Shair-o-Shairi-- Part 3 - Page 28

Subah hote hi khayalon mein aa jate hai
Raath hoti hai tho khwabon mein aa jate hai
Na jaane kyun aapke baare mein sochte hi
Humko khud ba khud shayari aa jati hai

Uski shakal apne dil se utaar deta hoon
Kabhi kabhi yun main khud ko bhi mar deta hoon
Ye mera haq hai mein use thora dukh bhi doon
Mein use chahtain bhi to beshumar deta hoon

Janay kya mujh se ye zamana chahta hai
Mera dil tor kar mujhko hasana chahta hai
Janay kya baat jhalakti hai mere is chehre se
Har koi shaks mujhe aazmana chahta hai

Kabhi to asman se chand utre jam ho jaye
Tumhare naam ki ik khoobsurat sham ho jaye
Mein khud bhi ahtiyattan is gali se kam guzarta hoon
Koi masoom kyun mere liye badnaam ho jaye
Hamain maloom hai iska theekana phir kahan hoga
Parinda jab asmaan choone main nakaam ho jaye
Ujale apni yaadoon ke hamare sath rehne do
Na jane kis gali main zindagi ki shaam ho jaye

Tujhe Pyaar mera satayega
Yaadon ke toofan utthaye ga
Mera naam likh ker kitaboon main
Tu logoon ke darr se mitaye ga
Zikar mera aksar karne se pehle
Tu kuch soch ker muskuraye ga
Baatein meri yaad aayengi
Jitna tu unhain bhulaye ga
Tera Dil mujhe jo dekhna bhi chahe
Tu nazron ko phir bhi jhukaye ga
Jis ne mujhe itna sataya hai
Us ka chain bhi koi churaye ga

ashkon se nahi bujhte sholey dard-e-pyar ke
maut bhali aise lambey intezar se
marte hain roz bina deedar e yaar ke
tanha hi achey thay us bewafa ke pyar se

Haan maine tujhe chaha inkar nahi mujhko
Ye jurm to hai sabit, kya iski safayi doon

Kitni Azziyat Say Uss Ne Mujh Ko Bhulaaya Hoga
Meri Yadoon Ne Ussay Khoob Rulaaya Hoga

Baat Be-Baat Aankh Uss Ki Jo Chhalkee Hogi
Uss Ne Chehre Ko Baazuon Main Chupaaya Hoga

Socha Ho Ga Uss Ne Din Main Kaee Baar Mujhay
Naam Hatheli Par Bhi Likh Likh Kay Mitaaya Hoga

Jahan Uss Nay Mera Zikkr Suna Hoga Kisi Say
Uss Ki Aankhon Main Koi Aansoo Tou Aaya Hoga

Raat Ke Bheetnay Tak Neend Na Aai Hogi Tujhay
Tunay Takkiye Ko Bhi Seenay Se Lagaaya Hoga

Hokay Nidhaal Meri Yadoon Se Tunay Jaana
Meri Tasveer Pe Sar Apna Tikaaya Hoga

Poocha Hoga Jo Kisi Ne Tere Halaat Ka Sabbab
Tunay Baaton Main Khoob Uss Se Chupaaya Hoga

Pyar Heyrat Hey Jisey Koi Chupa Bhi Na Sakey
Pyar Dolat Hey Jisey Koi Chura Bhi Na Sakey
Pyar Afat Hey Jisey Koi Bhula Bhi Na Sakey
Pyar Naghma Hey Jisey Koi Ga Bhi Na Sakey
Pyar Nalah Hey Jisey Koi Daba Bhi Na Sakey
Pyar Shikwa Hey Keh Honton Peh Jo Aa Bhi Na Sakey
Pyar Qisa Hey Jisey Koi Suna Bhi Na Sakey
Pyar Qarza Hey Jisey Koi Chuka Bhi Na Sakey
Pyar Fitna Hey Jisey Koi Sula Bhi Na Sakey
Pyar Kitna Hey Koi Itna Bata Bhi Na Sakey
Pyar Tamgha Hey Jisey Koi Saja Bhi Na Sakey
Pyar Wadah Hey Jisey Koi Nibha Bhi Na Sakey
Pyar Dhoka Hey Koi Khaye To Kha Bhi Na Sakey
Pyar Pardah Hey Jisey Koi Hata Bhi Na Sakey
Pyar Hey Naaz Jisey Koi Utha Bhi Na Sakey
Pyar Shola Hey Jisey Koi Bujha Bhi Na Sakey
Pyar Ki Aanch Sey Dil Koi Bacha Bhi Na Sakey
Pyar Basti Hey Jisey Koi Basa Bhi Na Sakey
Pyar Taqat Hey Jisey Koi Hara Bhi Na Sakey
Pyar Shokhi Hey Jisey Koi Rula Bhi Na Sakey
Pyar Tootey To Koi Us Ko Bana Bhi Na Sakey
Pyar Roothey To Koi Us Ko Mana Bhi Na Sakey

Ab Key Saal Kuch Aisa Kerna
Apney Pichaley Ghuzrey Mah Key
Dukh Ka Andaza Kerna
Meri Yaadein Taza Kerna
Saada Sa Ek Kaghaz Ley Ker
Bhoolay Basray Pal Likh Leyna
Phir Iss Beetay Ek Ek Pal Ka
Apney Guzrey Ek Ek Kal Ka
Ek Ek Mor Ka Ihaata Kerna
Saray Dost Ikatthay Kerna
Sari Subhein Hazir Rakhna
Sari Shamein Pass Bulana
Aur Ilawa Unn Ke Dekh
Ik Ik Yaad Gumman Mein Rakhna
Phir Mohtat Qiyaas Lagana
Gar To Khushian Barh Jati Hein
To Phir Tum Ko Meri Taraf Sey
Best Of Luck For Any Time
Aur Aggar Gham Barh Jaaein To
Mat Beykar Takaluf Kerna
Dekho Phir Tum Aisa Kerna
Meri Khushian Tum Laylena
Mujh Ko Apnay Gham Daydena
AB KE SAAL KUCH AISA KERNA