Posted:
Hamari desh ki janata, jo sun sakti hai (I mean behari nahi hai) do types ki hoti hai. Ya to Taansen ya phir Aurangzeb. Ek ko music se fursat nahi aur doosre ko music ke liye fursat nahi. Ekdum poles opposite.
Yahan par Sasuma ko music naamak dawa pilayi ja rahi hai. Yeh Nandini to super politician nikli ji. Piano lekar inke KishansinghJi bahar hi khade they. ANd I am sure piano under laakar bahar hi khade honge, Piano ko waapis lekar jo jana hai! AUr wahi hua. Nandini ne music ka itna puran sunaya ki Sasuma boli, Issse to main beemar hi achhi thi...Aur phut se theek bhi hogayi...aji aap kahan chali? Aapki Bahurani ka bus chale to aapko toilet main bhi piano sunayegi. Sir main dard hai? Piano ka 1 hr session, khali pet din main teen baar. Aisa prescription hoga. Khair, hume kya. Aur Munna bhai raji khushi sunayenge bhi...kya mast kabhi mummy ke palloo se biwi ke palloo par jump maar rahe they.
Waise GD ka expression dekhane layak tha. Worth a million dollars. Nahi, billion-trillion dollars (hume iske aage ginati nahi aati ji) music band hone se pehle hi taali Baja di? Kaash wahan machhar hote...Nandini ko achha bahana mil jaata aapko taana maarne ke liye.
Sassuma ekdum khisiyani billi hogayi. Phir se humne socha ki Khatarnaak miya aayenge aur dono milkar khambha nochenge. Magar wo to music se kitne miles door bhag rahe hai. Aur phir shayad yeh bhi socha hoga: pata nahi GD ko kya beemari hai...kahin bird flu nikla to? Bekaar main apni jaan bhi jayegi! Usse achha sick leave daal lo...
BTW, I was feeling fully enraged at the female foeticide issue. Nandini Vs GD ka kya standoff tha. GD pakki politician. Kehti hai, kissi ke personal mamlon main nahi panda chahiye. Yeh aapki soch project Nandini ke waqt kahan chali gayi thi? Jab aapne Siddhu baba ki naukri ke sath tampering kiya, aur phir Nandini ke sath...ab bhugto!
Yahan teacher khoyi khoyi...student ne poochha, Ma'm where are you? class main to students sote hain, teachers nahi! Phir Nandini ne philosophical bhashan diya aur Munne miya ne bhi kya saath diya unka. Phone pe bachhi baat kar rahi thi aur Nandini ne high jump mar diya. Hume to mazaa aagaya. Aur jab wo husband miya aaye, hume laga ki Munne miya unka collar pakad lenge. Magar nahi...sirf bhashan dekar chhod diya? Aji wahan bhi piano Bajawa dete...waise music therapy yahan bhi kaam aa sakti thi na?
Afsos ki media nahi tha. Maybe agle episode main news flash aayega. Aur ghar pe sabhi ya to na-khush honge (GD, Snooty aur Beauty) ya phir khush (Daadi Sa) ...
Precap: Nandini ne uthaya ghar ka kharcha...budget banana ki taiyyari! achha hai, achha hai...Aage jakar Desh ka budget banayengi tab kaam aayega!
comment:
p_commentcount