Raj andar aayaa..

Naina--itni der tak drill chal rahi thi?

Raj--Col.Kukreja ne rok lia...pahle squash k game k lia..fir..shaam ki chai k lia..

Naina--achha?dinner nahi khilaya unhone?woh bhi kar k aa jate..

Raj--aise kyon bol rahi  ho..

Naina--nahi..kuchh nahi..naha lo..

Raj nahake aayaa..

dekha centre table k upar 2 plate..2 glass..aur kuchh bowl hai.. jinme khana hai..

Raj--yeh sab kyaa hai?

Naina--mujhe garam karna pada..khana pakaya 4 baje..abhi 10 bajne ko hai.. bina garam kie kaise khaa sakta hai koi?

Raj--tumne khana banaya hai?

Naina--haa..jab main akeli rehti thi..tumhare sath shaadi karne se pahle.. kabhi dekha hai..har roz mess me khate hue?

Raj--nahi..okk..par itna khana main akele kaise khaunga?

Naina--meri kismat footi...maine kaha khaya hai..??

Raj--nahi khaya tumne?main to shaam ki chai tak pee k aya hoon..

Naina--4 baje khana banaya..fir nahane gai...tum kab aaoge..isi intezaar me thi..par tum nahi aaye..aur bhook k mare main so gai...

Raj--tumne tab se kuchh nahi khaya?

Naina--main soch rahi thi..k tumne kuchh khaya bhi hoga yaa nahi..

Raj--sorry..aage se itni der nahi hogi..

Naina--aisa wada mat karo..der ho hi sakti hai..par agar tum phone kar dete.. to main apne lia kuchh tiffin bana k khaa leti...bhook se adhmari nahi banti..

Raj--I am sorry...Naina..woh Kukreja..sala chhodta hi nahi..

Naina--uske bare me baad me baat karte hai...pahle khana khate hai...

Naina ne chhole,chicken curry..aur palak paneer banaye the..chawal k sath..

Raj ne khana shuru kia..

Raj--thode aur chhole dogi?

Naina--haa..lona..hum dono k lia bahut hai..

kuchh der baad..

Raj--yeh chicken bahut achha bana hai..

Naina--chahie?

Raj sharma k bola.."hmm.."

fir Raj ne kaha,"yeh Palak Paneer bhi.."

Naina ne aur ek bowl Palak Paneer dia..

khana khane k baad..Raj ne Naina ko bola.."tum haath muh dho k kamre jaao..main inko dho leta hoon.."

Naina--ok..

Raj jab aayaa bed room me..Naina so chuki thi...

Raj ko bahut bura laga..Naina ne itni mehnat ki thi uske lia..aur Raj us tharki Kukreja k saath squash khel raha tha..aur chai pee raha tha..damn it..

Naina uske lia khana bana k usika intezar  kar rahi thi..bhook k maare uski haalat bigad gai thi..

Raj ek cigar jala k baith gaya..chair pe..

Naina ko dekh raha hai...bistar k is side se us side ho rahi hai..

Raj ko achanak yeh ahsaas hua..k ..waqt k saath saath Naina bahut zada badal chuki hai..

Sentiment yaa emotion..Naina k dictionary k bahar ho chuki hai... dil k andar jo pyaar hai..uska izhaar bhi thik se nahi hota Naina se..

pyaar to hai..varna 4 baje se 10 baje tak..koi kisika intezar is tarha nahi karta..

Naina kahi kho gai hai...Captain Naina k andar...

kyaa ban gai woh...usko koi fark kyon nahi padta?

Arbaaz k lia woh chal padi thi is mushkil raah par..

par aaj kyaa?koi asar nahi us par?Jagat Singh Shekhawat k karname k bare me jaan kar bhi ..Naina itni cool kaise hai?kuchh zada hi cool hai...

6 saal pahle jab shaadi se bhaag gai thi..tab to Naina ko jaanta tak nahi tha Raj..

par jab jaanaa..tab ehsaas hua...jo ladki bhaagi thi..aur jo ladki mili hai..dono bahut alag hai..

Raj to yehi chaahta tha..k Arbaaz ka khayal chhod de Naina..aur Raj k saath zindagi ka safar tai kare..

aur aaj Naina Raj ki humsafar ban bhi gai hai..par Raj k dil se yeh kaanta nikalta kyon nahi?

Naina ko haasil karna uske lia junoon ban gaya tha..

jis din Arbaaz ne utni ghatia baatein kahi..tab bhi Naina itni hi cool thi.....

aaj uska dil nahi lag raha hai.....Naina sirf fellow officer nahi...biwi bhi hai..jab tak duty me tab tak yeh.."Cool and Calm" Naina ko jhel sakta hai..par jab dono saath hai..tab Naina me jasbaat ki aisi kamee..Raj bardast kar nahi pata...

Naina ko wajah yehi bataya tha..k badnaami se bachne k lia shadi karni hogi..

par asal wajah to woh nahi ....

Raj ki bepanaah mohabbat ka rang waqt k saath saath aur surkh ho raha hai..par Naina ka Khoon-E-Dil berang hota jaa raha hai..

aur fir Raj ne khud bhi to kitni ghatia baatein bol dia tha Naina ko...

aaj Raj sochta hai..to usko bahut zada gussa aataa hai khud par..naa jaane kaun sa bhoot sawaar ho gaya tha Raj par...

achanak...Raj jaake Naina k paas baith gaya...

Naina ko dekh raha hai...bahut chain ki neend me hai Naina..itne chain se koi kaise so sakta hai?

ek arsa ho gaya..Raj ko itni chain ki neend soye hue..

Naina k honth chumne hi jaa raha tha..

achanak ."Major Shekhawat"

Raj ne dekha k chair par Major Rajveer Singh Shekhawat baitha hai..haath me cigar lie..Uniform me hai..

"kaun ho tum?"

"aarre..main hoon..tum..tumhara asli roop..Major Shekhawat.."

"Major hone k ilava..main Rajveer bhi hoon..ek insaan.."

"aur ek pati bhi..aur premi bhi..right?"

"ghalat kyaa hai isme?"

"achanak tumme yeh premi aur pati itna haavi kyon ho raha hai?"

"main puchhta hoon..isme ghalat kyaa hai..kisise pyaar karna jurm to nahi.."

"jurm tab tak nahi..jab tak yeh rishta aapke farz k raaste par nahi aataa.."

"Naina kabhi mere raaste par nahi aayegi..."

"woh nahi aayegi..par uska khayaal aapko chain se rahne nahi dega..apne dil ko kabu me rakhie.."

"main jo kar raha hoon..sahi kar raha hoon.."

"aisa aapko lagta hai...par Naina k saath yeh zabardasti ki shaadi tumko bahut mahengi padegi.."

"yeh rishta do tarfa hai.."

"kisi k samjhaute ko rishte ka naam de rahe ho..Naina tumhare kareeb hona nahi chaahti..par fir bhi tum.."

"Naina ko bahut dukh de chuka hoon..ab nahi..I just to make her feel normal..varna agar main usse door door rahunga..to samjhegi k mera man abhi tak uske lia saaf nahi hai.."

"sach sach ek baat kaho..kyaa vakei me tumhe Naina se pyaar hai?yaa fir.."

"agar zindagi ne ek hi sach bayaan karne ka mauka dia kabhi..to woh yeh sach hoga..k mujhe Naina se behad mohabbat hai.."

"yeh mohabbat bahut bhaari padegi tumko..dekh lena...waise bhi..yeha k log to baatein kar hi rahe..k barood k dher pe baitha hai Major Shekhawat..kabhi bhi fat sakta hai...aur Col. Kukreja.."

"aarrree..gyaan de rahe the thik tha..ab us ullu ka naam kyon lia..tharki Kukreja.."

"Raj..sara din Kukreja ka tharkipana jhelna padta hai..raat ko to chain se sone do.."

awaz Naina ki thi...

Raj chauka..Chair se gayab ho gaya uska Uniform wala getup...

Raj(man hi man)--khana khane k baad turant sona chahie tha..itni raat tak jaag kar gas ho gaya hai...aur gas k chakkar me ulti sidhi meaningless baatein sochne lag gaya..

Raj ne lambi dakkaar li..

Naina jaag gai..

Naina--yuuuuks..kitni ghatia aawaaz hai..chheee..

Raj--khana zyada khaa lia..

Naina--itna khane ko kisne kaha tha?

Raj--arre ..kaha malum tha..itna badhia khana banati ho..arre..mera pet dukh raha hai..badhazmi ho gai hai..davai hai?

 

Naina--achha ruko laati hoon..

Naina ne drawer se ajwain ki shishi nikaali..

Naina--yeh lo..

Raj--thanks..waise itna achha khana kaise bana leti ho?

Naina--jab se posting hui hai..tab se duty hours  pe duty..aur baki ka waqt khali..socha khana bana k time pass kar lungi...try karte karte..experiments karte karte..haath set ho gaya..

Raj hansne laga..

Naina--hans kyon rahe ho?

Raj--khana banane me haath set?jaise Tennis ka racket  ya Cricket ka bat ho..

Naina--very funny...

ghadi me tab 1 baje the...

Raj--I am sorry..woh Kukreja ne rok lia mujhe..chai k lia..

Naina--usne aaj mujhe coffee bhi pilai hai..dopaher ko..kaha Sumatra ki coffee hai..paka dala usne..bol bol k..humare bare me puchh raha tha..

Raj--kyaa puchh raha tha?

Naina--yehi k humari shaadi arranged thi yaa..

Raj--kyaa jawab dia ?

Naina--Hard Core Love marriege..

Raj fir se hansne laga.."HARD CORE LOVE MARRIEGE.."

Naina--kyaa hua?

Raj--tum kamaal ho..kabhi Game..kabhi manufacturing..kabhi Engineering.. HARDCORE..LOVE MARRIEGE...

Raj zor zor se hansne laga...

achanak Raj ne fir se dakkaar maari..

Raj--hazam ho gaya...

Naina--abhi so jaao..kal subha duty hai..

yakkudimag2008-08-03 04:43:15