Falak's Poem Gallery#1:Completed! - Page 29

Originally posted by: TINAMALHONTRA

Hey Falak!!!
I'm commenting on your poems for the very first time....
aur kya kahu....itna acha hai ki main kya kahu....
mere dictionary main words hi nahi hai to describe this....
IT WAS EXCELLENT, FANTASTIC, SUPERB.....etc etc
as i said words nahi hai...so for u double
thumbs up..lol...
Loved Mayank's feelings and its exactly how Nupur reacted to all his
actions...Itni khoobsurti se aapne isse pesh kiya hai...Gr8 work
Write more and do inform me
Love
Tina

thanx tina....i will try 2 write more....😃😉

Originally posted by: falak01

SO guyz here is my new poem...

ANJAANI ULJHAN,ANJAANA EHSAAS....

Usse door jaane ke liye niklaa tha main...
Uske paas naa jaane ki wajah dhoondne niklaa tha main...
Aaj meri raahein badal gayi hain...
Ab uske dil par dastak dene niklaa hoon main..
Uske aansuon se meri berukhi hamdardi mein badal gayi...
Uske khaamosh hothon se meri dil ki baat ko aawaz mil gayi..
Uski kaali kaali,jheel si gehri bolti nigaahon mein..
Mujhe uske paas jaane ki wajah mil gayi...
Har pal ki uss kashmakash se aaj main aazaad hoon...
Uske liye toh main DDLJ ka RAJ hoon...
Apne chehre kaa gussa chodkar..
Aaj main poori tarah khushmizaaz hoon...
Unn kuch palon mein uske dil ne kuch to mehsoos kiyaa hai...
Uski khaamoshi ne mujhe iskaa ehsaas diyaa hai...
Uski jhuki aankhein aur uljhi baaton se lagtaa hai ki..
Shaayad uske dil mein bhi mohabbat kaa aaghaaz huaa hai...
Main apne pyaar ko ek maukaa dekar dekhoongaa...
Kyaa hai uske dill mein ye jaan ne ki koshish karoongaa..
Kuch to hua hai usko bhi...
Use iss baat kaa ehsaas kara ke rahoongaa...
Use lagta hai ki mere laaye huye phool sirf uske liye hain...
Meri meethi baatein sirf uske liye hain...
Kehti hai ki mujhe achhi tarah se jaanti hai woh...
Toh kyaa uske dil mein bhi koi jagah mere liye hai....???
Apne in sawaalon ke jawaab mujhe talaashne hain...
Uske dil ke raaz mujhe jaan ne hain...
Kuch to zaroor sochti hai mere baare mein wo...
Bas uske ehsaas uski zubaan par laane hain..
Uski baaton se anjaane pyaar ki khanak aati hai..
Kehnaa chaahti hai wo kuch aur par keh kuch aur jaati hai...
Chot mujhe lagti hai aur dard use hota hai...
Koi jaakar bataa de use ki..
PYAAR MEIN TO AISA HI HOTA HAI....

hope u enjoyed it...plzzz do comment...

so beautiful dear 👏 👏 👏

@nisha:thanx 4 commenting dear...😃

Originally posted by: muneefah

aww
AWESOME

LOV IT

thanx muneefah...😃😃

its okay falak
Good work is dun to b appreciated
;)

Originally posted by: falak01

A TRIBUTE TO MAYUR

(specially 4 the arti sbs interview)

Wo aaj saari duniyaa se pare hain...
Wo aaj mohabbat ke suroor mein khoye hain...
Kistmat ne milaa diye hain raaste...
Wo aaj ek doosre ke ho gaye hain...

Karte the jo waqt bewaqt takraar..
Jo karte the ek doosre par bewajah hi waar...
Badal gaya hai poori tarah sab kuch...
Ab to sirf pyaar hi pyaar hai darmiyaan...

Kal tak to inhe mohabbat ka ilm hi nahi tha..
Ek samajhta tha bewajah ise aur doosra iss se anjaan tha...

Aaj waqt aur haalaat dono badal gaye hain...
Aaj ye dono dill mohabbat mein doob gaye hain...

Ek doosre ko wo bakhoobi samajhte hain...
Dil ki baatein aankhon se keh dete hain..

chot ek ko lagti hai to dard doosre ko hota hai..
Agar aansoo aa jaaye ek ki aankhon mein to dil doosre ka rota hai...
Dekh lo duniya waalon...
Ye PYAAR AISA HI HOTA HAI..

Dono ne pyaar ki khoobsoorat duniyaa sajaayi hai...
Jisme nafrat ne koi jagah nahi paayi hai...
Rehne ke liye to kaafi jagah hai duniyaa mein..
Par inn dono ne ek doosre ke dil mein jagah paayee hai..

Inka dil mohabbat se aabaad hai...
Ye nafrat ki saari zanzeeron se aazaad hain...
Seekh lo inse mohabbat kaise nibhaate hain...
Aise pyaar ke binaa hi to duniyaa mein kitne log barbaad hain...

AAPKE dil ki mohabbat ko mehsoos hum karte hain...
AAPKI khushiyon se hum jeete hain,AAPKE dard se hum hazaar maut marte hain..
Aap dono ko chaahne lage hain hum iss kadar...
Ki aapse hi din ki shuruwaat aur din kaa antt karte hain....

PLZZ COMMENT...

wooooooooooooooow
fab
u shoul win an award👏👏
i luved it to the core of my heart
its BEAUTIFUL

wow yaar itz awesome...........it touched my heart............

Originally posted by: monishanemo

Ankuuuuuuuuuu ur d best its just perfect n awesome arti v ll be floored by this one!!!!!!!!!👏👏👏

oh thank god...mujhe to lagaa maine dhakkan ki tarah poem likh daali...thanx....😆😆