Posted:
Yaar is mallika se badi bewakoof vamp humne jindagi me nahi dekhi .. bahut serials dekhe ..bahut se vamps bhi dekhe ..kuch apne hotness ko apna hathiyar banati thi ,kuch apne dimag ko ..kuch samaj ko ..kuch family ko ..aur kuch in sabko .. pehli baar ek vamp ko dekh rahe hain jo apne pagalpan ko apna hathiyar banane ki koshish kar rahi hai.. abbe ,tujhe kya lagta hai ? tere pagalpanti se asu ji tere pyar me pagal ho jayenge? tu asu ji ko Prem bandhan ka Rajesh Khanna aur apne aapko Moushumi Chatterjee samajhti hai kya ? jo asu ji tere liye aur tu asu ji ke liye gaana gayenge ..main tere pyar me pagal hoon?
Kya hai yeh re .. agar vampgiri karni hai to thodi dhang se kar ... aisi kar ki tujhse nafrat karne me maza aaye.Agar help chahiye to bol.. jaante hain is business me tu nayi nayi hai ,lekin ek baar bol kar dekh.. kekta ma se keh kar tujhe komolika basu ,ramola sikand aur mandira ki cds jahan milti hai wahan ka address bhijwa denge.. thoda unlogon ko dekh ,seekh aur fir kuch kar.. aisi bewakoofi bhari harkaten dekh kar tujh par gussa nahi hasi aati hai..lagta hai three stooges ka episode chal raha hai.... tu sach me baura gayi hai ! u need serious help ,woman !
I understand ki tu kuch jyaada hi inspired hai asin wali mirinda ki pagalpanti bhi jaruri hai waali ad se...lekin yaar jarurat ki bhi ek limit hoti hai ! tujhe kisne yeh idea diya (i can bet this is one of the sultry sue's ideas !) ki pagalpanti kar aur asu ji ko pata ? asu ji to patne se rahe ..malum chala tu sach me pit kar ghar se bahar nikal gayi.. uske baad to asu ji tera chehra bhi nahi dekhenge ...bhootni or otherwise..
Aur asu ji .. ab aapki baari.. kya sarkar.. raat me koi voilin bajata hai kya ? aap bhi na ..ghar baithe baithe screw dheela hota jaa raha hai.. jaldi jaldi theek ho aur KGH waapis join karo.. aise bhi leave widout pay par ho .Biwi ko pataya ..achhi baat hai..vo pat bhi gayi.. wahin par chod dete.. hamesha na ..aap biwi ko khush karne ke chakkar me kuch aisa kar dete ho jisse aapki aur nidhi dono ke romance ki waat lag jaati hai .Agar voilin bajane ka utna hi shauk tha ,to subah baja lete ..lekin nahi.Bajaya to bajaya..kya bajaya..dard-e-dil ..(ab kya dard hai aapke dil me? ) Hume lagta tha aap apni mistake se seekte ho..yaad nahi? pichli baar biwi ko khush karne ke josh me pair tudwa liya? is baar to sakshat bhootni ghus padi kamre me (nidhi kal pure room ko sterlize kara liyo !)...kehti hai mujhe private concert chahiye ..abbe teri to ..tu ek baar theek ho ja ..fir nidhi ne tujhe washerman ke dande se nahi dhoya to dekh .. tujhe lagta kya hai be? asu ji pichle janam me mozart the ? tab teri jankari ke liye bata de...tujhe galat lagta hai..kyunki asu ji pichle janam me uncle scrooge the ! bhootni tujhe asu ji ko apne kamre me jitna le jaana hai le jaa...sona to unhe wheelchair me hi hai ! jitna voilin bajwana hai bajwa le..kahe to tuntuna,dholak wagera bhi mangwa dete hain...jitna sangeet sunna hai sun le.. tu sirf 2 weeks ki mehman hai ...ja aish kar ! tu bhi kya yaad rakhegi..kis dildar nidhi se pala pada tha !
comin back 2 asu ji.. hume na ab aisa lagne laga hai ki aapne hostel days me bada try kia ki mallu se pyar ho jaye.. har samay unke aage peeche dolte rahe.. overcoat me sharan di,voilin baja kar sulaya,i mean sunaya.. yahan tak ki baal bhi banaye.. shayad pyar ho jaye ..itne papad belne ke baad bhi agar bhootni se pyar nahi kar paye to isme aapki ki kya galti? hain ji? ladke normally pyar me padne ke baad papad belte hain..yeh janab pyar me padne ke liye papad bele..lekin kuch nahi ho paya! chal koi nahi ..nidhi hai na!
precap- asu ji ,karcha bahut badh gaya hai.. sirf 4 logon ka khaana hai ghar me..aap decide kariye .mallu ko khaana khilayenge ya mujhe?
Anupamaa
Kyunki Saas Bhi Kabhi Bahu Thi 2
Fan Fictions
