Naina aur Raj laut rahe the....

Naina ne to apne ansoon baha lie..par Raj kyaa karega..

What a cruel inhabition.!!.you are a Man..you are not at all supposed to cry..atleast not in the public..

kaafi thand hai Lucknow me abhi bhi...

kohra hai..raat k 9 baj chuke hai..

khana khaa lia hai dono ne..

actually unit k baki officers apne khali waqt par jitni masti karte hai..yeh dono usme shaamil nahi hote...yeh dusri baar hai..jab saath me hai dono..kaafi der ho gai hai.

is baar Naina ne taxi ko paise de kar rawana kar dia..camp se 1 KM ki doorie par..

Raj--yeh kyaa kiaa apne?

Naina--bahut zada khaa lia hai..hazam karne k lia paidal jana hai..

Raj kaafi relaxed ho gaya..Naina ab tak jis mood me thi...Raj pareshaan ho gaya tha.

 

Naina tab bhi nahi roi thi jab Arbaaz arrest hua tha..

par aaj pata nahi kyon..Naina ro padi.

dil par itna sara bojh leke koi kab tak jeea?

bojh hai..mushkilen hal nahi ho rahi hai..par waqt haath se nikalta hi ja raha hai.

 

Camp se 100 Metre ki doorie par ek slab jaisa bana hai...cement se..lagta hai kisi purane diwar ka toota hua hissa hai..

Naina waha par baith gai..

Raj--kyaa hua?

Naina--thodi der baith leti hoon..kuchh baatein karte hai..

 

Raj--yeh kyaa mazak hai Naina??camp k itne paas aake..

Naina-- cigarette peete hai aap?

Raj--haa..din me 1 yaa 2..

Naina--abhi hai apke paas?

Raj--abhi??haa hai..

Naina--mere lia ek jala denge?

Raj--you smoke?

Naina--very rare..sar bahut bhaari hai..please..

Naina ne jis tone me yeh baat kahi,,,Raj k lia inkaar karna namumkin tha.

Raj ne ek ciggrette jala k Naina ko dia..

Naina aram se kash lagane lagi..

Raj--kyaa baat karna chaahti thi tum?

Naina--Ibrahim Ali k bare me...yeh dekhie..

Naina ne Raj ko Arbaaz ki Maa ka woh khat dia..

Raj--yeh to shayad..Arbaaz ki maa ki likhi chitthi hai..Ibrahim Ali k case se isse kyaa talluk?

Naina--aap achhe Officer hai..actor nahi..kyaa lagta hai aapko.. maine apko woh CD bina dekhe hi wapas kar di?ek nazar to maine maar li hai.

Raj--kab?

Naina--apne jab CD k sath mujhe bulaya ..tab maine socha k ek baar check kar loon..k CD me koi error to nahi aai..maine apne laptop me check kia..aur.. dekha..k Arbaaz Ali Ibrahim ab Ibrahim Ali ban chuka hai..

Raj--Naina..don't get me wrong..

Naina--iska matlab aapko pata chal chuka tha k..par kaise..actually mujhe tabhi shak hua tha jab aapne Mumbai se phone kar k mujhe yeh kaha..k woh CD main na dekhu..kyaa baat hai?

Raj--main Pune Base me gaya tha..Mumbai se hokar Jaisalmer janewala tha...aur ek dost k ghar ek raat taherna pad gaya..tumse suna bhi tha k Arbaaz kaha padhta tha..main gaya..aur..Arbaaz k ghar ka pata..aur fir........

::::::::::::::::::::::::::::::::::::::::::::::::::::

Naina ne sab kuchh suna.khamosh baithi rahi..

Raj--jab maine Arbaaz ka photo dekha..tab tumhara hi khayal aya.. k tumko bataoon yaa naa bataoon..and maine is case me apna taang isi lia adaya.. kyonki..to be very honest Naina..as a Law Officer tum zada kuchh nahi kar sakti..kyonki tumhara kaam base par hi hai..yaa to Army Court me.But Combat Mission me hum logoko jana padta hai..ho sakta hai..k Arbaaz ko main dhundh sakoon..

Naina--aur yeh sab aap mere lia karenge?

Raj--not like that..main sachchai aur insaaf k lia karna chahta hoon..and in any case..agar maine yeh dekha k Ibrahim Ali ne Arbaaz ko ateet k seene me dafan kar dia hai..aur yeh Ibrahim Ali Natinal security k lia khatra hai..to main wahi karunga jo mera farz hai..

Naina--agar sachchai k saath hai aap..to main bhi aapke farz k raaste par nahi aungi.

Raj--par Arbaaz ki maa ne jo kaha..k agar Arbaaz vakei me gunahgaar hai to usko maut ki saza mile..

Naina--I don't know.

Raj--Naina,tumko mujh par bahut gussa aa raha hai na?

Naina--waise gussa mujhe khud par aa raha hai..

Raj--kyon?

Naina--thode din pahle main bhi aapke saath mil k is Ibrahim Ali k khilaaf plan bana rahi thi..aur mazak yeh hai k Arbaaz ko save karne k lia mari jaa rahi hoon..aur Ibrahim Ali ko marvane k chakkar me hoon..

Raj--Naina..this is real trouble..dekho..agar tum is case se hatna chahti ho to hat sakti ho..no hard feelings at all..infact tumhara naam kahi nahi ayega.. agar koi enquiry hui to..

Naina--ek terrorist ko trace karna hai..isme enquiry kyon baithegi?

Raj--is bare me hum pahle bhi baat kar chuke hai..

Naina--main is case se pichhe nahi hatungi..no ways..

Raj--Arbaaz is mission me mara gaya to..

Naina-- usko surrender nahi karva sakte aaplog?agar goli chalani ho to uske taango par chalana..sine par ya sar par nahi...us waqt agar uski maa samne aye to..ho sakta hai k apni maa ko dekh kar uska man badal jaye..

Raj--tum samne kyon nahi jaogi?

Naina--aap samajhte hai is ka matlab?ek Army Law Officer k lia kitni khatarnaak saabit ho sakti hai yeh baat?

Raj--Arbaaz se tum pyaar karti ho ..right?

Naina--agar aap meri jagah hote to kyaa karte..apki mehbooba ghalat raah par chali gai..crime k raste par..aaj agar woh aapke samne aye..aur kahe k usko apna lijiye aap..kyaa aap apna payenge?kyaa aap chahenge k itni mushkil se kamai hui izzat yuh hi gava de aap??

Raj--aaj tum izzat k bare me soch rahi ho? to fir kyon bhaagi thi apni shadi se?

Naina--kyonki woh tarika ghalat tha...kisi begunaah k laash par apne ghar ki buniad main rakhna nahi chaahti thi..

Raj--aur aaj?

Naina--Arbaaz ,Arbaaz to nahi raha..woh to Ibrahim Ali ban chuka hai..agar woh apne haath lakho begunaaho k khoon se rang sakta hai..to main uske lia kuchh nahi kar sakti...agar 6 saal pahle mere Dad ne ghalat kia tha..to aaj Arbaaz bhi thik nahi kar raha hai..agar woh vakei me Lashkar-E-Taiba se mila hua hai to..

Raj--samjha..but what about Nadira Bano?

Naina--maine wada to kia hai k Arbaaz ko surrender karvane ki puri koshish karungi..and I mean it..par under any situation..I will be with the right,justice and honesty.

Raj--iska matlab..Arbaaz ho yaa koi aur..you will be impartial to the facts?

Naina--ofcourse...agar main sachchai aur insaaf k lia apne pure khandan k khilaaf ja sakti hoon..to isi insaaf aur kanoon ko bachane k lia main kisi se bhi ladne k lia taiyar hoon.kal ko agar maine bhi ghalti ki..to khud ko kathgadhe me khadi karne se hichkichaungi nahi.

Raj--fir bhi Naina..age ka raasta bahut mushkil hai..soch lo...

Naina--soch lia..is mission ko mujhe pura karna hai..kyaa hum kal hi se kaam shuru kar sakte hai?

Raj--hmm..but Naina..is mission me  laasho par chalna hoga..ho sakta hai k Arbaaz bhi..kyonki agar Arbaaz mujh par bandook taanega..main bhi trigger dabaunga..samne se goli chalegi to main bhi golio se jawab dunga,,

Naina--jis mission ki aap baat kar rahe hai..woh aisi hindi movie type nahi hogi Sir..iska texture alag hi hoga..

ciggrette bhi khatam ho chuka hai...

Naina--huuffff..ab jake  dimag kuchh halka hua..aur ek baat, ainda aisi koi baat bejhijhag bata dena..jisne ab tak yeh sab bardast kia..uske lia koi bhi khabar itni daravni nahi ho sakti Sir.

 

dono camp k andar gaye...

Raj--Good Night Naina..

Naina-good night..

:::::::::::::::::::::::::::::::::::::::::::::::

aur tab Yadav aur Pandey laut rahe the Army Officers Club se..

yeh nazara dono ne dekha..

Pandey--Yadav..kya tu bhi wahi dekh raha hai jo hum dekh rahe hai..

Yadav--Sir..baahaar to aai hai..atleast Major Shekhawat ki zindagi me..

Pandey--tujhe kyaa lagta hai...yeh silsila  kaha tak jayega..

Yadav--abhi Major Shekhawat ne to zindagi bhar ka panga lia hai..shayad zindagi bhar ka saath ho inka..shart lagayenge?

""""""""""""""""""""""""""""""""""""""""""""""""""""""""""""

Naina apne quarter me gai..apne bedroom k andar...kapde badal kar so gai..

bistar me lete lete bahut si baatein soch rahi thi...

"yeh Major Shekhawat mujhe is case se hatana kyon chaahta hain.. shayad jitna woh na kahenge utna hi main zid karungi..kahi mere kandhe pe bandook rakh kar apna nishana saadhna chaahte hain.. nahi ise unko kyaa milega..ek millitant ko maarne se unke record ko itna zada fark to padega nahi..really.. yeh jaal gehra hota ja raha hai..but yeh Major Shekhawat khud bahut bade musibat me padnewala hai..I don't know why.."

Naina gehri neend me chali gai..

""""""""""""""""""""""""""""""""""""""""""""""""""""""""""""

"Raj..Naina ko baki ka sach bhi bata de..kal ko agar woh millitant Arbaaz tere haatho mara gaya..aur uske baad Naina ko pata chala..tab Naina khud tujhe shoot kar degi.."

"Nahi..nahi..Naina aisa kar hi nahi sakti..Naina par utna junoon sawar nahi hai..yeh Naina kaafi practical hai..apni mehnat se kamai hui izzat ko itni asani se ek terrorist k lia nahi gavayegi.."

 

Raj bhi so gaya...

 

:::::::::::::::::::::::::::::::::::::::::

 

 

 

 

 

 

 

 

 

yakkudimag2008-08-03 03:47:00