The Great Indian Arranged Marriage (Last Part)

CONTEST : IPL 2026 Prediction Game

Page

Next Last

ANANYA ROY

@yakkudimag

Dazzler

+ 3

Posted: 17 years ago

Arranged Marriage....is ek chees ne..sab k dil me itna sara confusion create kia hai..haalat kharab ho gayi hai sab ki..infact shaadi hoti hai gadbad wali chees..

Rajeev Khandelwal as Rajveer

Priyanka Bassi as Naina

Edited by yakkudimag - 17 years ago

Quote

Frequent Posters

ANANYA ROY

@yakkudimag

Dazzler

+ 3

Posted: 17 years ago

PART 1

Peechhle saal,meri Mausi ne mujhe Diwali me unke ghar bulaya..woh Delhi me rehti hain..meri Maa ne bhi kaha..k Mausi bula rahi hain chali jaa..is tarha unhone..kabhi request nahi kia..actually..Mausi k Bete ..mere Amrit Bhaiyya chale gaye hain Mailbourne,MBA k lia..Mausami..Mausi ki beti..bahut akeli pad gayi thi..isi lia Mausi ne aur Mausami ne mujhe Delhi bulaya..aur main jaane k lia raazi ho gayi..kyonki main khud us waqt Kolkata se bhaagna chaahti thi..kyonki ek sadial sa below standard ka ladka mere peechhe haath dhoke pad gaya tha..Diwali k waqt woh mujhe sab k saamne propose karega ..yeh usne claim kia tha.Maine socha bhaag jaana achha idea hai..filhaal k lia yeh musibat tal jaaye,fir baad ki baad me dekhenge,is waqt Kolkata me mujhe koi kaam bhi nahi tha..maine apni naukri chhod di thi,socha nayi naukri ki talaash karne se pahle..thode din aaraam kar loon..toh main chal padi..Delhi ki taraf..

Rajdhani Express ka ticket milna mushkil tha is waqt..par maine manage kia ..Vijaya Dashmi k baad..jana chaahti thi..par uske baad..ghar me Lakshmi Pooja bhi honi thi..aur khuskismati se Lakshmi Pooja k do din baad ki ticket hi mili mujhe..shaam k 4 baj kar 45 minute par meri journey shuru hui..agle din subha 9 baj kar 55 minute me New Delhi pahoochegi..main akeli thi.. socha ..bahut achha hua..koi nahi hai mere saath,naa hi Mom,jo mujhe sawal poochh kar pareshaan karengi..naa hi mere Dad..jo train me baaki sab se baat kar k..mujhe us conversation me ghaseetenge..I was all alone ..and glad too.Mujhe akelapan bahut zyada pasand hai.

Mere saamne ek couple baithe hue the..young couple..dekh kar lag raha tha ..shaadi hue kuchh hi din hue hain.woh dono aapas me baatein kar rahe the..bahut khush lag rahe the..

Train jab Dhanbad pahoochi..tab meri ek saheli ka phone aaya..mera mobile roaming me tha..par main majboor thi..uski bakwas sunne k lia..usdin Set Max par Dilwale Dulhania Le Jaayenge telecast kia jaa raha tha,aur meri woh saheli..us movie ko dekh rahi thi..aaj ka show mila kar..usne century maar li thi..100 times..isse pahle usne 99 baar DDLJ dekhi hai,aaj century maar rahi hai..aur mera sar khaa rahi hai..break times me..yeh pehli baar nahi tha..1995 me jab yeh film release hui thi,tab se,yeh silsila chal raha hai,pahle bhi uskne jab Silver Jubilee complete ki...tab main 10th standard me thi..year 1999..Fir jab usne Golden Jubilee ki..tab main thi College k first year me..2002..2002 me hi usne Diamond Jubilee complete kar lia..aur jab main pass out ho kar nikli college se,2006 me..tab usne Platinum Jubilee complete ki...aaj usne century maari..par aaj ki baat alag thi..mere mobile k paise kat rahe the..jo mujhe manzoor nahi tha..asal baat yeh hai..k maine DDLJ ..ek baar bhi poori nahi dekhi..I lost my patience every time..mujhe itni romantic films pasand hi nahi aati hain..romance k maamle me..main pahle darje ki ghonchoo hoon.. action ..thrill..bardasht kar bhi loon..but..romance..!!Never..aur Train ka darwaza khula rehna..abroad me..kuchh ajeeb sa hi laga tha mujhe..jab k station se chhoot te waqt train ka darwaza apne aap hi bandh ho jaata hai.. London me atleast..yeh mera apna experience hai..Heroine jab finally mil jaati hai Hero ko..tab train ka darwaza ..khula tha...maanti hoon..kyonki..woh India k kisi station ka scene tha,train bhi indian,aur compartnment bhi second class..yeha darwaza khula chhod hi sakte hain..par London ..me yeh hona namumkin tha..main khud London jaa chuki hoon..kisi bhi train me aisa kuchh nahi dekha..jaisa DDLJ me first meeting k scene me tha.. actually ..mujhe illogical aur unreal..in dono cheeson se sakht nafrat hai...arre bhai.. Hero NRI businessman ka beta..aur ladki ka baap usko chhod kar kisi gawaar aiyaash k saath beti ki shaadi kara raha hai..is baat par koi yakeen bhale hi kar le..main yakeen nahi karti..wajah..ek hi wajah thi.I am unromantic .. kisi kisi ne yeh bhi kaha hai mere baare me..that..I love the four letter word, HATE..and I hate the four letter word,LOVE..from the deep of my heart..Ab main kyaa karti..?apne apne nazariye se sab sochte hain..meri problem yehi thi..main sapno me bhi logic dhoondha karti thi..haalaa k yeh baat sach hai.. har sapne ka koi naa koi matlab zaroor hota hai..par main fantacies me bhi logic dhoondha karti hoon.Mere andar bahut si kharabiaan hain. LOGIC .. main commercial films,TV Serial,masala movies..aise saari cheeson me logic dhoondha karti thi..jaha par logic k hone ka zara bhi chance nahi hota hai.. and..that's me..Shaayad dad se TV k remote ko le kar jhagda kar loon..k "aapne bahut news dekh li..ab mujhe serial dekhna hai.."..par ultimately ..main movie channels aur daily soaps ko chhod kar..news hi dekhti hoon.. mujhe maza aata hai.

Bahut de dia apna parichay maine..ab asal baat bata doon..sach toh yeh hai ..is baar main chidh gayi thi..in fact main pak chuki thi..kyonki..is baar mere phone se balance kum ho rahe the..isi DDLJ ki wajah se..film me baat toh hai..Sholay ka record tod dia is film ne..achha hi hoga..par mere mobile k paise kharach ho rahe the..isi film ki wajah se..main majboor ho gayi..apni saheli ko SHUT UP bolne ke lia...maine aur bhi bahut kuchh kaha,"dekh..life DDLJ nahi hai..varna roz..laakho handsome ladke aur roz laakhon hot ladkiaan train se jaati hai..par unme se kitne log baad me milte hain?Kitno ki shaadi hoti hai?Laakho log ek hi travel group k saath jaate hain..aaj tak tune suna hai..k unme se kisi ki shaadi hui..?Please..sar mat khaa mera..bahut paka chuki tu mujhe..ab k baar tune mujhe phone kia..toh..tera pura khandan gaya kaam se...main sab ko gaalian dena shuru karoongi..ab phone rakh.."

Kaafi temper loose kar lia tha maine..maine realize kia..woh Mian Biwi..mujhe hi ghaur se dekh rahe hain..aur muskura rahe hain.Maine poochha, "Anything wrong with my face?"

Biwi ne kaha,"No..but something must be wrong with your mood.."

"Aahh..my stupid friend..ek film ko 100 baar dekha..aur sar khana chalu kar dia..usne..mera.."

Mian ne kaha,"Aap is film..DDLJ se itni naraz hain?"

"Nahi..main naraz nahi hoon..but..main is tarha ki story me yakeen nahi karti..train me mulakat...and aage ..aur bhi bahut kuchh.."

Biwi--Well..meri ek dost hain..Naina..uske aur uski husband ki bhi mulakat.. train me hui thi..aur ab unki shaadi ho chuki hain..

"What..?"

Biwi--haan..sach hain..

Mian--haan..Naina aur Rajveer..dono isi tarha train me hi mile the..

Maine socha..maamla interesting hai..sunne me kyaa jaata hai?Timepass bhi ho jaayega..maine kaha,"detail me bataayenge?"

Mian--haan..kyon nahi?

*************************************************

Raj..Rajveer..Advocate Rajveer Shergill,Raj ne Law ki padhai Kolkata se hi complete kia..aur...Calcutta High Court k..hi ek naami vakil Barister Pradip Sinha k office me Assistant ban kar kaam karne laga..usko kaam sikhna tha.. aur experience bhi mil jaayega..Raj k gharwalon ne usko pareshaan kar k rakha tha..shaadi k lia..ab Raj ki list bahut lambi thi..apni Dulhan k lia..

1.Polite,2. Poise,3.Obedient,4.Humble,5.Soft Spoken..iske ilava..aur bhi baat honi chahie..ladki me..sab mila kar ek aisi ladki..jo ek Indian ladka dhoondhta hai..Indian ladko ki yehi khasiat hoti hai..bhale hi chakkar kisi Mini Skirt pahenne wali ladki se chalaaye..par Biwi aisi ho..jiska sar se le kar paaon.. pura dhaka rahe..Biwi unko apni Amma ki replica ki hi chahie.

Aisa nahi hai k..sab aisa sochte hain..in fact..koi bhi aise nahi sochta..har kisike dil me..apni dreamgirl ki ek tasveer hoti hai..bas aankhe khulne ki der hai..sapna toot jaata hai..fir bahut saare factors, Society, Status, Economy, Relatives..Pride..aise hazaron factors hote hain..aise me aadmi bhool jata hai..k actually woh kis type ki ladki dhoondh raha tha..Jisko uske saath baandh dia..usike saath rehna hota hai..zindagi bhar...College k dino me Raj ne bhi sapne dekhe.. par ..uski soch bhi monotonous ho gayi..wajah..family problem..kai relatives ne apni marzi se shaadi ki.. shaadian kamyab bhi rahi.. par ab..sab log Raj k zarie apna armaan poora karna chaahte hain,apne Bete yaa Beti k time unko Bahu yaa Damad dhoondhne k lia kasrat nahi karni padi ..ab woh kasrat Rajveer k lia karna chaahte hain..Raj k Parents toh the hi..ab uske Chacha Chachi..Mama Maami..sab is venture me shaamil the..Raj ko aitraz karne ka mauka nahi mila..Raj khud par naraz tha..kyon ek ladki se chakkar nahi chalaya usne..varna aaj is tarha bali ka bakra nahi banta...isi lia Raj ne itni lambi list thama di..apne rishtedaaron ko..Raj ne socha..jab sooli chadna hi hai..tab inko bhi zara maza chakhaya jaaye,dekhte hain,aisi ladki kaha se dhoondhte hain.Raj ne jaisa socha waisa hi hua..achhi ladki milna.. mushkil hi nahi namumkin lag raha tha..2003 se lekar,2005 k end tak,yehi chalta raha,par 2006 k January me Raj ka bulava aaya..Amritsar se..Raj k Mama ka ghar hai Amritsar..unhone ek ladki dekhi hai..Raj k lia..sab ko bahut pasand aai hai.. ab Raj aaye..aur uske lia HAAN keh de..sab ..sab theek ho jaayega..

2006,January 22nd..Raj Howrah se Rajdhani Express pakda..flight me jaa sakta tha..par musibat k paas jitni der se pahooche..utna hi achha..Mom aur Dad Delhi me nahi hai..woh log Amritsar chale gaye hain..Raj ko Amritsar hi jaana hai..Dad ne ladki ki detail batani chaahi..par Raj ne nahi suna..gussa bahut aaya hai usko..

Raj ki shakal dekh kar doosre passangers ko lag raha tha..k usko Iraq bhej rahe hain..America k khilaaf jung ladne..par aisi baat nahi thi..par jo baat thi ..woh kuchh kum khatarnak baat nahi thi..usko kahte hai..shaadi. Marriage ..rather ..ARRANGED MARRIAGE.

THE GREAT INDIAN ARRANGED MARRIAGE.

Raj ko upper berth mila tha..aur uske paas waale berth par do lookkhe type k ladke the...par passage berth par..ek ladki thi..ladki ki taraf woh dono ladke line maar rahe the...ladki..theek thaak hi thi.. salwar kameez pehni hui..ek normal Indian ladki..kitaab padh rahi thi..ankho me chashma tha..par uske right wrist me ek breclet hai..Gold se hi bani hai..ladki ka naam Naina hai..us breclet par isi word ka design banaya gaya hai.. yehi ek baat Raj ko zara odd lagi..ladki itni stylish nahi lagti..uske haath k breclet k hisaab se..breclet ko yeh haath suit nahi karta.. yaa haath ko breclet suit nahi karta,kehna mushkil hai..

Ladki toilet gayi..toilet se jab baahar nikli..tab Raj waha par khade hokar baahar k basin me apna haath aur muh dho raha tha..Ladki wahi par khadi rahi..Raj ne ladki ki taraf dekha..Raj ne poochha,"Any problem?"

"Dekhiye..aap k paas jo log baithe hain..mujhe bahut pareshaani ho rahi hai..aap zara mujhse is tara baatein kijiye..taa k unko aisa lage..k hum dono saath hain..varna..woh log.."

Raj--Hmm..theek hain..aap kaha tak jaa rahi hain?

"Jee..Delhi.."

Raj--main bhi Delhi jaa raha hoon..fikar mat kijiye...

"Main kis tarha aapka ehsaan maanoo..?"

Raj pighal gaya..yaar..abhi is ladki ko milna tha?Ab..jab uski shaadi almost tai hai?Nahi..Yeh sab Rajveer k saath hi kyon hota hai?

Ladki ne kaha.."Aap ka kaam ho gaya?main zara haath muh dho loon?"

Raj--Ohh..haan..

Raj k lia yeh naya tajoorba tha..ladki se baat kar raha hai..unofficial baatein ..aur woh bhi..is theek thaak.arre nahi.yeh toh bahut achhi dikhti hai!!..

Ladki ko bina chashme k dekha Raj ne..ladki ne muh dhote waqt utaar dia hai..arre..aisa nazara..aur Raj..tu chala hai..us Amritsar ki gadhi se shaadi karne?Nahi..ab toh is ladki ko hi follow karna hai, dono aakar apni apni seat me baith gaye,baatein chalti rahi,woh do ladke samajh gaye..unki daal nahi galne wali hai idhar..woh log ek doosre se baatein karne lage,dinner ho chuka tha,raat k 10 baj chuke the, compartment k lights bandh hone lagi thi ..isi beech Raj ko pata chal gaya..k ladki ka naam Naina hi hai..ladki jaa rahi hai apni saheli ki shaadi me..

Raat k 12 baje..Raj ko neend hi nahi aa rahi thi..achanak ek awaz suni usne ...usne dekha..Naina k berth taraf..Naina hi bol rahi hai.."Is dupatte ne paka dala..dhatt..!!"

Raj ne dekha..Naina ko bathroom ki taraf jaate hue...10 minute baad..Naina waapas aai..par yeh kaun thi?Arre baap re..Sita se Soozi?Nahi..yeh sach nahi ..sleeve less T-Shirt..aur three-quarter trouser?? Yeh kaun hai?thodi bahut roshni me Raj ne dekha..Naina k haath me tatoo bhi bana hai,likha hai ,"Who Cares?"Raj ka gala sukh gaya..Naina apne berth me chadh baithi. .. Raj sone ka naatak kar toh raha tha...par..so nahi paa raha hai..usne

Kuchh aur bhi dekha..Naina ne koi ek bottle nikala..aur usme se ek liquid usne apne cold drink me milaya..Cold dring usne kharid k rakhi thi...Naina ne dekha Raj ki taraf...Raj bewakoofon ki taraha muskuraya...

Naina--yeh lijiye...neend aa jaayegi..

Raj--kyaa hai yeh?

Naina--Cold drink and Vodka ka cocktail...train hil rahi hai..mujhe neend nahi aa rahi hai...mujhe pata tha..aisa hoga..isi lia maine taiyyari kar k rakhi thi..

Raj ka gala darr k maare sukh hi gaya tha..usne bottle lia..aadhi bottle Naina ne saaf kia tha..baaki aadha..Raj ne saaf kar dia..

Naina--neend aa rahi hai?

Raj--haan..mera sar bhaari ho raha hai...

Naina--dekha..kaam kar raha hai..aaram se so jaaiye..

Raj so gaya...subha uski neend tooti..toh paas wala berth khaali tha..aur uske pillow k paas ek note tha..

"Jo jaisa dikhta hai..waisa hota nahi..take care.."

Pure compartment me Naina nahi mili...Train jab Delhi pahoochi..tab subha k 10 baj chuke the...Raj ne reservation chart dekha..Naina Delhi hi aanewali thi ..ticket bhi yehi tak ka tha..fir..Raj ki neend tooti..tab ..jab train Kanpur cross kar chuki thi..iska matlab Naina Kanpur me hi utar gayi thi..

Raj ne apne mobile par Naina ki tasveer dekhi..jo usne chupke se khincha tha..ab kaha dhoondhe usko..naam pata hai Naina..aur ek photo hai uske paas..Raj kaise pata karega uske baare me?Dad ko phone kia..k do din baad aa raha hai..Amritsar..aur ek dost se mila..Delhi..

Dost--tere kahne ka matlab hai..tu ek ladki se train me mila..aur tujhe usse pyaar ho gaya?

Raj--haan..

Dost--abe..teri shaadi ki taiyyari ..Amritsar me ho rahi hai..aur tu..Raj..have you lost it?

Raj--yaar..ladki ..kyaa style hai uska?Kyaa hot ladki hai..kis style se daroo peeti hai..!!

Dost--Ek minute..tujhe aisi ladki kab se pasand aane lagi,tujhe toh humesha ..ghareloo..aggyakari..shareef..Raj..chal Amritsar..Uncle ne jo ladki dekhi hai ..bahut achhi hai..

Raj--My dear friend..jis ladki ko mere lia dekha hai..kyaa gurrantee hai ..k woh sach me shareef hogi?Matlab shareef ban k hi saamne aayegi..aur sharafat se shaadi bhi karegi..jiska andaza bhi mujhe nahi hoga..aur Naina ka mujhe pata hai..known danger is better than unknown danger..

Dost--Naina k ghar ka pata malum hai?

Raj--nahi..sirf uska naam hi malum hai..Naina..

Dost--Surname?

Raj--nahi malum..

Dost--saale..ghoos de kar tune vakalat pass ki hai kya?Tera kuchh nahi ho sakta..

yeha tak bol kar woh Aadmi rook gaya..

Mujhe kaafi maza aa raha tha sunne me..DDLJ jaisi hi kahani hai..fark sirf itna hai..waha par Heroine ki shaadi tai thi..aur yeha apne Hero ki shaadi ..almost tai hai..maine poochha.."fir kyaa hua?"

"Fir kyaa?Raj ko Amritsar jaana pada..ladki dekhne..waha par..sab ne sagai ki taiyyari hi kar k rakhi thi.."

Edited by yakkudimag - 17 years ago

Quote

Looks like you are new here. Register for free, learn and contribute.

Shaina_b

@Shaina_b

Trailblazer

+ 2

Posted: 17 years ago

Too good!!!!Awesome!!!!!

Your narrative style is very good and different!!!!!!😊 😊 😊 😊

It reminds me of Chalte Chalte and Jaane Tu Yaa Jane Naa!!!!!😊 😊 😊 😊

Tumari friend ne Dilwale Dulhaniya Le Jayenge dekhne mein century marli!!!!😛 😛 😛 😛Wow!!!!!😊 😊 😊 😊 👏 👏 👏 👏 👏

Maine bhi yeh film bahut baar dekhi hai!!!!😊 😊 😊 😊And I just love it!!!!!😊 😊 😊 😊

Tumara dimaag garam ho gaya DDLJ se!!!!!!😆 😆 😆 😆 😆 😆Ab story shuru huyi Raj aur Naina ki!!!!!😊 😊 😊 😊 😊

Indian ladke wakai aise hi hote hai!!!!😒 😒 😒 😒 😒Shaadi ke liye ladki unko aisi hi chahiye!!!!!😡 😡 😡 😡 😡 😡

Raj ki list wakai lambi hai apne dulhan ke liye!!!!!!😛 😛 😛 😛

Toh Raj ne in sabse bachne ke liye itni lambi list di hai!!!😉 😉 😉 😉 😉Very clever of him!!!! 😊 😊 😊 😊

Raj ko lag raha hai ke woh musibaat ke paas jaa raha hai!!!!!!😛 😛 😛 😛 😆 😆 😆 😆 😆 😆 😆 😆Aur uski detail bhi nahi sunna chahta!!!!!😛 😛 😛 😊 😊 😊 😊

The way you described Raj's face was too funny!!!!!!😆 😆 😆 😆 😆 😆 😆 😆 😆 😆 🤣 🤣 🤣 🤣 🤣 🤣 🤣 🤣 🤣

Bechara Raj!!!!😔 😔 😔 😔Shaadi tai hai aur ab mila ladki se!!!!!😛 😛 😛 😛 😊 😊 😊

Raj toh usse dekh kar gaya!!!!!😉 😉 😉 😉 😉 😊 😊 😊 😊 😊 😳 😳 😳 😳 😳 😳 😳 😳 😳

Naina toh Raj ne jo socha tha opposite nikli!!!!!😉 😉 😉 😉Tattoo.sleevless T-shirt aur capri!!!!😛 😛 😛 😛Wow!!!!😛 😛 😛 😛 😊 😊 😊 😊 👍🏼 👍🏼 👍🏼

Now she is having drinks as well!!!!😛 😛 😛 😛Raj ki toh haalat kharab ho gayi!!!!!😉 😉 😉 😉 😆 😆 😆 😆 😆 😆 😆 😆

Naina note bhi chhod ke gayi hai!!!!😊 😊 😊 😊Kya baat hai!!!!!😛 😛 😛 😛 😊 😊 😊 😊

Sach hi kaha hai note mein!!!!! 😊 😊 😊Raj kehta hai known danger is better than unknown!!!!!😛 😛 😛 😛 😊 😊 😊 😆 😆 😆 😆 😆

Naina Raj ko jaisi pasand thi uske opposite hai phir bhi usse pasand aa gayi!!!!!!😊 😊 😊 😊 😊Wow!!!!!😛 😛 😛 😉 😉 😉 😉 😊 😊 😊 😊

Kuch malum nahi hai magar Raj ko usse dhundhna hai!!!! Dost ne kaha ghoos dekar paas ki thi vakalat!!!!!!😆 😆 😆 😆 😆 😆 😆 😆 😆 😆 😆 😆 😆 😆 😆 😆 🤣 🤣 🤣 🤣 🤣 🤣 🤣 🤣 🤣 🤣 🤣

This is like DDLJ only yaha hero ki shaadi tai hai magar mujhe lagta hai woh ladki Naina hi hai jiske saath uski shaadi tai huyi hai!!!!!😊 😊 😊 😊 😊

Edited by Shaina_b - 17 years ago

Quote

soumya

@saridena

Inactive

Posted: 17 years ago

intereting

update soooooooon

luv soumya

do pm me

Quote

Nisha

@dazzling_glory

Inactive

Posted: 17 years ago

TOOO GOOO....

A very different and fun filled story.....loved reading this part....it will be good to see naina is such a bold character....

update soon

Quote

watch rajeev

@watch rajeev

Inactive

Posted: 17 years ago

wow yar perfect diwali material😊 😊 😊 😊 😊😊 😊 😊 😊 😊introduction bhi bhut kamaal ki thi....aur naina..........aha ah ah ......🤣...🤣🤣🤣bhut mazaaaa aaya....raj ka chehra to choosa hua aam ban gaya tha....hahahahahhahahahha....naina ka tatoo..."who cares"ye to sixer tha.......naina ne to raj ko clean bold kar diya.......par pata nhn mujhe aisa kyun lagta hai ki jis ladki ke saath raj ki shaadi teh hui hai vo koi aur nhn ye item naina hi hai...aur mujhe aisa bhi lag raha hai ki jo couple kahaani suna raha hai....jo train mein romance mein busy hai vo ye do namune raj aur naina hi hain..😉..superb ud........plzzzzzzzzz cont soon....waise diwali special hai to aaj to ud hona hi chahiye......

Edited by watch rajeev - 17 years ago

Quote

ANANYA ROY

@yakkudimag

Dazzler

+ 3

Posted: 17 years ago

Originally posted by: Shaina_b
Too good!!!!Awesome!!!!!==Thanks a lot

Your narrative style is very good and different!!!!!!😊 😊 😊 😊==hmm..

It reminds me of Chalte Chalte and Jaane Tu Yaa Jane Naa!!!!!😊 😊 😊 😊==yes..wahi se copy ki hai..😛

Tumari friend ne Dilwale Dulhaniya Le Jayenge dekhne mein century marli!!!!😛 😛 😛 😛Wow!!!!!😊 😊 😊 😊 👏 👏 👏 👏 👏==pata tha..tu zaroor khush hogi..

Maine bhi yeh film bahut baar dekhi hai!!!!😊 😊 😊 😊And I just love it!!!!!😊 😊 😊 😊==lage raho..

Tumara dimaag garam ho gaya DDLJ se!!!!!!😆 😆 😆 😆 😆 😆Ab story shuru huyi Raj aur Naina ki!!!!!😊 😊 😊 😊 😊

Indian ladke wakai aise hi hote hai!!!!😒 😒 😒 😒 😒Shaadi ke liye ladki unko aisi hi chahiye!!!!!😡 😡 😡 😡 😡 😡==mann karta hai..un joota khol kar maroon..😡

Raj ki list wakai lambi hai apne dulhan ke liye!!!!!!😛 😛 😛 😛==Raj..aur uski list..😆😆

Toh Raj ne in sabse bachne ke liye itni lambi list di hai!!!😉 😉 😉 😉 😉Very clever of him!!!! 😊 😊 😊 😊==haan..insan jab pak jata hai..tab aisa karta hai..

Raj ko lag raha hai ke woh musibaat ke paas jaa raha hai!!!!!!😛 😛 😛 😛 😆 😆 😆 😆 😆 😆 😆 😆Aur uski detail bhi nahi sunna chahta!!!!!😛 😛 😛 😊 😊 😊 😊==hota hai..

The way you described Raj's face was too funny!!!!!!😆 😆 😆 😆 😆 😆 😆 😆 😆 😆 🤣 🤣 🤣 🤣 🤣 🤣 🤣 🤣 🤣==thanks..

Bechara Raj!!!!😔 😔 😔 😔Shaadi tai hai aur ab mila ladki se!!!!!😛 😛 😛 😛 😊 😊 😊==Sad..

Raj toh usse dekh kar gaya!!!!!😉 😉 😉 😉 😉 😊 😊 😊 😊 😊 😳 😳 😳 😳 😳 😳 😳 😳 😳

Naina toh Raj ne jo socha tha opposite nikli!!!!!😉 😉 😉 😉Tattoo.sleevless T-shirt aur capri!!!!😛 😛 😛 😛Wow!!!!😛 😛 😛 😛 😊 😊 😊 😊 👍🏼 👍🏼 👍🏼==hmm..eeeesshhhtyyyle...

Now she is having drinks as well!!!!😛 😛 😛 😛Raj ki toh haalat kharab ho gayi!!!!!😉 😉 😉 😉 😆 😆 😆 😆 😆 😆 😆 😆==very normal..

Naina note bhi chhod ke gayi hai!!!!😊 😊 😊 😊Kya baat hai!!!!!😛 😛 😛 😛 😊 😊 😊 😊==bahut badi baat hai..

Sach hi kaha hai note mein!!!!! 😊 😊 😊Raj kehta hai known danger is better than unknown!!!!!😛 😛 😛 😛 😊 😊 😊 😆 😆 😆 😆 😆==Raj ullu nahi hai..ek dum..

Naina Raj ko jaisi pasand thi uske opposite hai phir bhi usse pasand aa gayi!!!!!!😊 😊 😊 😊 😊Wow!!!!!😛 😛 😛 😉 😉 😉 😉 😊 😊 😊 😊==aisa hi hota hai..

Kuch malum nahi hai magar Raj ko usse dhundhna hai!!!! Dost ne kaha ghoos dekar paas ki thi vakalat!!!!!!😆 😆 😆 😆 😆 😆 😆 😆 😆 😆 😆 😆 😆 😆 😆 😆 🤣 🤣 🤣 🤣 🤣 🤣 🤣 🤣 🤣 🤣 🤣==Dost bhi pareshaan ho chuka hai Raj ki wajah se..

This is like DDLJ only yaha hero ki shaadi tai hai magar mujhe lagta hai woh ladki Naina hi hai jiske saath uski shaadi tai huyi hai!!!!!😊 😊 😊 😊 😊==Guess achha kar leti ho..

Quote

ANANYA ROY

@yakkudimag

Dazzler

+ 3

Posted: 17 years ago

Originally posted by: dazzling_glory
TOOO GOOD...==thanks..

A very different and fun filled story.....loved reading this part....it will be good to see naina is such a bold character....==keep reading..

update soon

Originally posted by: saridena
interesting==thanks a lot..
update soooooooon==yes...

luv soumya

do pm me==Sure..

Quote

ANANYA ROY

@yakkudimag

Dazzler

+ 3

Posted: 17 years ago

Originally posted by: watch rajeev
wow yar perfect diwali material😊 😊 😊 😊 😊😊 😊 😊 😊 😊==Thanks a lot introduction bhi bhut kamaal ki thi....aur naina..........aha ah ah ......🤣...🤣🤣🤣bhut mazaaaa aaya....raj ka chehra to choosa hua aam ban gaya tha....hahahahahhahahahha...

🤣...🤣🤣🤣.

naina ka tatoo..."who cares"ye to sixer tha....==Really.....naina ne to raj ko clean bold kar diya.......par pata nhn mujhe aisa kyun lagta hai ki jis ladki ke saath raj ki shaadi teh hui hai vo koi aur nhn ye item naina hi hai...aur mujhe aisa bhi lag raha hai ki jo couple kahaani suna raha hai....jo train mein romance mein busy hai vo ye do namune raj aur naina hi hain..😉..superb ud........plzzzzzzzzz cont soon....waise diwali special hai to aaj to ud hona hi chahiye....==Aaj hi UD hoga..and..tum bahut achha guess karti ho....

Quote

ANANYA ROY

@yakkudimag

Dazzler

+ 3

Posted: 17 years ago

#10

PART 2

Raj ne bahut socha..udhar Dad bhi baar baar phone kar rahe hain...Raj ko Amritsar jana hi pada...

Dad--kal hum sab mil kar chalenge..unke ghar..tu ladki ko dekh lena..fir baat tai kar lenge...

Is bar Raj ne apna vakilon wala dimaag ladya...usne aitraaz jataya...

Dad--kyaa problem hai?

Raj--Main pahle us ladki k baare me apne tareeke se pata karna chaahta hoon..aap mujhe unke ghar ka pata de dijiye..main achanak se..jaana chaahta hoon..ek surprise visit...

Dad--Bahut achhe log hai..aur ladki bhi bahut achhi hai..

Raj--Aap logo k saamne achhi hi ban kar aayegi..par asal me kaisi hai..yeh main apne tareeke se malum kar loonga.,..mujhe akele jaana hai..

Dad--Raj...

Raj--Dad..agar main jaaoonga..toh aise hi jaaoonga..varna is rishtey ki baat aap bhool jaaiye..

Dad--Tere Chacha Chachi...Mama Maami..kyaa sochenge?

Raj--Enough..I have had enough..inke bachcho ne kyaa kia..?apni marzi se shaadi kar li sab ne..ab mujh par talwar chalegi...yeh meri zindagi hai..aur iske baare me faisla karne ka mujhe bhi pura hak hai..main thak chooka hoon.. aap sab k nakhre uthate uthate..shaadi mujhe karni hai..baaki sab isme shaamil ho..theek hai..they are most welcome..but..mere faisle me kisi ki dakhalandazi main bardasht nahi karoonga..

Maa--Dekho jee..baat iski bhi sahi hai..zindagi ise hi guzaarni hai us ladki k saath..kal ko..ladki me koi dosh nikla vaakei me..zindagi toh Raj ki hi barbad honi hai..isko apne hisaab se chhaanbeen karne do..

Dad ne socha..ladka bada ho gaya..zor zabardasti se kaam nahi chalega.. unhone kaha,"theek hai..par jhoot moot us ladki ko badnam nahi karega.. agar woh achhi ladki nikli..toh hum abhi sagai kar k fir Delhi lautenge.. bol.. manzoor hai?"

Raj--OK..manzoor hai..

Dad--Wada karta hai?

Raj--Jee haan..wada..

Raj agle din us ladki k ghar jaa raha tha..taxi me hi gaya,ghar ka pate k baare me poochh hi raha tha..achanak usne ek bachcha khada hai.Raj ek shopping mall k paas khada tha..bachcha shoping mall k seedhi se geer raha tha..Raj bachane gaya..aur bachche ko usne geerne se bacha lia.. achanak se kisi ka dhakka lag gaya...aur jaakar geera sadak par...saare kapde gande ho gaye.. usne socha aisi gandegi k saath woh kisi k ghar jaa nahi sakta...woh mall k andar naye kapde kharidne chala gaya...sales-man se kapde le kar woh aaine k saamne dekh raha tha..achanak aaine me ek haath dikha..ek ladki ka haath ..Raj ki taraf peeth kar k khadi thi..aur apne khule hue zulfon ko..band se baandh rahi thi..Raj ki nazre uski haath par hi gayi..haath me wahi breclet tha ..Naina k haath me jo tha..NAINA word ka design bhi bana tha...Raj aur woh ladki dono ek doosre se ulte direction me khade the..Raj ne aaine me,ladki ka backview dekha,figure bhi jaani pehchaani lag rahi hai..ladki aaine ki taraf moodi..ab Raj k backside ko ladki ne dekha...ladki ne dhyaan nahi dia..par aaine me ladki ko dekh lia tha Raj ne..Naina hi thi..jo usko train me mili thi.. arre..Naina ..aur Amritsar me?Raj ne peechha kia..aur dekha Naina trial room me ghoos gayi..Raj bhi uske paas waale trial room k andar gaya..Naina k saath uski ek cousin bhi thi...dono kapde try kar rahe the..aur baatein kar rahe the...Raj dhyaan se unki baatein sunne laga..

Cousin--Didi..agar Mamajee ko pata chal gaya..k tumne kyaa kia hai..toh..

Naina--Kyaa karenge?arre bach gayi main,jo mujhe us sankhi vakil se shaadi nahi karni padegi..maine is tarha usko daraya hai,ab woh aayega..do din baad ..humare ghar pe..mujhe dekhega..aur ulte paaon bhaag jaayega..train me maine aisa impression jamaya hai..

Cousin--tum bahut badi chaloo ho...ghar par bata kar gayi..k tum saheli ki shaadi k lia Mumbai jaa rahi ho..aur Mumbai se filght ki ticket book kar k tum Kolkata gayi..aur ladke k baare me chhaanbeen karne lagi,,,

Naina--arre..meri kismat mere saath thi...maine toh socha tha..us Vakil k aas paas ki seat paane k lia..kisi se seat exchange karna padega..par ittefaak se..mere hi paaswale seat me tha woh ullu..mujhe zyada mehnat nahi karni padi..

Cousin--tune toh uski saari details pata kar li thi..

Naina--haan..aur pahooch gayi main Kolkata..do chaar din usko follow kia.. bas kaam ban gaya..itna bada sankhi hai..pahle toh usko neend nahi aa rahi thi..jab maine cold drink di usko..yeh keh kar k usme Vodka mila hua hai.. usne pee lia..aur bola...sar bhaari lag raha hai..neend aa rahi hai,pura psycho hai..jab usme cold drink k ilava aur kuchh nahi tha..mere artificial tatoo usko permanent tatoo lage..yaar..jo kapdo se yeh samjhe..k insaan k khaylaat kaise hain..uske dimaag k baare me mujhe shak hai..uske criterias maine sune the...mera dimaag tabhi jal gaya tha..matlab toh yehi nikalta hai..k jo salwar kameez pahne woh Sita Savitri..aur jo kuchh aur pahne..woh Chameli yaa Julie type ki hai?How pathetic !!Maine tabhi decide kar lia tha..aise
psycho se main nahi karnewali thi shaadi..aur fir..itna drama kia maine..

Raj sab kuchh khade ho kar sunta raha...Naina wahi sab bata rahi hai ..apni cousin ko ..jo us raat us train me hua tha...Raj hakkabakka reh gaya...itna naatak..sirf yeh shaadi nahi karne k lia?Ohh My God!!!This girl is different.. she is terrific..!!

Cosuin--So..Advocate Rajveer ki shaadi..Dr. Naina se nahi ho rahi hai...right?

Naina--yes..is janam me toh nahi...

Naina wahi ladki hai...kyonki Dad ne hi bataya hai..k ladki Doctor hai..matlab yehi..uff..achha ullu banaya Raj ko..Raj baahar nikla..dekha Naina jaa rahi hai ..apni Cousin k saath baatein kar rahi hai..hans rahi hai...achanak Naina ne jo note chhoda tha..woh yaad aaya.."Jo jaisa dikhta hai..waisa hota nahi,take care.."

Asal me Naina kaisi hai..jaisa Raj k gharwale dekh kar gaye hain.. waisa.. yaa ..fir jaisa Raj ne usko train me dekha tha..yaa fir..Naina toh yehi hai..jo is waqt jaa rahi hai..apni Cousin k saath..Raj ko ab Naina k ghar nahi jaana..kyonki Raj faisla kar chuka hai...woh sidhe apne Dad k paas aaya..

Dad--kyaa hua?

Raj--yehi ladki hai na?

Raj ne mobile dikhaya..

Dad--haan..yehi hai..teri Maa k paas dekh..aur bhi achhi photo hai uski..

Raj ne dekha us tasveer ko...

Maa--kyaa socha tune?

Raj--sochna kyaa hai?kal chalte hain..aap log sagai ki taiiyyari k saath chalna .. mujhe yehi shaadi karni hai..ab faisla kar lia hai maine..

Dad--sach?

Raj--haan..agar shaadi karoonga ..toh isi se karoonga..thanks to you..aap logo ne itni achhi ladki ladki dhoondhi..thanks..

*********************************************

Agle din Sabarwal house me sab intezar kar rahe hain..Shergill family k aane ka waqt ho gaya hai..ladka aa raha hai..ladki ko dekhne...

Ladki..matlab Dr. Naina Sabarwal...mann hi mann bahut hans rahi thi..ladka aayega..aur doom daba kar bhaag jaayega..sankhi..ullu...ghonchu..

"Naina..Beta ..woh log aa gaye..chal neeche chal.."

"Jee...Mom..aai.."

Raj aur Naina aamne saamne baithe hain...

Raj ki Maa ne poochha,"Beti..tum kuchh bolo.."

Naina--Jee..jo ghar k log faisla karenge..mujhe manzoor hai..jaisa aap sab theek samjhe..

Raj k Dad--hum toh Raj k faisle ka hi intezar kar rahe the...Raj ..chup kyon hai Beta..?

Raj sharmate hue bola.."Jee..mujhe ..Dr. Sabarwal pasand hai..ab aap log.. jaane.."

Naina k sar par aasmaan toot pada..aur Raj zara bhi shocked nahi lag raha hai...par ab bahut der ho chuki hai...

Mr. Sabarwal--So..Mr.Shergill..shaadi...

Mr. Shergill--Oohh..jee..jitni jaldi ho jaaye..utna achha...

Pandit ko toorant bulaya gaya...Pandit bhi bahut efficient nikla..saat din baad ka muhurat nikla..varna..agle teen maheene tak..koi muhurat nahi..in dono ki shaadi abhi ho jaaye toh achha..

sab ne bola.."SHUBHASHYA SHEEGHRAM".

Naina k haath me kuchh nahi tha...ab Naina ko dekh kar lag raha hai..k usko Baghdad bheja jaa raha hai..Medical camp k lia..sagai ho gayi...Raj k gaal laal ho chuke the..hansi rok rok kar...

Saat din baad shaadi ho gayi...

Naina ko Delhi k ghar me laaya gaya,suhaag raat wahi par honi thi.Naina muh latka k baithi hai..

Raj uske paas baitha.."tum ko pata hai..tumne Kolkata aakar kitna achha kaam kia tha?Agar main waha tumhe nahi milta..toh aaj yeh shaadi nahi hoti ...I fell in love with you..aur tum utar gayi Kanpur me..maine bahut socha tumhare baare me..finally socha..pahle is arranged marriage se peechha chhodaaoon..main tumhare ghar ki taraf hi jaa raha tha..tum me koi burai
nikaalne..aur shopping mall me tum mujhe mil gayi...aur trial room me khade hokar tumne sara sach ugal dia..apni Cousin k saamne.."

Naina--Ohh..ab mujhe samajh me aa raha hai..tum zara bhi shocked nahi hue mujhe dekh kar..

Raj--Mujhe itni hansi aa rahi thi..soch raha tha,uske ek din pahle..main tumko hi reject karne wala tha..tumse hi setting karne k lia..par tum apni kahi hui baat bhool gayi..

Naina--kyaa?

Raj--"Jo jaisa dikhta hai,waisa hota nahi.",tumne mujhe ullu samjha.. psycho samjha..ghonchu samjha..main waisa dikhta zaroor hoon..par hoon nahi..

Naina--yeh gaalian kuchh suni sunai lag rahi hai...

Raj--trial room me tum inhi adjectives se meri aarti utaar rahi thi..

Naina--tum baahar khade ho kar..sun rahe the?

Raj--ittefaak..jaise tumko mere paas wala berth mila..waise hi..ek ittefaak aur hua..tum jis mall me gayi thi..mere kapde usi mall k saamne kharaab ho gaye ..main bhi usi mall k andar gaya..tumhara breclet dikha mujhe,maine tumhara peechha kia..paas wale trial room me main tha..sab kuchh suna..

Naina kuchh der chup chaap baithi rahi...

Raj--arre..ab toh muskurao..

Naina--tum bahut zyada hans rahe the..kyaa baat hai?

Raj--tumhe dekh kar hans raha tha,bahut saalon pahle,tum jaisi hi kisi ki kalpana ki thi..jo meri life partner banegi..par..is arranged marriage k chakkar me..sab bhoolna pada...log dimaag kharaab kar dete hain..but..finally..jaisa socha tha..waisa hi paaya..so thanks to you..for your desperate nature..tum agar sach me usi gharelu bahenjee hoti..toh ..pata nahi..kyaa hota..now it's quite challanging..

Naina--hmm..

Raj--So..jo hua..humare saath..infact humne jo kia..pahli chaal tumne chali.. akhri daaon maine khela..isko kyaa bologi?

Naina--THE GREAT INDIAN ARRANGED MARRIAGE..agar yeh nahi hota.. toh..itna sab kuchh nahi hota..aadhe India ki sair maine kar li..iske chakkar me.. Amritsar se Mumbai..waha se Kolkata,waha se Kanpur,waha se waapas Delhi..finally Amritsar..meri haalat kharab ho gayi thi...

Raj hansne laga...GREAT INDIAN ARRANGED MARRIAGE...ek tha GREAT INDIAN LAUGHTER CHALLANGE..aur ab yeh..waise jo hua..woh kisi comedy se kum toh nahi...

kahani khatam hui...dinner ka waqt ho gaya tha..hum khana khaa rahe the..

Maine poochha,"So ,Advocate Shergill..kaam k lia Kolkata aaye the aap?"

Aadmi chauk gaya.."kyaa kaha aapne?"

"Yes..aap hi toh hain na..Advocate Rajveer Shergill..aur yeh aapki Biwi..Dr. Naina Shergill..?"

Biwi--aapko kaise pata chala?

"kahani ko itni baariki se wahi bata sakte hain...jo in ghatnaao se guzre ho.. theek keh rahi hoon na main?"

Rajveer aur Naina dono hans pade...

Naina--Aap..is waqt..Delhi ..kyon jaa rahi hai?

"Ek lookkha mere peechhe pada hai..usise peechha chhoodane k lia..bhaag rahi hoon.."

Raj--Jo jaisa dikhta hai..waisa hota nahi..lookkha nahi hai shaayad...

"I don't know.."

Naina--ek baar usko mauka dena chahie tha aapko..

"is baar laut kar ,mauka zaroor doongi.."

*********************************************************

subha 10 baje..train Delhi pahoochi..mujhe taxi pakad k Airport ki taraf jaana tha..Mausi ka ghar Airport k paas hi hai..Raj aur Naina ne bhi Car hire kia..

Raj aur Naina ko maine Good Bye kaha..aur unhone mujhse wada lia..k main us ladke ko mauka doongi..sachche pyaar ko mauka dena hi chahie..

Maine wada kar dia..kyon ki main jaanti thi..isko poora karne ki zaroorat hi nahi padegi..Subha hi mere Bhai ka phone aaya tha mere mobile par..usine bataya..woh ladka..kisi aur ki beti se chhedkhaani kar raha tha..maholle k logone usko pakda..aur usise zabardasti shaadi kara di,bahut dino se undono ka meljol tha..thode dino k lia..woh ladka mere peechhe pada tha .. better option chahie tha usko...apni aukaat bhool gaya..woh ladki usi k type ki hai..dono ka class same hai..main yeh baat Raj aur Naina ko tabhi bata sakti thi..par maine nahi bataya..maine dekha..woh dono khush hain..apne sapno ki duniya me..woh log yehi samajhte hain..k har kisiki story unke jaisi ho sakti hai..kuchh khayaalat..kuchh sapne itne meethe aur naazuk hote hain..jinko todna nahi chahie..aise hi ek sapne ko Naina aur Raj jee rahe hain ..mujhe koi hak nahi banta k ek kadve sach k patthar se unke sapno k mahel ko main tod doon..

Kuchh sapne barkarar rahe toh hi achha..kyonki sapne hain..isi lia dil me yakeen hain..k ek din woh pure zaroor honge..kyaa bura hai..agar Raj aur Naina..aur unke jaise laakhon log..isi sapne k saath jeea,aur doosro ko jeena sikhaaye?Koi burai nahi hai..sapne aise hi hone chahie..ek saath hone k sapne..pyaar k sapne..maar kaat se bhari lahoo lohaan is duniya me..aaj aise sapno ki bahut zaroorat hai..jo logo ko jeena sikhaaye..

Main apne reallity ki duniya me hi bahut khush hoon..bas kabhi kabhaar aise sapno bhare kahanion me kho jaati hoon..aur fir ankh khoolte hi..un sapno ko..apne dil k kisi kone me chhupa leti hoon..kahani ki kitab ko bandh kar leti hoon..kuchh kahanian hoti hi hai itni khubsurat..unpar sachchai ki talwar nahi chalni chahie..bas un kahanion k saath kuchh haseen pal beet jaaye ..yehi bahut hai..

Main pahooch chuki thi..Mausi khadi thi..ghar k saamne..Mausi bahut khush hui mujhe dekh kar.Mausami..meri bahen bahut zyada thrilled thi..mere saath bahut si planning karni thi usko..raat ko..Silvester Stallon ki The Assassins movie dikha rahe the HBO me...main maze se woh movie dekhne lagi....

*******THE END*******

Edited by yakkudimag - 17 years ago