Shair-o-Shairi-- Part 3 - Page 56

Hay guzarish key palat jaa merey gham khaney sey

Iss jagha ujhrey huwey log raha kertey hein

Saqi terey karam pey bara naaz tha mujhey

Naakaam ja raha hoon muqadar ki baat hay

Diloon mien mehkatey huwey jazbey nahin miltey

Ujrey huwey gulshan mien parindey nahin miltey

Kiyun dil mien chupkey sey utar jatey hein key

Jinn sey qismat key sitarey nahin miltey

Naa dil hie thehra' naa ankh jhapki' naa chain paya' naa khawab aya

Khuda dikhaye naa dushmanoon ko' jo dosti mien azaab dekha

Jo tajh ko paya to kuch naa paya' yeh khakdan ham ney khak paya

Jo tujh ko dekha to kuch naa dekha' tamaam aalam kharab dekha..

Rukh-e-roshan key aagey shamaa rakh ker woh yeh kehtey hein

Udher jata hay dekhein ya idher parwana aata hay..

Naa pooch dil ki haqeeqat magar yeh kehtey hein

Woh beqaraar hay jiss ney beqaraar kiya..

Jiss sham barastey hain terey hijar key baadal

Uss shab ko koi hijar kaa taraa nahin hota

Yunhi merey pehloo mien chala aata hay aksar

Woh dard jissey ham ney pukara nahin hota

sab sey nazar bachaa key woh mujh ko kuch aisey dekhta

aik dafa to ruk gai gardash-e-maah-o-saal bhi

meri talab tha aik shjakhs woh jo nahin mila to phir

haath duaa sey yoon gira' bhool gaya sawaal bhi

Chand ki roshni

shuroo raatoon ka chand tha

phir bhi

saara bagh roshni sey

bhara huwa tha

jaisey hamarey dil

muhabat sey...