Posted:
Zoya's POV :
Aaj poore 6 mahine ho Gaye Aditya ko humse door Gaye huye par aaj bhi lagta hai jaise Kal ki Baat ho,jab hum Baat Baat par jhagda karte the,roothte the ek doosre se phir ek doosre ko manane ki koshish karte the. Hum dono ajnabi hokar bhi kabhi ajnabi nahi the. Humesha aisa lagta tha ki kuch toh hai Jo hum dono ko ek doosre se baandhe rakhta tha. Pata nahi Kya tha woh kismat ya destiny.Hum dono ek doosre se bahut alag the.Agar main poorab thi toh woh paschim. Phir bhi ek doosre ke Bina adhoore the . Kaash hum unhe Bata sakte ki hum unke baare mein Kya mehsoos karte. Aisa ehsaas aaj Tak Hume kabhi nahi hua,Yash ke saath bhi nahi. Pata nahi yeh kaunsa ehsaas hai Jo Hume Aditya ke paas jaane ko majboor karta hai,woh pass na ho unke baare mein sochne ka Mann karta hai. Aaj Zindagi mein Sab kuch hai phir bhi kuch adhoora lagta hai. Kahaan Hain aap Aditya,please waapis aa jaayein kyunki-
"Tum bin Jiya jaaye kaise
Kaise Jiya jaaye,tum bin
Aa jao lautkar tum
Yeh Dil keh raha hai"
Aditya's POV
Zoya - Ek aisa naam ya kahoon ki ek aisa ehsaas jise main kabhi bhool nahi Sakta.Pata nahi Kya naata hai usse,main use bhoolna chahoon bhi toh nahi bhool Sakta. She is just impossible to ignore. Uska masoom chehra ,uski aankhein Kisi ko bhi uske bus mein Kar sakti Hain jaise main hota gaya dheere dheere uske bus mein. Agar woh pass na ho toh kuch khaalipan sa lagta hai. Aisa lagta hai ki adhoora say ho gaya Hoon main. Jab woh pass ho toh saari duniya achhi lagne lagti hai. Aaj 6 months ho chuke Hain usse Baat kiye huye. Yeh waqt kaise beeta hai yeh sirf main hi jaanta Hoon. Inn mahino mein aisa koi pal nahi gaya jab Maine use yaad na kiya ho. Bahut baar Mann kiya ki uske pass bhaagkar Chala jaoon,phir yeh sochkar ruk jaata ki woh Kya sochegi mere baare mein. Zoya ke Bina Meri Zindagi ke koi maayne nahi hai. Yeh Dil sirf uske liye dhadakta hai. Par yeh baatein main usse kabhi nahi keh Sakta kyunki main darta Hoon ki kahin ek dost ko na kho Doon . Par Sach toh yahi hai Zoya ki-
"Jo Meri manzilon ko jaati hai
Tere naam ki koi sadak hai na
Jo mere Dil ko Dil banati hai
Tere naam ki koi dhadak hai na"
comment:
p_commentcount