"Kyun Ajabde?" where the only words which Hansa Bai could manage to say. She was too shocked, surprised and pained to say anything more than that.
"Maa, humein kuch shan ke liye akela chod dijiye." Ajabde said in a very composed tone. But was that enough to hide that immense pain which she felt. No not at all...HB could clearly make it our by her eyes and her voice. Even if she refused to speak anything about it, her eyes depicted all the pain she bore, her eyes spoke volumes.
"Ajabde..." Hb was angry on her. But her daughter's pain overpowered her anger on Ajabde.
"Koyi baat nahin yadi aap nahin jayengi do hum jaa rahein hai..." She tried to sound nomal and left the room hurrying so that her tears go unnoticed by her mother.
Kitni der bhaagengi aap? Kis kis se bhaagengi aap?
Hum bhaag nahin rahein hai kisi se. Hum toh bass nahin chahte ki Maa aur Daata aur dukhi ho humari baatein sun kar...
Achha? Thik hai chaliye maan liya. Parantu apne aap se? Apne aapse to aap kabhi bhaag nahin paayengi aur nahin koyi bahana de paayengi.
Aap chahti kya hai humse? Aapko lagta hai yeh sab ek bahana hai? Kya chahti hai aap humse? Humein spasht roop se bataiye!
Kyun kiya aapne aisa Ajabde?
Humne wahi kiya jo humein karna chahiye tha.
Aapko lagta hai jo aapne kiya woh sahi tha?
Haan, humne jo kiya woh sahi tha. Kyun? Kya sach ka saath dena galat hai? Kya apne aatmasamman ki suraksha karna galat hai? Ya phir apne maata pita ke apmaan ke khilaaf awaaz uthana galat hai? Kya galat hai? Bataiye humein? Bataiye!
Ek mauka, kya sirf ek mauka aur nahin de sakti aap unhe?
Ek mauka? Ek mauka? Kise de ek aur mauka? Kunwar Pratap ko? Apne aap ko? Yah humarein iss sambandh ko yaa phir humarein vivaah ko? Aap ek mauke ki baat kar rahi hai? Aur kitne mauke de hum? Aur...kitne mauke?
Humse aur nahin saha jaata! Bachpan se hum apmaan pe apmaan sehte chalein aaye hai. Parantu humne kuch nahin kaha kyunki hum apne daata ka samman kate the, kyunki tab Maa humare saath thi humein sanntwana dene ke liye...
Parantu ab...ab aur nahi saha jaata humse! Asahniya ho gaya humarein liye yeh pira, yeh apmaan!
Humein nahin pata tha ki kisi se prem karna itni badi galti hai... Humein nahin maloom tha ki humein kabhi itne apmaan bhi sehne parenge. Nahin maloom tha humein ki humaarein Daata aur humari Maa ka har pag pag par itna apmaan kiya jayega.
Samant Putri!
Haan hai hum ek saamant ki putri!
Ek saadharan samant ki putri!
Toh ismein dosh kahan hai? Kya kisi samnat ki putri hona dosh maana jaata hai? Kya unhein sammaan nahin diya jaata hai ya phir woh uss sammaan ke haqdaar nahin hai?
Thak chuke ha hum! Thak chuke hai hum baar baar wahi baat sunte sunte, wahi do shabd sunte sunte! Baar baar apne daata aur apni Maa ka apmaan karte hote dekh! Thak chuke hai hum ladte ladte! Thak chuke hai hum inn shadyantro se, unn logon se ladte ladte. Aur nahin hota humse yeh sahan, aur...aur nahin hota humse yeh sangharsh.
Apne aap ko kamzor mehsoos karte hai hum. Nirbal ho chuke hai hum baar apne vivaah ko toot te dekh, baar apne sapno ko choor choor hote dekh! Hum mein aur itni shamta nahin rahi ki hum ek baar phir saahas karein, apne aapko, Kunwar Pratap aur humare smabandh ko ek mauka dene ki. Hum mein nahin hai sahas ek baar phir unn apmaano ke shikaar banne ka.
Galti thi humari, ki hum yeh smajh baithe ki Kunwar Pratap humari baatein maan jaayenge. Apni Choti Maa ka sach swikaar kar paayenge. Hum kaise bhool gaye ki unke liye sabse pehle unki maryaada aur unki chooti Maa aati hai? Kaise bhool sakte hai hum iss baat ko?
Aur hum yeh bhi kaise soch baithe the ki...
Kunwar Pratap humarein saath khade rahenge, apni choti maa ko chod, unke khilaaf. Humne bhi na jaane kaise soch liya ki Kunwar Pratap humarein apmaan ke khilaaf awaaz uthayenge? Shayad hum bhool gaye the ki Pratap apni Choti Maa ke khilaaf kabhi awaaz uthana toh kya, unke baarein mein kisi ke muh se apshabd bhi nahin sunn sakte.
Ve aapse prem karte hai...
Karte honge ve humse prem, parantu hum yeh jaante hai ki ve humse adhik apni choti maa se prem karte hai, unse jo humesha unhe haani pohunchaane ka maarg dhundti rehti hai.
Parantu aapne aise kaise tod diya yeh vivaah?
Kis vishwaas ki neev se hum na todte yeh vivaah?
Kya apni saari zindagi apmaanit hone ke liye chalein jaate Chittod mein Maharani ban kar?
Prem karte hai hum Kunwar Pratap se, parantu kya iska arth yeh hai ki hum woh har apmaan sehte rahein, unn baton ke liye apmaanti hote rahein jinmein humara koyi dosh nahi hai?
Kya ek rajputaani ka aatmasamman sabse pehle nahin aata?
Iss baat ko na hum bhool sakte hai aur naa hi jhootla sakte hai!
Aur...kya arth hai uss vivaah ka jahan do logon ke bech mein vishwaas na ho,
jahan do logon ke beech bharosa na ho, ek doosre par,
woh jo ek sambandh mein sabse aavashyak hota hai. Yadi ve hum par vishwaas hi nahin karte, bharosa hi nahin karte, toh...toh arth heen hai na yeh sambandh, yeh vivaah?
Yadi humarein pati humarein saath nahin khade ho paaye, toh hum jiss parivaar mein humara vivaah hone jaa rah tha, whan ke logon se kya apekshaayein rah sakte hai?
Yadi humarein pati apni patni ke samman ki raksha na kar paaye toh kya labh hua iss rishte ka?
Yadi do logon mein vishwaas ho toh ek sambandh prem ke bina bhi kayam reh sakta hai,
parantu yadi vishwaas hi na reh jaaye dono ke beech toh prem ka rehna bhi,
arth heen ho jaata hai...
Toh aap yeh vivaah nahin karengi...
Nahin...
Hum peeche hath rahein iss vivaah se...
Aur iss baar...
Humesha ke liye...
*Note: Italics stand for Ajab's inner voice, her heart. Don't mistake it as that idiot Phool*π
I can't help but write this. You know I was jsut feeling angry on Pratap and the humiliation that Ajab had faced and not even a single time had Pratap stood beside her. This really clicked me, that why was it so? Wasn't he expected to stand by her side, to be with her, to be her voice. She could atleast expect this from Pratap.
Do comment on how was it...π
You can find more of my writing pieces on PrAja in my writing index!!!
comment:
p_commentcount