Here is a Munshi PremChand story for every one...I had read it n school and lovd it..
Idgah
Ramzan ke poore tees rojon ke baad Eid aayee hai. Kitanaa manohar, kitanaa suhaavanaa prabhaav hai. Vrikshon par ajeeb hariyaalee hai, kheton men kuchh ajeeb raunak hai, aasamaan par kuchh ajeeb laalimaa hai. Aaj kaa sama dekho, kitanaa pyaara, kitanaa sheetal hai, yaanee sansaar ko eid kee badhaaee de rahaa hai.
Gali men kitanee halachal hai. eedagaah jaane kee taiyaariyan ho rahee hain. kisee ke kurate men batan naheen hai, pados ke ghar men suee-dhaagaa lene daudaa jaa rahaa hai. kisee ke joote kade ho gae hain, unamen tel daalane ke lie telee ke ghar par bhaagaa jaataa hai. jaldee-jaldee bailon ko saanee-paanee de den. eedagaah se lautate-lautate dopahar ho jaaegee. teen kos kaa pedal raastaa, fir saikadon aadamiyon se milanaa-bhentanaa, dopahar ke pahale lotanaa asambhav hai. ladke sabase jyaadaa prasann hain. kisee ne ek rojaa rakhaa hai, vah bhee dopahar tak, kisee ne vah bhee naheen, lekin eedagaah jaane kee khushee unake hisse kee cheej hai. roje bade-boodho ke lie honge. inake lie to eed hai. roj eed kaa naam ratate the, aaj vah aa gaee. ab jaldee padee hai ki log eedagaah kyon naheen chalate. inhen grihasthee chintaaon se kyaa prayojan! sevaiyon ke lie doodh or shakkar ghar men hai yaa naheen, inakee balaa se, ye to seveyaan khaaaenge. vah kyaa jaanen ki abbaajaan kyon badahavaas chaudharee kaayamaalee ke ghar daude jaa rahe hain. unhen kyaa khabar ki chaudharee aonkhen badal len, to yah saaree eed muharram ho jaae. unakee apanee jebon men to kuber kaadhan bharaa huaa hai. baar-baar jeb se apanaa khajaanaa nikaalakar ginate hain aur khush hokar fir rakh lete hain. mahamood ginataa hai, ek-do, das,-baarah, usake paas baarah paise hain. mohanasin ke paas ek, do, teen, aath, nau, pndrah paise hain. inheen anaginatee paison men anaginatee cheejen laaaengen— khilaune, mithaaiyaan, bigul, gend aur jaane kyaa-kyaa.
aur sabase jyaadaa prasann hai haamid. vah chaar-ponch saal kaa gareeb soorat, dubalaa-patalaa ladkaa, jisakaa baap gat varsh haije kee bhent ho gayaa aur mon n jaane kyon peelee hotee-hotee ek din mar gaee. kisee ko pataa kyaa beemaaree hai. kahatee to kaun sunane vaalaa thaa? dil par jo kuchh beetatee thee, vah dil men hee sahatee thee or jab n sahaa gayaa,. to snsaar se vidaa ho gaee. ab haamid apanee boodhee daadee ameenaa kee god men sotaa hai aur utanaa hee prasann hai. usake abbaajaan roopaye kamaane gae hain. bahut-see thailiyon lekar aaaenge. ammeejaan allahaa miyon ke ghar se usake lie badee achchhee-achchhee cheejen laane gaee hain, isalie haamid prasann hai. aashaa to badee cheej hai, aur fir bachchon kee aashaa! unakee kalpanaa to raaee kaa parvat banaa letee he. haamid ke ponv men joote naheen hain, sir paraek puraanee-dhuraanee topee hai, jisakaa gotaa kaalaa pad gayaa hai, fir bhee vah prasann hai. jab usake abbaajaan thailiyon aur ammeejaan niyamaten lekar aaaengee, to vah dil se aramaan nikaal legaa. tab dekhegaa, mohasin, noore aur sammee kahon se utane paise nikaalenge.
abhaagin ameenaa apanee kotharee men baithee ro rahee hai. aaj eed kaa din, usake ghar men daanaa naheen! aaj aabid hotaa, to kyaa isee tarah eed aatee or chalee jaatee! is andhakaar aur niraashaa men vah doobee jaa rahee hai. kisane bulaayaa thaa is nigodee eed ko? is ghar men usakaa kaam naheen, lekin haamid! use kisee ke marane-jeene ke kyaa matal? usake andar prakaash hai, baahar aashaa. vipatti apanaa saaraa dalabal lekar aaye, haamid kee aannd-bharee chitaban usakaa vidhvasn kar degee.
haamid bheetar jaakar daadee se kahataa hai—tum daranaa naheen ammon, mai sabase pahale aaoongaa. bilkul n daranaa.
ameenaa kaa dil kachot rahaa hai. gonv ke bachche apane-apane baap ke saath jaa rahe hain. haamid kaa baap ameenaa ke sivaa aur kaun hai! use kese akele mele jaane de? us bheed-bhaad se bachchaa kaheen kho jaae to kyaa ho? naheen, ameenaa use yon n jaane degee. nanhee-see jaan! teen kos chalegaa kaise? pair men chhaale pad jaaaenge. joote bhee to naheen hain. vah thodee-thodee door par use god men le letee, lekin yahon sevaiyon kon pakaaegaa? paise hote to lautate-lotate sab saamagree jamaa karake chatapat banaa letee. yahon to ghnton cheejen jamaa karate lagenge. monge kaa hee to bharosaa thaharaa. us din faheeman ke kapade sile the. aath aane pese mile the. us uthannee ko eemaan kee tarah bachaatee chalee aatee thee isee eed ke lie lekin kal gvaalan sir par savaar ho gaee to kyaa karatee? haamid ke lie kuchh naheen he, to do paise kaa doodh to chaahie hee. ab to kul do aane paise bach rahe hain. teen paise haamid kee jeb men, paanch ameenaa ke batuven men. yahee to bisaat hai aur eed kaa tyauhaar, allaa hee bedaa par lagaae. dhoban aur naain or mehataraanee aur chudihaarin sabhee to aaaengee. sabhee ko seveyon chaahie aur thodaa kisee ko aonkhon naheen lagataa. kis-kis sen munh churaayegee? aur munh kyon churaae? saal-bhar kaa tyonhaar hain. jindagee khairiyat se rahen, unakee takadeer bhee to usee ke saath hai: bachche ko khudaa salaamat rakhe, yen din bhee kat jaaaenge.
gonv se melaa chalaa. or bachchon ke saath haamid bhee jaa rahaa thaa. kabhee sabake sab daudkar aage nikal jaate. fir kisee ped ke neenche khade hokar saath vaalon kaa intajaar karate. yah log kyon itanaa dheere-dheere chal rahe hain? haamid ke pairo men to jaise par lag gae hain. vah kabhee thak sakataa hai? shahar kaa daaman aa gayaa. sadk ke donon or ameeron ke bageeche hain. pakkee chaaradeevaaree banee huee hai. pedo men aam aur leechiyon lagee huee hain. kabhee-kabhee koee ladkaa knkadee uthaakar aam par nishaan lagaataa he. maalee andar se gaalee detaa huaa ninlataa hai. ladke vahaan se ek falong par hain. khoob hns rahe hain. maalee ko kesaa ulloo banaayaa hai.
badee-badee imaaraten aane lageen. yah adaalat hai, yah kaalej hai, yah klab ghar hai. itane bade kaalej men kitane ladke padhte honge? sab ladke naheen hain jee! bade-bade aadamee hain, sach! unakee badee-badee moonchhe hain. itane bade ho gae, abhee tak padhte jaate hain. n jaane kab tak padhenge or kyaa karenge itanaa padhkar! haamid ke madarase men do-teen bade-bade ladke hen, bilkul teen kaudee ke. roj maar khaate hain, kaam se jee churaane vaale. is jagah bhee usee tarah ke log honge or kyaa. klab-ghar men jaadoo hotaa hai. sunaa hai, yahon murdo kee khopadiyaan daudtee hain. aur bade-bade tamaashe hote hen, par kisee koandar naheen jaane dete. aur vahon shaam ko saahab log khelate hain. bade-bade aadamee khelate hen, moonchho-daadhee vaale. aur memen bhee khelatee hain, sach! hamaaree ammon ko yah de do, kyaa naam hai, bait, to use pakad hee n sake. ghumaate hee ludhk jaaaen.
mahamood ne kahaa—hamaaree ammeejaan kaa to haath konpane lage, allaa kasam.
mohasin bol—chalon, manon aataa pees daalatee hain. jaraa-saa bait pakad legee, to haath konpane lagenge! saukadon ghade paanee roj nikaalatee hain. ponch ghade to teree bhains pee jaatee hai. kisee mem ko ek ghadaa paanee bharanaa pade, to aonkhon tak andheree aa jaae.
mahamood—lekin daudteen to naheen, uchhal-kood to naheen sakateen.
mohasin—hon, uchhal-kood to naheen sakateen; lekin us din meree gaay khul gaee thee aur chaudharee ke khet men jaa padee thee, ammon itanaa tej daudee ki men unhen n paa sakaa, sach.
aage chale. halavaaiyon kee dukaanen shuroo huee. aaj khoob sajee huee theen. itanee mithaaiyon kaun khaataa? dekho n, ek-ek dookaan par manon hongee. sunaa hai, raat ko jinnaat aakar khareed le jaate hain. abbaa kahate then ki aadhee raat ko ek aadamee har dookaan par jaataa hai aur jitanaa maal bachaa hotaa hai, vah tulavaa letaa hai aur sachamuch ke roopaye detaa hai, bilkul aise hee roopaye.
haamid ko yakeen n aayaa—aise roopaye jinnaat ko kahon se mil jaaaengee?
mohasin ne kahaa—jinnaat ko roopaye kee kyaa kamee? jis khajaane men chaahen chale jaaaen. lohe ke daravaaje tak unhen naheen rok sakate janaab, aap hain kis fer men! heere-javaaharaat tak unake paas rahate hain. jisase khush ho gae, use tokaron javaaharaat de die. abhee yaheen baithe hen, ponch minat men kalakattaa pahunch jaaaen.
haamid ne fir poochhaa—jinnaat bahut bade-bade hote hain?
mohasin—ek-ek sir aasamaan ke baraabar hotaa hai jee! jameen par khadaa ho jaae to usakaa sir aasamaan se jaa lage, magar chaahe to ek lote men ghus jaae.
haamid—log unhen kese khush karate honge? koee mujhe yah mntar bataa de to ek jinan ko khush kar loon.
mohasin—ab yah to n jaanataa, lekin chaudharee saahab ke kaaboo men bahut-se jinnaat hain. koee cheej choree jaae chaudharee saahab usakaa pataa lagaa denge or chor kaa naam bataa degen. jumaraatee kaa bachhavaa us din kho gayaa thaa. teen din hairaan hue, kaheen n milaa tab jhakh maarakar chaudharee ke paas gae. chaudharee ne turant bataa diyaa, mavesheekhaane men hai aur vaheen milaa. jinnaat aakar unhen saare jahaan kee khabar de jaate hain.
ab usakee samajh men aa gayaa ki chaudharee ke paas kyon itanaa dhan hai aur kyon unakaa itanaa sammaan hai.
aage chale. yah pulis laain hai. yaheen sab kaanisatibil kavaayad karate hain. raitan! faay fo! raat ko bechaare ghoom-ghoomakar paharaa dete hain, naheen choriyon ho jaaaen. mohasin ne prativaad kiyaa—yah kaanisatibil paharaa dete hen? tabhee tum bahut jaanate hon ajee hajarat, yah choree karate hain. shahar ke jitane chor-daakoo hen, sab inase muhalle men jaakar 'jaagate raho! jaate raho!' pukaarate hen. tabhee in logon ke paas itane roopaye aate hen. mere maamoo ek thaane men kaanisatibil hen. baras roopayaa maheenaa paate hen, lekin pachaas roopaye ghar bhejate hen. allaa kasam! mainne ek baar poochhaa thaa ki maamoo, aap itane roopaye kahon se paate hain? hnsakar kahane lage—betaa, allaah detaa hai. fir aap hee bole—ham log chaahen to ek din men laakhon maar laaaen. ham to itanaa hee lete hain, jisamen apanee badanaamee n ho aur naukaree n chalee jaae.
haamid ne poochhaa—yah log choree karavaate hain, to koee inhen pakadtaa naheen?
mohasin usakee naadaanee par dayaa dikhaakar bolaa..are, paagal! inhen kaun pakadegaa! pakadne vaale to yah log khud hain, lekin allaah, inhen sajaa bhee khoob detaa hai. haraam kaa maal haraam men jaataa hai. thode hee din hue, maamoo ke ghar men aag lag gaee. saaree leee-poonjee jal gaee. ek baratan tak n bachaa. kaee din ped ke neeche soe, allaa kasam, ped ke neeche! firan jaane kahon se ek sau karj laae to baratan-bhonde aae.
haamid—ek sau to pachaar se jyaadaa hote hai?
'kahon pachaas, kahon ek sau. pachaas ek thailee-bhar hotaa hai. sau to do thailiyon men bhee n aaaen?
ab bastee ghanee hone lagee. eeigaah jaane vaalo kee toliyon najar aane lagee. ek se ek bhadkeele vastr pahane hue. koee ikke-tonge par savaar, koee motar par, sabhee itr men base, sabhee ke dilon men umng. graameenon kaa yah chhotaa-saa dal apanee vipannataa se bekhabar, santosh or dhairy men magan chalaa jaa rahaa thaa. bachchon ke lie nagar kee sabhee cheejen anokhee theen. jis cheej kee or taakate, taakate hee rah jaate aur peechhe se aarn kee aavaaj hone par bhee n chetate. haamid to motar ke neeche jaate-jaate bachaa.
sahasaa eedagaah najar aaee. oopar imalee ke ghane vrikshon kee chhaayaa he. naache pakkaa farsh hai, jis par jaajam dhichhaa huaa hai. aur rojedaaron kee pnktiyon ek ke peechhe ek n jaane kahon vak chalee gaee hain, pakkee jagat ke neeche tak, jahon jaajam bhee naheen hai. nae aane vaale aakar peechhe kee kataar men khade ho jaate hain. aage jagah naheen he. yahon koee dhan aur pad naheen dekhataa. islaam kee nigaah men sab baraabar hen. in graameenon ne bhee vajoo kiyaa or pichhalee pnkti men khade ho gae. kitanaa sundar snchaalan hai, kitanee sundar vyavasthaa! laakhon sir ek saath sijade men jhuk jaate hain, fir sabake sab ek saath khade ho jaate hain, ek saath jhukate hen, aur ek saath khade ho jaate hain, ek saath khade ho jaate hain, ek saath jhukate hen, aur ek saath khade ho jaate hain, kaee baar yahee kriyaa hotee he, jaise bijalee kee laakhon battiyaan ek saath pradeept hon aur ek saath bujh jaaaen, aur yahee gram chalataa, rahe. kitanaa apoorv drishy thaa, jisakee saamoohik kriyaaaen, vistaar aur anntataa hriday ko shraddhaa, garv aur aatmaannd se bhar detee theen, maanon bhraatritv kaa ek sootr in samast aatmaaon ko ek ladee men piroe hue hain.
2
namaaj khatm ho gaee. log aapas men gale mil rahe hain. tab mithaaee aur khilaune kee dookaan par dhaavaa hotaa hai. graameenon kaa yah dal is vishay men baalakon se kam utsaahee naheen hai. yah dekho, hindolaa hen ek paisaa dekar chadh jaao. kabhee aasamaan par jaate hue maaloom hogen, kabhee jameen par girate hue. yah charkhee hai, lakadee ke haathee, ghode, oont, chhado men latake hue hain. ek pesaa dekar baith jaaon aur pachchees chakkaron kaa majaa lo. mahamood aur mohasin or noore or sammee in ghodon or oonto par baithate hen. haamid door khadaa hai. teen hee paise to usake paas hain. apane kosh kaa ek tihaaee jaraa-saa chakkar khaane ke lie naheen de sakataa.
sab charkhiyon se utarate hain. ab khilaune lenge. adhar dookaanon kee kataar lagee huee hai. tarah-tarah ke khilaune hain—sipaahee aur gujariyaa, raaj or vakee, bhishtee aur dhobin aur saadhu. vah! katte sundar khilone hain. ab bolaa hee chaahate hain. mahamood sipaahee letaa he, khaakee vardee aur laal pagadeevaalaa, kndhen par bndook rakhe hue, maaloom hotaa he, abhee kavaayad kie chalaa aa rahaa hai. mohasin ko bhishtee pasnd aayaa. kamar jhukee huee hai, oopar mashak rakhe hue hain mashak kaa munh ek haath se pakade hue hai. kitanaa prasann hai! shaayad koee geet gaa rahaa hai. bas, mashak se paanee adelaa hee chaahataa hai. noore ko vakeel se prem he. kaisee vidvattaa he usake mukh par! kaalaa chogaa, neeche safed achakan, achakan ke saamane kee jeb men ghadee, sunaharee jnjeer, ek haath men kaanoon kaa pauthaa liye hue. maaloom hotaa hai, abhee kisee adaalat se jirah yaa bahas kie chale aa rahe hai. yah sab do-do paise ke khilaune hain. haamid ke paas kul teen paise hain, itane mahnge khilaun vah kese le? khilaunaa kaheen haath se chhoot pade to choor-choor ho jaae. jaraa paanee pade to saaraa rng ghul jaae. aise khilaune lekar vah kyaa karegaa, kis kaam ke!
mohasin kahataa hai—meraa bhishtee roj paanee de jaaegaa sonjh-sabere
mahamood—aur meraa sipaahee ghar kaa paharaa degaa koee chor aaegaa, to fauran bndook se fair kar degaa.
noore—or meraa vakeel khoob mukadamaa ladegaa.
sammee—or meree dhobin roj kapade dhoegee.
haamid khilaunon kee nindaa karataa hai—mittee hee ke to hain, gire to chakanaachoor ho jaaaen, lekin lalachaaee huee aonkhon se khilaunon ko dekh rahaa hai aur chaahataa hai ki jaraa der ke lie unhen haath men le sakataa. usake haath anaayaas hee lapakate hen, lekin ladke itane tyaagee naheen hote hen, visheshakar jab abhee nayaa shauk hai. haamid lalachataa rah jaataa hai.
khilaune ke baad mithaaiyaan aatee hain. kisee ne revadiyon lee hen, kisee ne gulaabajaamun kisee ne sohan halavaa. maje se khaa rahe hain. haamid biraadaree se prithak hai. abhaage ke paas teen paise hain. kyon naheen kuchh lekar khaataa? lalachaaee aonkhon se sabak or dekhataa hai.
mohasin kahataa hai—haamid revadee le jaa, kitanee khushaboodaar hai!
haamid ko sadenh huaa, ye keval kroor vinod hen mohasin itanaa udaar naheen hai, lekin yah jaanakar bhee vah usake paas jaataa hai. mohasin done se ek revadee nikaalakar haamid kee or badhaataa hai. haamid haath failaataa hai. mohasin revadee apane munh men rakh letaa hai. mahamood noore or sammee khoob taaliyon bajaa-bajaakar hnsate hain. haamid khisiyaa jaataa hai.
mohasin—achchhaa, abakee jaroor denge haamid, allaah kasam, le jaa.
haamid—rakhe raho. kyaa mere paas paise naheen hai?
sammee—teen hee pese to hain. teen paise men kyaa-kyaa logen?
mahamood—hamase gulaabajaamun le jaao haamid. mohamin badamaash hai.
haamid—mithaaee kaun badee nemat hai. kitaab men isakee kitanee buraaiyon likhee hain.
mohasin—lekin din me kah rahe hoge ki mile to khaa len. apane paise kyon naheen nikaalate?
mahamood—is samajhate hen, isakee chaalaakee. jab hamaare saare paise kharch ho jaaaenge, to hamen lalachaa-lalachaakar khaaegaa.
mithaaiyon ke baad kuchh dookaanen lohe kee cheejon kee, kuchh gilat aur kuchh nakalee gahanon kee. ladkon ke lie yahon koee aakarshan n thaa. ve sab aage badh jaate hain, haamid lohe kee dukaan pararook jaat he. kaee chimate rakhe hue the. use khyaal aayaa, daadee ke paas chimataa naheen hai. tabe se rotiyon utaaratee hain, to haath jal jaataa hai. agar vah chimataa le jaakar daadee ko de de to vah kitanaa prasann hogee! fir unakee oogaliyon kabhee n jalengee. ghar men ek kaam kee cheej ho jaaegee. khilaune se kyaa faayadaa? vyarth men paise kharaab hote hain. jaraa der hee to khushee hotee hai. fir to khilaune ko koee aonkh uthaakar naheen dekhataa. yah to ghar pahunchate-pahunchate toot-foot baraabar ho jaaaenge. chimataa kitane kaam kee cheej hai. rotiyon tave se utaar lo, choolhen men senk lo. koee aag mongane aaye to chatapat choolhe se aag nikaalakar use de do. ammon bechaaree ko kahon furasat he ki baajaar aaaen aur itane paise hee kahon milate hain? roj haath jalaa letee hain.
haamid ke saathee aage badh gae hain. sabeel par sabake sab sharbat pee rahe hain. dekho, sab katane laalachee hain. itanee mithaaiyon leen, mujhe kisee ne ek bhee n dee. us par kahate hai, mere saath khelo. meraa yah kaam karon. ab agar kisee ne koee kaam karane ko kahaa, to poochhoongaa. khaaaen mithaaiyon, aap munh sadegaa, fode-funsiyon nikalengee, aap hee jabaan chatoree ho jaaegee. tab ghar se paise churaaaenge aur maar khaaaenge. kitaab men jhoothee baaten thode hee likhee hen. meree jabaan kyon kharaab hogee? ammon chimataa dekhate hee daudkar mere haath se le lengee aur kahengee—meraa bachchaa ammon ke lie chimataa laayaa hai. kitanaa achchhaa ladkaa hai. in logon ke khilaune par kaun inhen duaaaen degaa? badon kaa duaaaen seedhe allaah ke darabaar men pahunchatee hain, aur turnt sunee jaatee hain. men bhee inase mijaaj kyon sahoon? main gareeb sahee, kisee se kuchh mongane to naheen jaate. aakhir abbaajaan kabheen n kabhee aaaenge. ammaa bhee aonegee hee. fir in logon se poochhoongaa, kitane khilaune loge? ek-ek ko tokariyon khilaune doon aur dikhaa hoon ki doston ke saath is tarah kaa salook kiyaa jaat hai. yah naheen ki ek paise kee revadiyon leen, to chidhaa-chidhaakar khaane lage. sabake sab hnsenge ki haamid ne chimataa liyaa hai. hnsen! meree balaa se! usane dukaanadaar se poochhaa—yah chimataa kitane kaa hai?
dukaanadaar ne usakee or dekhaa aur koee aadamee saath n dekhakar kahaa—tumhaare kaam kaa naheen hai jee!
'bikaaoo hai ki naheen?'
'bikaaoo kyon naheen hai? aur yahon kyon laad laae hain?'
to bataate kyon naheen, kai paise kaa hai?'
'chh: paise lagenge.'
haamid kaa dil baith gayaa.
'theek-theek ponch pese lagenge, lenaa ho lo, naheen chalate bano.'
haamid ne kalejaa majaboot karake kahaa teen paise loge?
yah kahataa huaa v aage badh gayaa ki dukaanadaar kee ghudkiyon n sune. lekin dukaanadaar ne ghudkiyon naheen dee. bulaakar chimataa de diyaa. haamid ne use is tarah kndhe par rakhaa, maanon bndook hai aur shaan se akadtaa huaa sngiyon ke paas aayaa. jaraa sunen, sabake sab kyaa-kyaa aalochanaaaen karate hain!
mohasin ne hnsakar kahaa—yah chimataa kyon laayaa pagale, ise kyaa karegaa?
haamid ne chimate ko jameen par patakar kahaa—jaraa apanaa bhishtee jameen par giraa do. saaree pasaliyon choor-choor ho jaaaen bachaa kee.
mahamood bolaa—to yah chimataa koee khilaunaa hai?
haamid—khilaunaa kyon nahee hai! abhee kandhe par rakhaa, bndook ho gaee. haath men le liyaa, fakeeron kaa chimataa ho gayaa. chaahoon to isase majeere kaakaam le sakataa hoon. ek chimataa jamaa doon, to tum logon ke saare khilaunon kee jaan nikal jaae. tumhaare khilaune kitanaa hee jor lagaaaen, mere chimate kaa baal bhee bonkaa nahee kar sakaten meraa bahaadur sher hai chimataa.
sammee ne khnjaree lee thee. prabhaavit hokar bolaa—meree khnjaree se badaloge? do aane kee hai.
haamid ne khnjaree kee or upekshaa se dekhaa-meraa chimataa chaahe to tumhaaree khaejaree kaa pet faad daale. bas, ek chamade kee jhillee lagaa dee, dhab-dhab bolane lagee. jaraa-saa paanee lag jaae to khatm ho jaae. meraa bahaadur chimataa aag men, paanee men, aondhee men, toofaan men baraabar dataa khadaa rahegaa.
chimate ne sabhee ko mohit kar liyaa, ab paise kisake paas dhare hain? fir mele se door nikal aae hen, nau kab ke baj gae, dhoop tej ho rahee hai. ghar pahunchane kee jaldee ho rahee he. baap se jid bhee karen, to chimataa naheen mil sakataa. haamid hai badaa chaalaak. iseelie badamaash ne apane paise bachaa rakhe the.
ab baalakon ke do dal ho gae hain. mohasin, mahamad, sammee aur noore ek taraf hain, haamid akelaa doosaree taraf. shaastrarth ho rahaa hai. sammee to vidharmee haa gayaa! doosare paksh se jaa milaa, lekin mohani, mahamood aur noore bhee haamid se ek-ek, do-do saal bade hone par bhee haamid ke aaghaaton se aatnkit ho uthe hain. usake paas nyaay kaa bal hai aur neeti kee shakti. ek or mittee hai, doosaree or lohaa, jo is vakt apane ko faulaad kah rahaa hai. vah ajey hai, ghaatak hai. agar koee sher aa jaae miyon bhishtee ke chhakke chhoot jaaaen, jo miyon sipaahee mittee kee bndook chhodkar bhaage, vakeel saahab kee naanee mar jaae, choge men munh chhipaakar jameen par let jaaaen. magar yah chimataa, yah bahaadur, yah roostame-hind lapakakar sher kee garadan par savaar ho jaaegaa aur usakee aonkhe nikaal legaa.
mohasin ne edee—chotee kaa jaare lagaakar kahaa—achchhaa, paanee to naheen bhar sakataa?
haamid ne chimate ko seedhaa khadaa karake kahaa—bhishtee ko ek daant bataaegaa, to daudaa huaa paanee laakar usake dvaar par chhidkane lagegaa.
mohasin paraast ho gayaa, par mahamood ne kumuk pahunchaaee—agar bachaa pakad jaaaen to adaalam men baedhe-bndhe firenge. tab to vakeel saahab ke pairon padege.
haamid is prabal tark kaa javaab n de sakaa. usane poochhaa—hamen pakadne kaune aaegaa?
noore ne akadkar kahaa—yah sipaahee bndookavaalaa.
haamid ne munh chidhaakar kahaa—yah bechaare ham bahaadur roostame—hind ko pakadegen! achchhaa laao, abhee jaraa kushtee ho jaae. isakee soorat dekhakar door se bhaagenge. pakadegen kyaa bechaare!
mohasin ko ek naee chot soojh gaee—tumhaare chimate kaa munh roj aag men jalegaa.
usane samajhaa thaa ki haamid laajavaab ho jaaegaa, lekin yah baat n huee. haamid ne turnt javaab diyaa—aag men bahaadur hee koodate hain janaab, tumhaare yah vakeel, sipaahee aur bhishtee laidiyon kee tarah ghar men ghus jaaaenge. aag men vah kaam hai, jo yah roostame-hind hee kar sakataa hai.
mahamood ne ek jor lagaayaa—vakeel saahab kurasee—mej par baithege, tumhaaraa chimataa to baabaracheekhaane men jameen par padaa rahane ke sivaa aur kyaa kar sakataa hai?
is tark ne sammee auranoore ko bhee sajee kar diyaa! kitane thikaane kee baat kahee he patthe ne! chimataa baavaracheekhaane men padaa rahane ke sivaa aur kyaa kar sakataa hai?
haamid ko koee fadkataa huaa javaab n soojhaa, to usane dhondhalee shuroo kee—meraa chimataa baavaracheekhaane men nahee rahegaa. vakeel saahab kursee par baithegen, to jaakar unhe jameen par patak degaa aur unakaa kaanoon unake pet men daal degaa.
baat kuchh banee nahee. khaal gaalee-galauj thee, lekin kaanoon ko pet men daalanevaalee baat chhaa gaee. aisee chhaa gaee ki teenon sooramaa munh taakate rah gae maano koee dhelachaa kaanakauaa kisee gndevaale kanakaue ko kaat gayaa ho. kaanoon munh se baahar nikalane vaalee cheej he. usako pet ke andar daal diyaa jaanaa betukee-see baat hone par bhee kuchh nayaapan rakhatee he. haamid ne maidaan maar liyaa. usakaa chimataa roostame-hind he. ab isamen mohasin, mahamood noore, sammee kisee ko bhee aapatti naheen ho sakatee.
vijetaa ko haaranevaalon se jo satkaar milanaa svaabhavik hai, vah haamid ko bhee mil. auron ne teen-teen, chaar-chaar aane paise kharch kie, par koee kaam kee cheej n le sake. haamid ne teen paise men rng jamaa liyaa. sach hee to hai, khilaunon kaa kyaa bharosaa? toot-foot jaaaengee. haamid kaa chimataa to banaa rahegaa barason?
sndhi kee sharte tay hone lageen. mohasin ne kahaa—jaraa apanaa chimataa do, ham bhee dekhen. tum hamaar bhishtee lekar dekho.
mahamood aur noore ne bhee apane-apane khilaune pesh kie.
haamid ko in sharto ko maanane men koee aapatti n thee. chimataa baaree-baaree se sabake haath men gayaa, aur unake khilaune baaree-baaree se haamid ke haath men aae. kitane khoobasoorat khilaune hain.
haamid ne haarane vaalon ke aonsoo ponchhe—main tumhe chidhaa rahaa thaa, sach! yah chimataa bhalaa, in khilaunon kee kyaa baraabar karegaa, maaloom hotaa hai, ab bole, ab bole.
lekin mohasani kee paartee ko is dilaase se sntosh naheen hotaa. chimate kaa silkaa khoob baith gayaa hai. chipakaa huaa tikat ab paanee se naheen chhoot rahaa hai.
mohasin—lekin in khilaunon ke lie koee hamen duaa to n degaa?
mahamood—duaa ko liy firate ho. ulte maar n pade. ammaan jaroor kahengee ki mele men yahee mittee ke khilaune mile?
haamid ko sveekaar karanaa padaa ki khilaunon ko dekhakar kisee kee maan itanee khush n hogee, jitanee daadee chimate ko dekhakar hongee. teen paison hee men to use sab-kuchh karanaa thaa or un paison ke is upayon par pachhataave kee bilkul jaroorat n thee. fir ab to chimataa roostamen—hind he or sabhee khilaunon kaa baadashaah.
raaste men mahamood ko bhookh lagee. usake baap ne kele khaane ko diyen. mahamoon ne keval haamid ko saajhee banaayaa. usake any mitr munh taakate rah gae. yah us chimate kaa prasaad thaan.
3
gyaarah baje gonv men halachal mach gaee. melevaale aa gae. mohasin kee chhotee bahan daudkar bhishtee usake haath se chheen liyaa aur maare khushee ke jaa uchhalee, to miyon bhishtee neeche aa rahe aur suralok sidhaare. is par bhaaee-bahan men maar-peet huee. daanon khub roe. usakee ammon yah shor sunakar bigadee aur donon ko oopar se do-do chonte aur lagaae.
miyon noore ke vakeel kaa ant unake pratishthaanukool isase jyaadaa gauravamay huaa. vakeel jameen par yaa taak par ho naheen baith sakataa. usakee maryaadaa kaa vichaar to karanaa hee hogaa. deevaar men khoontiyaan gaadee gaee. un par lakadee kaa ek pataraa rakhaa gayaa. patare par kaagaj kaa kaaleen bidaayaa gayaa. vakeel saahab raajaa bhoj kee bhaanti sinhaasan par viraaje. noore ne unhen pnkhaa jhalanaa shuroo kiyaa. aadaalaton men khar kee tattiyon aur bijalee ke pnkhe rahate hen. kyaa yahon maamoolee pnkhaa bhee n ho! kaanoon kee garmee dimaag par chadh jaaegee ki naheen? bons kaapnkhaa aayaa or noore havaa karane lagen maaloom naheen, pnkhe kee havaa se yaa pnkhe kee chot se vakeel saahab svargalok se mrityulok men aa rahe aur unakaa maatee kaa cholaa maatee men mil gayaa! fir bade jor-shor se maatam huaa aur vakeel saahab kee asthi ghoore par daal dee gaee.
ab rahaa mahamood kaa sipaahee. use chatapat gonv kaa paharaa dene kaa chaarj mil gayaa, lekin pulis kaa sipaahee koee saadhaaran vyakti to naheen, jo apane pairon chalen vah paalakee par chalegaa. ek tokaree aaee, usamen kuchh laal rng ke fate-puraane chithade bichhaae gae jisamen sipaahee saahab aaraam se lete. noore ne yah tokaree uthaaee aur apane dvaar kaa chakkar lagaane lage. unake donon chhote bhaaee sipaahee kee tarah 'chhonevaale, jaagate laho' pukaarate chalate hen. magar raat to andheree honee chaahie, noore ko thokar lag jaatee hai. tokaree usake haath se chhootakar gir padtee hai aur miyon sipaahee apanee bandook liye jameen par aa jaate hain aur unakee ek tong men vikaar aa jaataa hai.
mahamood ko aaj jnyaat huaa ki vah achchhaa daaktar hai. usako aisaa maraham milaa gayaa hai jisase vah tootee tong ko aanan-faanan jod sakataa he. keval goolar kaa doodh chaahie. goolar kaa doodh aataa hai. taang jaavab de detee hai. shaly-kriyaa asafal huee, tab usakee doosaree taang bhee tod dee jaatee hai. ab kam-se-kam ek jagah aaraam se baith to sakataa hai. ek tong se to n chal sakataa thaa, n baith sakataa thaa. ab vah sipaahee snnyaasee ho gayaa hai. apanee jagah par baithaa-baithaa paharaa detaa hai. kabhee-kabhee devataa bhee ban jaataa hai. usake sir kaa jhaalaradaar saafaa khurach diyaa gayaa hai. ab usakaa jitanaa roopaantar chaahon, kar sakate ho. kabhee-kabhee to usase baat kaa kaam bhee liyaa jaataa hai.
ab miyon haamid kaa haal sunie. ameenaa usakee aavaaj sunate hee daudee aur use god men uthaakar pyaar karane lagee. sahasaa usake haath men chimataa dekhakar vah chaunkee.
'yah chimataa kahon thaa?'
'mainne mol liyaa hai.'
'kai paise men?
'teen paise diye.'
ameenaa ne chhaatee peet lee. yah kaisaa besamajh ladkaa hai ki dopahar huaa, kuchh khaayaa n piyaa. laayaa kyaa, chimataa! 'saare mele men tujhe aur koee cheej n milee, jo yah lohe kaa chimataa uthaa laayaa?'
haamid ne aparaadhee-bhaav se kahaa—tumhaaree ungaliyon tave se jal jaatee theen, isalie maine ise liyaa.
budhiyaa kaa krodh turant sneh men badal gayaa, aur sneh bhee vah naheen, jo pragalbh hotaa he aur apanee saaree kasak shabdon men bikher detaa hai. yah mook sneh thaa, khoob thos, ras aur svaad se bharaa huaa. bachche men kitanaa vyaag, kitanaa sadabhaav aur kitanaa vivek hai! doosaron ko khilaune lete aur mithaaee khaate dekhakar isakaa man kitanaa lalachaayaa hogaa? itanaa jabt isase huaa kaise? vahon bhee ise apanee budhiyaa daadee kee yaad banee rahee. ameenaa kaa man gadagad ho gayaa.
aur ab ek badee vichitr baat huee. haamid ken is chimate se bhee vichitr. bachche haamid ne boodhe haamid kaa paart khelaa thaa. budhiyaa ameenaa baalikaa ameenaa ban gaee. vah rone lagee. daaman failaakar haamid ko duaaaen detee jaatee thee aur aansoon kee badee-badee boonde giraatee jaatee thee. haamid isakaa rahasy kyaa samajhataa!
Hui Ghum Yaadein
Fan Fictions
12