahe ab wahi hoga..ek ghalti ki itni badi saza mat de mujhe.

                                                                                                                                                                                                                                                                                                                                                                                                                                                                                                                                                                                                                                                                                                                         tere dad.

Raj--uuffff..its so ...

Naina--mere dad samajhte hai k aap meri hifazat karenge..par woh nahi jante kaap hi mera istemaal kar rahe hai..

Raj--nahi Naina..yeh sach nahi hai..maine to khud kaha hai k is case se hat jao..

Naina--haa..ta k main aur zada zid pakdoo is case me rahene k lia.. kyon?

Raj--Naina..main khud tumhe batane wala tha..k main kaun hoon.. par tumko..

Naina--badluck..mujhe pahle hi pata chala..ab kyaa chaal hai aapki?

Raj--main koi chaal nahi chal raha hoon..Naina trust me...

Naina--aapke shuru se lekar ab tak ki harkat to yehi kahti hai... mujhe is case me involved karna..aur fir mujhe is baat k lia convince karna k..main aapko defend karoo..

Raj--tab mujhe bhi nahi malum tha k Arbaaz hi Ibrahim Ali hai..yeh baat to mujhe Arbaaz k ghar jakar pata chali..maine isi lia tumko roka tha us CD ko dekhne k lia..

Naina--ta k mujhe pata na chale..aur aap chup chaap..Arbaaz ko..

Raj--tum is baat se inkaar kar sakti ho k Arbaaz mujrim hai?

Naina--nahi..par usko sahi raaste me lana chaahti hoon..

Raj--tum aise sapne k pichhe daur rahi ho..jo kabhi pura nahi ho sakta..kyaa lagta hai..jab tak hum Arbaaz ko arrest kare tab tak..fir uske bad case jayega civil court me..bina sunvai k saalo saal usko remand pe rakha jayega..aur kyaa lagta hai tumko.. k usko uske group k log zinda chhod denge?

Naina--main kuchh nahi janti..mujhe jo karna hai woh main kar k rahungi..

Raj--aur ek terrorist ko defend karne ki koshish k charges lagenge tum par..1 minute..bas tumhara Court Marshal.

Naina--mujhe kuchh nahi hoga..dunia k kameenepan ne mujhe bhi bahut kuchh sikha dia hai..kyaa lagta hai aapko..k main apne lia koi back up nahi rakhungi?

Raj--fine ...ab faisla tumko karna hai..kanoon k sath rahena hai..yaa uska istemaal ghalat raaste k lia karna hai..main tum par yeh faisla chhodta hoon.. soch samajh k kadam badhana..

Naina--apne pyaar ko main bachake rahungi..

Raj--aur main apne pyaar ko bachanunga..aur tum bhi mujhe nahi rok sakti..

Naina--kyon ?apki mehbooba bhi kya terrorist ban gai?

Raj--meri mohabbat khud sawal kar rahi hai..k meri mehbooba kaun hai?

kahi pe shayad badal garajne ki awaz aai...

yeh kyaa kah dia Raj ne?

Naina--kyaa kaha aapne?

Raj--jo tumne suna..haa..main pyaar karta hoon tumse..tumhe mohabbat nahi mujhse..thik hai..par tum mujhe rok nahi sakti..na mohabbat karne se na mohabbat ko nibhane se..jaan lo..abse har raaste pe mujhe paogi..jo karna hai kar lo..

Naina--is baat se mujhe koi fark nahi padta...main apne mohabbat k lia kuchh bhi kar sakti hoon.

Raj--aur meri mohabbat mere lia junoon ban chuka hai...

Naina --dekhte hain..

Naina jane lagi..

Raj--Naina..akhri baat sunti jaao..

Naina--kyaa?

Raj--ekbar..sachchai k lia apne farz ko nibhane k lia tumne apne parivar ko sharminda kar dia..us din koi rishta koij jazbat tumhare saamne tik nahi paya..

Naina--to..

Raj--ab..apne ek rishte k lia,ek jazbaat k lia,apne farz ko sharminda mat karna..please...yeh jo Ashok Chakra humare sar pe laga rehta hai..isko sharminda mat karna..apne sirf ek junoon k lia..

Naina--mujhe emotional blackmailing pasand nahi..

Raj--nahi..samjha raha hoon..is uniform ki izzat rakhna..kyonki ab tum sirf Naina nahi..Captain Naina Darbar ho..apne naam k wazan ko samjho..iski zimmedari ko samjho..kyonki tum aaj bhi ek Army Officer ban nahi paai ho..sirf uniform pahen lene se..yaa oath lene se koi Army officer nahi banta.. uske lia apne dil me jazbaa hona chahie.yaad rakhna..aur agar yeh baat samajh jao..to hi is mission me mere sath ana..varna nahi..jo hoga anjaam.. main akele bhugat lunga.

Naina--yaad rakhungi..Good Bye.

 

 

 

yakkudimag2008-08-03 03:56:18