Chapter 6
Raj k dil ka haal bayan kia jaa sakta hai is tarha..
Naina se mohabbat karne par rok nahi laga paya Raj.. uska dil kab uske haath se nikal kar chala gaya..Naina k dil ki manzil ki taraf.. Raj samajh hi nahi paya..
Sardi abhi tak bahut zyada hai..aur Raj ka junoon shabab pe hai..
Naina Ibrahim Ali k bare me kuchh puchhti hi nahi...
Raj ne ek din Naina ko bulaya...
Naina--yes Sir..
Raj--camp se bahar kahi chale?
Naina--kyon?
Raj--kuchh zaroori detail pata karne hai...town me kuchh area aise hai..jaha par criminals chhup sakte hai..
Naina--ok..
Raj--hum ko civil dress me jana hoga..
Naina--fir to jeep se nahi ja sakte...
Raj--yaa..you got that..
Lucknow k bahut se area me ghum kar Raj aur Naina camp ki taraf aa rahe the....taxi se..
raaste me taxi bandh pad gai...
camp se 3 kilometre ki doorie par..tab shaam k 5:30 baj gaye the..
Raj--oohh..god..ab kyaa karenge?
Naina--yeha se camp kitna door hai?
Raj--yehi 3 km..hai..shayad..
Naina--paidal jayenge to 1 ghante me pahuch jayenge..
Raj--dusri taxi pakad lete hai..
Naina--nahi achha khasa evening walk bhi ho jayega..chalie..
Raj--ok..
taxi ka bhada de dia Raj ne...
"raah chalte hue aksar.. yeh gumaan hota hai.. woh nazar chupke mujhe dekh rahi ho jaise, jaagte jaagte ek umr kati ho jaise..koi fariyaad mere dil me dabi ho jaise.."
Naina k mobile k FM par yehi gaanaa baj raha tha...
Naina chup chaap chal rahi hai..
Raj--aapko official baaton ilava aur kuchh to bolna nahi ata hai..hai na?
Naina--kyaa?
Raj--nahi..main sirf yehi kah raha tha..k 3 km ki doorie pe camp hai..paidal ja rahe hai..zara baatein bhi kar lijiye...yaa fir meri shakal apko pasand nahi?
Naina--nahi aisi koi baat nahi..par koi topic to ho..
Raj--apne bare me kuchh bataiye..aapki ab tak ki zindagi..ab tak ka yeh safar..
Naina--mere bare me..kyaa janna chahte hai aap?
Raj--Andaman k Captain Sharma k bare me suna tha..kyaa baat hain..apne uski haalat aisi kyon bana di?
Naina--actually bar bar samjhaya..sharafat se..par sunne ko taiyar hi nahi tha woh admi..
Raj--dekhiye..Army ki jo Lady Officers hoti hai.. usually woh Army k officers se hi apni zindagi guzarne ka faisla karti hai..ta k unka ghar bas sake,transfers ek sath ho..ek sath reh sake..yaa fir kisi aur Officer ko chahti hain aap?
Naina--nahi...Army k kisi officer ko main pasand nahi karti..
Raj--thats strange..to kyaa samjhoon..k Army join karne se pahle aapne apna dil kisi ko de dia tha?
Naina chup....
Raj--aur fir usne inkaar kar dia..aur zindagi se niraash hoke aapne force join kia..
Naina--aapko aisa lagta hai?
Raj--yaa..I think so Captain Darbar..
Naina--funny..
Raj--what funny?
Naina--aapka aise sochna..
Raj--then prove me wrong..
Naina --gehre raaz..hum unko kah sakte hai jo humare dil k bahut kareeb ho..yaa fir jo bilkul anjaan ho...well..
Naina ne batana shuru kia..Arbaaz se milna..Arbaaz ka pyar..uska saath..aur fir woh hadsa..gharwalo ka naraz hona..
har ek labz bayaan kia Naina ne...
Naina--pata nahi kyon..maine yeh sab aaj aapse hi kyon kaha..yeh baatein to maine kisi k samne nahi kahi thi..is tarha..Maj. Gen. Negi k ilava...par maine socha..k aapko batane me kyaa harj hai?
Raj--abhi Arbaaz kaha hai?
Naina--usko hi dhundh rahi hoon...uski maa zinda laash ban chuki hai..kal ko Arbaaz Police yaa Army k bullet ka shikar ho..usse pahle Arbaaz ko uski maa k samne le jana hai..apne pyaar par itna bada kalank le kar main jee nahi sakti..
Raj--Captain..kabhi apne yeh nahi socha k aapka woh dulha..jisko mandap me chhod k aap bhaag aai thi..uska kyaa hua?
Naina--maine ghalat to kia unke sath..but maine sab sach bataya to tha..unhone yakeen nahi kia..aur..
Raj--aur kyaa?
Naina--ek imaandari ki baat kahti hoon..apne parivar ko beizzat karna yaa fir us ladke ko sharminda karna..aisa mera irada nahi tha..agar Arbaaz par dad ne haath nahi dala hota to..agar usko luksaan nahi pahuchaya hota to..agar Arbaaz thik hota..to main shadi kar leti..aur mudh kar bhi nahi dekhti apne guzre hue kal ko..lekin aisa hua nahi..ho nahi paya...
Raj--ho sakta hai k woh apka dulha..wahi sab se achha admi saabit ho sakta tha apke lia..aisa mat sochiega k Army me hone ki wajah se main ek fellow officer ki tarafdari kar raha hoon..but..
Naina--ho sakta hai..
Raj--to fir aapne usko reject kyon kia?
Naina--maine kisi ko accept yaa reject nahi kia Sir, mujhe aitraaz tha un haalaaton par..jo mere dad ne paida kie..woh mujhe darate .. dhamkate.. maarte.. I really don't care..par ek insaan ki zindagi is tarha narak banane ka hak unko nahi tha..
Raj--agar woh Officer kabhi apke amne samne ho.. to aap kyaa kahengi?
Naina--maine unhe kabhi dekha hi nahi..naa hi unhone mujhe dekha tha..to fir is tarha sochne ka koi faida nahi..
Raj--to fir aapko bahut zada gussa hai..apne dad par..
Naina--gussa nahi..dukh hai...aise mindset par..jo zuban se to insaaniyat ki baat karte hai..par insaan ki hi zindagi is tarha barbad kar dete hai..dukh hai is soch par..k koi gair mazhab ka admi kabhi apka bhala nahi kar sakta..do ladka aur ladki..ek saath rahne k lia majboor hai..kyon ki unka dharam, jaat.. aur reet milte hai.. kundaliaan milti hai..par jinke dil kabhi mil hi nahi pate...fir bhi unko rishte me bandh kar rahena padta hai..kyon ki dono ek hi dharam k hain..dusri taraf..do insaan k dil milte hai..par unko ek saath koi dekh nahi sakta..shayad dono ek dusre k lia sab se achhe saabit ho..par unko alag kia jata hai..kyon ki unka dharam ek nahi..mujhe dukh hai is mindset par.apna dharam insaan chunta nahi..aur mohabbat par insaan ka bas nahi chalta...par dunia yeh maanti hi nahi..mujhe dukh hai is baat ka..
Raj--apko afsos nahi hota..k aap ek aram ki zindagi guzaar sakti thi..par aaj aap mulk is taraf se us taraf daur rahi hai..
Naina--jaha pyaar hai..waha afsos yaa pachtave ki gunjaish hi nahi..I have no regrets that I was..I am..and I will be in love... forever..
Raj sun kar khamosh reh gaya...
Naina--shayad maine kuchh zada hi bol dia..par bahut dino se..yeh saari baatein main kisi ko kahna chahti thi...aap ka badluck..aap ko victim banna pada...Sir..Sir..kaha kho gaye aap?
Raj--oohh..nahi..actually Naina..aapki zindagi par novel likhi jaani chahie..aap likhengi?
Naina--aap hi likhna..
Raj--thik hai..Dedicate tumhare naam par karunga.. likhunga,"To Naina,my inspiration."
Naina--good....are..baaton baaton me kab camp aa gaya..pata hi nahi chala..
Raj--yaa..
Naina--manzil utni door nahi lagi..jitna socha gaya tha..paas hi thi manzil...
Raj--haa..manzil bahut kareeb hai...
Naina--kyaa??
Raj--nahi kuchh nahi...
Naina--bahut der ho gai..8 baj gaye hai..
Raj--kal Office me milte hai..good night..
Naina--good night ...
Naina chali gai.....
Raj ko aisa laga..k ek roshni se uska dil k sare andhere door ho gaye aaj...par dukh to hai..k manzil kareeb hai..par usko paa nahi sakte...ek sur aur ek saaz par zindagi k geet gaa nahi sakte, kaash.. k main Arbaaz hota..to Naina k lia mar bhi sakta..par Arbaaz koi aur hai..Raj to Raj hai..uske lia to Naina ki zindagi me koi jagah nahi.. naa kal thi..naa aaj hai..aur shayad..kal bhi..
Your reaction
Nice
Awesome
Loved
LOL
OMG
Cry
Continue Reading next part >
Comments (11)
raat ko update dekhna
16 years ago
hey u r online......... r u going to update now??
16 years ago
outstanding......... amazing......... super........... awesome raj naina convo speechless its for u clap........clap.......clap
16 years ago
Hey Varun..bahut dino baad..kaise ho?
16 years ago
too good very emotinol update asap plzzzzzzzzzzzz
16 years ago
wowwwww it ws emotionally intense and so beautifully written....... its awesome and superbbbbbb love is painful yet so serenely beautiful........
16 years ago
ladki ki kamee nahi dunia me..na hi ladko ki kamee hai..par jo apko is tarah le jaye pyaar ki raah par..waisa saathi ek hi hota hai...dil par kisi ka koi bas nahi chalta..
16 years ago
Well...theek tha!!! Raj maine kaha tha uah musibat se door rahe lekin kabhi toh meri baat mano!!! Arre tumare liye main ladkiyon ki line laga doongi!!!Duniya mein koi kami nahi hai ladkiyon ki!!!!
16 years ago
great UD raj feels somehting for naina raj ka gussa chala gaya
16 years ago
i m dumbstruck by today update....u writing talent is outstanding...main to ye baat apko kitni baar bol chuki hun...koi nayi baat nahin hai aapke liye...u r really a great ff writer...thanku soo much for this beautiful part...
16 years ago