Kiran: Kiun propose kiya hai tum nay mujhay??Kiun taras kha rahay ho tum mujh pay?
Adnan: Taras??Tum samajhti ho main tum per taras kha kay shaadi karna chahta hun...Tum kitni bewaqoof ho Kiran...Main kiun taras khaunga tum pay??
Kiran: Main janti hoon yeh hamdardi aur taras kay ilawa kuch nahi hai...Tum saari zindagi meray liye yehi kartay rahay ho...Tum aakhir kiya kiya karo gay meray liye...???
Adnan: Tum hamdardi aur mohabbat mai farq kiun nahi karsakti???Main tumhain samjhanay mai nakaam raha hoon ya tum ziada bewaqoof ho?
Kiran: Mohabbat???Tum mujh say mohabbat kartay ho?
Adnan: Hamesha...Hamesha say...
Kiran: Laiken tum nay kabhi nahi kaha
Adnan: Kiya kehta main?Agar tumhain kabhi meri mohabbat mehsoos nahi hui,tum ussay pehchaan nahi payi tu main kiya ta'arruf karwata uss ka?
Kiran: Main tumhari baat samajh nahi parahi.
Adnan: Tumhain sochna chahiye tha na k main agar tumhari aik call per din ya raat kay kisi bhi pehar tumharay ghar ajata hun,tumhari maangi hui cheez ko lanay k liye saat samundar paar janay k liye tayyar rahta hun...Tumhari khushi say khush aur tumhari takleef say pareshaan hota hoon tu yeh sirf hamdardi tu nahi hosakti..
Kiran: Tumhain phir bhi batana chahiye tha!Kehna chahiye tha.
Adnan: Kiya kehta??Kiya batata...Meray halaat hi aisay nahi thay k koi waada leta,deta...
Kiran: Kaun say halaat?
Adnan: Tum jaanti ho...Aapa ki rukhsati nahi horahi thi...Karobaar dhang ka nahi tha mera...Aur main chaand ki tamanna karta?
Kiran: Ab bhi tu chaand ki hi tamanna kar rahay ho...
Adnan: Haan!Kar raha hun..
Kiran: Ab chaand mai daagh agaya,shayad iss liye
Adnan: Main nahi chahta kay chaand aik baar phir meri nazron say ojhal hojaye...Tum aaj bhi meray liye wohi Kiran ho...Tumhari shaadi...Tumhari talaq...Mujhay kisi cheez say farq nahi para...Na mujhay na tumharay liye meri mohabbat ko.
Kankar
"Nahi Mummy aap nahi samjahti aap nahi samajh sakteen.Kiun k aap nay apni zindagi "Mansoor" kay saath guzari hai "Haider" kay saath nahi.Aap Working Woman nahi hain aik House Wife rahi hain aap nay bohat comfortable zindagi guzaari hai pehlay Nana k ghar phir Papa k saath aap ko kia pata aik Working Woman ki zindagi kitni mushkil hoti hai."
"Tumharay nazdeek aik working woman kiya hai?Woh aurat jo 9 to 5 job karti hai.Haftay mai aik baar us ko 1 chutti milti hai maheenay k aakhir mai uss ko Pay mil jati hai,Bonus milta hai aur kuch extra chuttiyan mil jati hain?Yehi hai na Working woman?Aur aik house wife woh hoti hai jo ghar mai takht per beth kar hukm chalati hai nokaron per.Haina?Main tumhain bataoon aik house wife kiya hoti hai beta?Aik house wife 24 ghantay kaam karti hai apna ghar dekhti hai bacchay paalti hai miyaan ka khayal rakhti hai aur susraal ko khush rakhti hai saara din mehnat karti rehti hai laiken us ko is ki ujrat nahi milti hai.Aik unpaid worker hoti hai aur us ki saari mehnat koi notice bhi nahi karta aur uss ko apnay liye aik minute nahi milta.Aur tum samajhti ho aik house wife ki zindagi bohat asaan hoti hai?"
Durre Shahwar
comment:
p_commentcount