Aaj sunani hai ye kahani tumhe,
Kahani nahi beeti hai jo zamane mein hai wo gaatha yeh,
Baat hai yeh us waqt ki jab adharm dhara par faila tha,
Dwaparayug mein jo janma wo hamara kanha tha,
Bankar aaya tha wo Kans ka kaal,
Karne dur is dharti ka har malal,
jagpaalak aaya tha bann baalak,
Putra Yashoda ka wo kehlaya tha gopalak,
Kali raat me janam liya tha mitaane ko andhkaar,
Uske janam lete hi khul gaye the kaaraagaar ke sabhi dwaar,
Leeladhar ki hi ye leela thi,
Jo khuli Vasu-Devaki ki bediyaan thi,
Dhaar ke bhagwaan ko sar pe,
Pahunche Vasudev Yamuna ke teere,
Jaan gai thi Yamuna maai,
Hari ne yeh adbhut leela hai dikhaai,
Phir Chhune Hari charan ko,
Yamuna maa thi uchhal padi,
Chuye jab charan banwari ke tab thi Yamuna ghati,
De Vasudev ko Gokul ka raasta,
Tha nibhaya Yamuna ne farz apna,
Paakar maarg Vasudev Gokul ko aaye,
Devakinandan fir Laal Yashoda ke kehlaaye,
Putra ko chhod Yashoda dware, nandsuta ko le Vasudev the kaaragaar padhare,
Devi ne phir Kans ko batlaya,
Teri maut bann swayam ishwar Gokul hai aaya,
Yahi katha thi Krishna janam ki,
Shuru ho gayi thi phir leelaaen bhagwan ki,
Bann gopala Jagdeeshwar hai aaye,
Kaise mahima hum unki gaaye!!
I wrote this in November but posting it now on the occasion of janmashtami [ yeah I am late] but do read it😂
.
comment:
p_commentcount