DISCLAIMER: PLS MUJHE MAT MAARO, BAS YAHI KEHNA HAI, I JUST FELT A BIT POETIC FOR SAIRAT.
-The mistake of sending her away and knowing the truth:
Ek galti aisi hui ,jisko waqt rok na saka,
Mazboot jazbaat aur shaatir dimaag bhi usko tok na saka,
Garajte baadal kuch aise barse, ki sab tezi se beh gaya,
Bas peeche toote hue rishtey hi reh gaya.
Rishtey ke ek tukde ko laga, ki woh akela hi poora hai,
Uska nazaara hi sach hai, aur uska sach hi heera hai,
Par tukde ko yeh na maalum tha, ki nazaara ek hosakta hai par nazre nahi,
Agar koyla na mile toh,heere ki bhi keemat nahi.
Heere ki chamak jisne nazro ko baandha tha, woh jald utar gaya,
Kyunki heere ke saamne asal sach ka sooraj jo aa gaya,
Par asal sach ki roshni nazro ke saamne yu chaa gaya,
Rishtey ke uss tukde ke saath aakhir me sirf andhera hi reh gaya.
-getting her back
Tukde ne tukde ko taraashne ki umeed jaga li,
Har bandhan,har pinjre ko todne ki zimma utha li,
Sach ki taakat ne toh dil ke tukde ko umeed de diya ?
Par kya rishtey ko umeed de paayega sach,jisko ek jhoot ne aise hi tod diya?
Phool ki mehak se toh har koyi muskuraaye,
Har raah chalnewaala uski ore khicha chala jaaye,
Par rang aur mehak mein khokar ,uss phool ko tod na do huzoor, yeh swaarth kehlaaye,
Phool hai woh , bin poudhe aur pyaar ke woh bhi aakhir murjha jaaye.
P.S.: Pls seriuosly mat lena, bus yuhi try maara tha maine.🙈
Do share honest opinions.
