jis din se Raj ne Naina ko yeh kaha hai k woh usse pyaar karta hai,,,usdin se Naina ki bechaini bahut zada badh gai hai..

is baat ko ek hafta ho chuka hai..

raat ko ekdin Naina apne quarter me thi..so nahi paa rahi thi..bahar bijli bahut zor ki kadak rahi thi..

Naina easy chair pe baith gai..

chaaro taraf ek sannata ha..sirf har taraf se pani ki awaz..baarish zada ho rahi hai..usually Lucknow me itni baarish hoti nahi..par yeh camp town se door hai..aas paas hariaali zada hai..to baarish zada ho rahi hai..

Naina baithi hai..kamre ki light off hai..

ek candle jala rakha hai Naina ne..

dimag me aur koi soch nahi..koi pareshaani nahi..

Naina ne apne purane din yaad karna shuru kia..kahte hai jab man bahut kharab ho..to apne achhe pal ko yaad karo..

Naina yaad kar rahi hai..woh aur Arbaaz..samandar k kinare ghoom rahe hai..paani ki lahre unke pairo ko chhoo kar ja rahi hai..

uske baad achhe pal kaha naseeb hue..par uske baad k jo pal the..jo achhe beete..Naina ko maanna hoga k woh pal usne Raj k saath hi beetaye hai..

varna laakho insaan hai is dunia me..Raj ko hi apna dil khol k sab bayan kyon kar dia Naina ne?

aisi kaun si baat thi Rajveer me?

Naina ne yaad kia..k usne Raj se yeh tak kaha hai..k agar Arbaaz ko kuchh nahi hota to woh bhaagti nahi..raazi khushi Jagat Singh Shekhwat k bete k saath shadi karti...

pata nahi Naina ne yeh kah kar sahi kia yaa ghalat..par us ek pal me aisa laga..k har bandish tod k..har ek baat Raj ko bayan kar dia jaye.

Naina ko bhi shak hua tha..k Raj wahi hai..jisse uski shadi honewali thi..

woh sari baatein Naina ne isilia kahi ..kyonki usko janna tha..k Rajveer iske bare me kyaa kahta hai?

jitni baatein woh Raj ko batane lagi..aur jaisa jawab Raj dene laga.. Naina ko yakeen hota gaya..k yeh wahi hai..Rajveer Jagat Singh Shekhawat.

Naina is lia bhi yeh sab kah sakti hai..kyonki uske andar bhi ek guilt hai..

Arbaaz k saath jo hua..so hua..par Rajveer ko sharminda karne ki jo guilty feeling Naina me thi..woh us feeling se bahar ana chaati thi..

Naina batati gai..sirf isi baat ki safai dene..k jo hua..woh waqt ka takaza tha.. is me kisika dosh nahi tha.

varna kyaa zaroorat thi..ek Captain ko ek Major ko itni sari personal baatein batane ki..jab k unko mile thode hi din hue the..?

 

asal baat yeh hai..k kahi na kahi Naina bhi doshi hai..Rajveer k sath usne achha nahi kia..

yehi guilt hai jo barbar woh explaination deti rehti hai..k kyon usne tab ghar chhoda..

dil aur dimaag k is jaddo jahed me Naina fansi hui hai..

Arbaaz hai..par nahi bhi..

par Rajveer uske zindagi me na hokar bhi hai..ek sach ban kar woh aya hai uski zindagi me.

ek aisa sach jisse koi inkaar nahi kar sakta..Naina bhi nahi.

Raj ne kabhi koi aisi baat nahi ki jisse Naina ko bura lage..

jab k Raj k paas wajah thi.

par Raj ne Naina ko aisa koi mauka nahi dia..k jisse Naina Raj par ungli utha sake..

Raj k charitra me koi daag nahi hai..Raj Sooraj jaisa hai..khud jalta hai...aur kayenaat ko roshan karta hai...Raj woh ahsaas hai..jisse guzar kar sab kuchh paak aur saaf ho jata hai..

par Naina kisi Devta ko nahi chaahti..woh chaahti hai ek aise insaan ko jisse uska insaani hak chheena gaya hai.

Raj ne baat chhupai..par waqt ane par bejhijhag bayan bhi kia usne..

aise bayan kia..jiske baad kisi aur baat ki gunjaish hi nahi rahi.

 

kabhi Arbaaz k bare me aisa khayal nahi aya Naina k man me..

haa Arbaaz insaan achha tha..student achha tha..

par kabhi Naina ka man nahi kia..k Arbaaz ko itna uncha darja de.

par kyon bar bar dil yehi chaahta hai..k Raj ko ...

 

achanak Naina bistar me jake baithi...Naina k roorbaroo..Naina chair me baithi hai..aur bistar me bhi..

Chair se thodi hili Naina..

"tum"?

"mujhe nahi jaanti..are main to tumhare andar hi rehti hoon."

"mere andar?"

"haa..tumhara aks."

"kyaa chaahti ho?"

"maine bahut gehri neend le li..ab mujhe jaagna hai."

"tum jagi to ho.."

"kaha??..apni zid ki wajah se tumne mujhe khud se alag kar rakha hai"

"nahi..yeh jhoot hai."

"agar jhoot hai to batao.k kyon tum apne baat par kayam nahi rah saki?"

"maine wada nahi toda.."

"kaisa wada..tum to kahti thi k Arbaazk lia kuchh bhi kar sakti ho..fir yeh faisla kyon k Arbaaz k lia tum apni seniority nahi kho sakti?"

"maine aisa nahi kaha..Arbaaz k lia main sab kuchh kar sakti hoon.."

"nahi..yeh kahne ki baatein hai..kyon kahin na kahin tum bhi yeh maanti ho.. k yeh sahi nahi k itni mushkil se kamai hui izzat ko kisi terrorist k lia tyaag do.."

"nahi...jhoot hai.."

"agar jhoot hai..to kyon..tum khud ko rok nahi pai..Raj ki izzat karne se?"

"kyon?"

"tumko to us admi se bahut chidh thi jo tumhari baat na maan k shadi k mandap tak aya.."

"woh alag baat hai.."

"kyon tum itni safai deti rahi Raj ko..apne kie k bare me?"

"maine koi safai nahi di.."

"tumhe pyaar hua hai Naina..Rajveer se.."

"nahi.."

"nahi?to ek baat batao..jab se Raj se mili ho..kitni baar Arbaaz ko yaad kia hai tumne?"

"yeh koi logic nahi.."

"waqt ka paiya dubara ghoom raha hai Naina..zindagi dusra mauka de rahi hai..isko mat gavao.."

"nahi ..yeh sach nahi hai.."

"tumhara dosh nahi Naina..Rajveer hai hi itna achha..k koi bhi usse pyar karne se khud ko rok nahi pata.."

"nahiii.."

Naina pasena paseena ho gai hai..

baarish hui hai..kaafi thanda weather hai..par Naina ko paseena aya..kyon?

subha ho chuki hai..

asmaan saaf ho gaya hai...

Naina chali apne class k lia..

Rajveer tha..

Naina ne nazre chura lia usse...

aisa to nahi hua kabhi..jab Naina ne Arbaaz ko dekha tha..Rajveer se bhi woh ankho me ankhe daal kar baatein karti thi..par aaj kyon nazre chura rahi hai?

kya vakei me Naina ko Rajveer se ...?

sawal ek hai..par jawab bahut sare..

kisi admi ki nazre itni bhi kya..?

Naina nazre chura rahi hai..Rajveer se bhi..aur khud se bhi..

kyaa hua Naina Darbar..kyon tum apni baaton par kayam nahi rah saki?

 

 

 

 

 

 

 

yakkudimag2008-08-03 03:57:41