Chapter 7

ANANYA ROY

@yakkudimag

"Naina,
       maine bahut koshish ki tumse nafrat karne ki..main humesha sochti thi k tumne mere bete ki zindagi barbad kar di.Par aaj ..maine ek aurat ko tumhare parivar k bare me baat karte suna hai. Humare maholle ki hi hai..tumhare baap k ghar pe kaam karti hai..usise pata chala k Darbar saab ne tumko zinda manne se inkaar kar dia hai,
tumhara shraddh bhi kia hai unhone.Aj main samjhi k agar mere bete ne takleef sahi hai to tumne bhi kuchh kum nahi bardast kia hai.Main nahi jaanti k mere beta zinda hai bhi yaa nahi..par tum ko to yeh khabar din raat ek nai maut deti hai k tumhare parivar ne tumhara is tarha tyaag kia hai.Beti,mujhe pata nahi aur dikhayega Allah..par apne bete ki laash dekhne ki himmat nahi hai mujhme.

Par fir bhi.ek baat main kahti hoon...jo ghum tumne saha..uski koi had nahi..ek ladka dunia se lad kar rah sakta hai..kyonki usko sirf jaan ka khatra hai.. par ladkion ki baat alag hai..usko har taraf se taiyar rehna padta hai.mujhe sharm aati hai yeh soch k ..k maine tumko beizzat kia..jab k woh tum hi ho jo ab tak yeh ladai lad rahi ho..apne sare aisho aram ko thokar maar k.Zindagi to tumhari bhi asan nahi.Par tum to nahi gai ghalat raah par..tum lad rahi ho ghalat k khilaaf.


ek baat aur Naina..agar kabhi Arbaaz se amna samna ho..aur woh usi raaste par chal pada ho jiska andesha sab lagate hai..to ek kaam karna..usko goli maar dena.logo ki bate agar sahi hai to mujhe Arbaaz ko zinda nahi dekhna.

kyonki agar woh khud ko kanoon k hawale kar bhi de..to bhi zindagi uske lia jahannam hogi.main umar bhar ka ghum nahi chahti apni aulad k lia..usko maut deke tum usko is badtar zindagi se rihaa kar dena..yehi iltejaa hai. 

                                                                                                                 badnaseeb 
                                                                                                                                                                                                                                                                      

Nadira Bano."


yeh khat Naina ko mila...05/02/2005 ko..

Naina sar pakad k baith gai...

apne cabin me..chair me baithi hai...


aise me darwaze pe knock.."May I come in?"

Naina--yes please.


Rajveer andar aya..

Naina--Sir..aapne mujhe bula lia hota..

Raj--its ok..


Naina--please seat..

Raj--hmm..ooh..yeh dekho..woh Ibrahim Ali Case ki scanned copy.. yeh CD rakh lena tum..tum baad me itminaan se analysis kar lena..

Naina--thank you..main baad me dekh lungi.


Raj--kyaa baat hai..aap paheli baar kaam ko baad me karne ki baat kar rahi hai..any thing wrong?


Naina--no nothing like that...

Raj--ok..main chalta hoon..tum kal tak mujhe report karna...actually kal nahi..main zara out of station jaa raha hoon..main wapas ake tumse report manta hoon..


Naina--ok...

::::::::::::::::::::::::::::::::::::::::::::::::::::::::::::

Raj ne 5 din ki chhutti li thi..uske dad ka bulava aya tha...


leave mil gai aur woh chala aya Mumbai.

Property deal ki baat thi..

ek din ka kaam tha..par Raj ne socha k Arbaaz k bare me pata karne ka achha mauka hai.


Raj J.C. College gaya..

apna ID card dikha k usne enquiry ki..

Arbaaz Ali Ibrahim..Chemistry Dept. batch 1998-2001...


par Arbaaz ka photo kahi mila nahi...lekin college se Arbaaz k ghar ka pata mila..


par Raj ne socha k Arbaz k waha jane se pahle Darbar house jana zaroori hai..


10/02/2005, Subha 9 baje..


Darbar house me Major Rajveer Singh Shekhawat..

Darbar saab zara sharminda hue..


Raj yeha ayega..kisi ne nahi socha .

Raj--Uncle..Naina zinda hai.


Darbar--woh jeea yaa mare humen koi fark nahi padta..khandan ki itni badnaami..Naina mar gai humare lia..


Raj--aur jo aapne kia ..ek begunaah ko fansaya... Arbaaz ko...Naina isi wajah se ghar se bhaagi thi..


Darbar--tumko Naina k bare me kaise pata?


Raj--mere hi unit me hai woh..as Law Officer..6 saalon me Naina ne B.Sc. kia..fir vakalat pass ki.. aur Army join ki hai usne...sirf aur sirf Arbaaz ko dhundhne k lia....



Darbar--oohh..abhi tak us criminal k lia uski humdardi kum nahi hui??

Raj--Arbaaz criminal nahi tha..agar woh criminal bana hai to aapki wajah se..aapko koi hak nahi tha kisi ko is tarha andhere ki taraf bhej de aap..aapne hi police ko bheja tha...

Darbar--yes..maine bheja tha police ko..par iske lia RDX ka intezam kaun karta??Police ne itna socha k ek revoler uske ghar pe plant kar k usko fansaya jayega..par nahi,,,uske ghar me pahle se RDX tha, yakeen karo yaa na karo..yehi sach tha..main baap hoke Naina ko ek criminal k sath kaise jane deta?agar meri baat par yakeen nahi..to Senior Inspector Ingle se puchhlo..jisne Arbaaz ko arrest kia tha... Ingle abhi Bandra police station ka incharge hai.. uska phone number hai mere paas,haa,maine bheja tha Police ko..par Arbaaz k haath pahle se khoon se range hue the..


Raj--mujhe aur kuchh nahi kahna..par Naina par junoon sawar hai..Arbaaz ko dhundhegi woh..agar koi usko rok sakta hai to woh aap hai...ek baar..Naina ko gale laga lijiye..dekhiega..sab thik hoga..

Darbar--Naina agar beti ban k samne aye to main usko maaf kar sakta hoon..agar Captain Naina ban kar aye..aur Arbaaz ki diwani hai aaj bhi..to mere dil me koi jagah nahi uske lia...jeea yaa mare..I don't care.


Raj--aisa kuchh mat boliye ..k kal ko apko pachtana pade...aapko to garv hona chahie k aap ek aise insaan k pitaah hai jo apne usoolon ki itni pakki hai.. apne wade ki itni sachchi hai..mushkil se mushkil waqt par usne haar nahi maani..


Darbar--kyaa tum bhul chuke ho k usne tumhare parivar ko kis tarha beizzat kia tha..tumhara Rajputi khoon thanda pad gaya hai kyaa?

Raj--mere dil me kahi na kahi Naina k khilaaf shikayat to hai..par fir bhi..jo hua woh haalaat ki wajah se hua..na mera dosh hai na Naina ka..



::::::::::::::::::::::::::::::::::::::::::::::::::::::::::::
Raj gaya Maahim..Arbaaz ka pata puchhte hue.. ghar mila bhi..

Nadira Bano aai...


Nadira--kahiye..

Raj--main Human Rights Commission se aya hoon.. apke bete k bare me janna hai...


Nadira ne bataya k kyaa hua tha 6 saal pahle.. Ibrahim Raza Noor ki maut..unki yeh badtar haalat...


Raj ne Arbaaz ki photo maangi...


Nadira Bano ne Arbaaz k college ki photo lake dia Raj ko....




Photo dekh kar..


Raj ko aisa laga ..k dharti fat jaye..asmaan geer pade..yeh Arbaaz hai??


kyaa batayega Nadira Bano ko..k unka beta Army k hit list me hai? ..aur Naina...kyaa woh bardast kar payegi..k jis k khilaaf woh jaal boon rahi hai Raj k sath mil kar..woh Ibrahim Ali aur koi nahi..bal k uska Arbaaz hai!!!


tabhi phone kia Naina k mobile par..


Raj--tumne CD dekhi?

Naina--abhi tak nahi..waqt nahi mila...

Raj--jab tak main na aaoon..tum usko mat dekhna... wajah baad me bataoonga..but promise me..

Naina--ok..


::::::::::::::::::::::::::::::::::::::::::::::::::::::::::::

Naina ne vakei me CD nahi dekhi....uske desk par hi rakha tha..

actually Arbaaz ki maa ka khat padh kar woh bahut zada disturbed hai..aise me kisi ka jhamela kyon apne sar pe le Naina..