Originally posted by: hellodona
Sahiba bachha paida karti tab phenk deta based on his track record. Achha hai Sahiba alag rahi. She will have her kid with her for few years. Aaj bhi he cut the call only thinking of her miscarriage news. Agar miscarriage nahi hota toh rok kar rakhta jab tak bachha deliver na kar deti.
Bilkul. Manveer ne achhe intentions se nahi, bure intentions se bachhi ko bahar bheja, bachhi was on death bed, Angad said mumma ne jo kiya woh innka dard tha. His blood family can do anything, try to burn Sahiba too , drug her and push her to suicide.
Yaar yahi achha hai ki ITV "kuch bhi dikhao" mode me chalta hai aur feudal mentality se sab dikhaya jata hai. Isliye ham ITV ko khari khoti sunakar Dil halka kar sakte hain.
Lekin main problem to society ki hai. Achhe khase educated aur modern Indians ko TV par heroine ke rup me "bhed au bakri" dekhne ki aadat hai. Yahi wo Indians hain jo rape ki koi news aane par kapde ki lambai aur ladki ke chaal chalan par sawal karne baith jate hain.
Ye to TV par gaay goru se ladkiyon ko dekhkar etna gussa karte hain to real life ko parde par dekhkar to ekdam bomb ki tarah fat hi jaate!
Real life me women bhi bade-bade gul khilati hain. Ab chahe majburi wale gul khilaye, ya normal human wale ya fir gundagardi wale!
Real life me jab women ko uska pati taklif deta hai wo argument karti hai. Domestic Violence ka ye matlab nahi hota ki aadmi danda lekar maare aur patni statue ki tarah bina koi reaction maar khaye ya bina koi reaction uski gaaliyan sune. Sahiba to wakai me statue ki tarah abuse sahti rahi fir bhi logo ki Nazar me chalu nikali.
Real life me DV survivors to gaaliyon ke badle gaaliya de chuki hoti hain. Maar khane par ekaadh thappad unhone bhi pati ko maara hota hai. Police station, court aur NGOs me aise hi tamashebaj log baithe hote hain jo us Survivor ko sab bhul jane aur apne pati ko maaf karne ki salah de rahe hote hain. Aur agar Patni fir bhi adi rahe to Doctors badi aasani se uske paagal hone (actual me aisa koi diagnosis exist nahi karta but Indian law still etna regressive hai ki so called mentally imbalance insaan ki testimony ko invalid ghoshit karta hai, kai Devloped countries to Severely Ill mental patients ki testimony ko valid man rahe hain) ka certificate bana dete Hain aur women ki khud ki family characterless hone ki hawa uda deti hai.
Aur is shosha me ye baat kahi kho jati hai ki koi Aurat characterless ho ya insane... Violence to violence hota hai aur ye kisi ke saath bhi galat hi hota hai. Lekin lower court me constitution ki dhajjiya udana aam baat hai.
To imagine karo... ki real life me jo survivors hoti hain unhe heroine banakar kahani dikhaye jaye to koi bhi use support karega?
Nahi. Isliye yahi achha hai ki ITV ke bakwas shows ki ham burai karke shant ho jaye. Warna apne aaspas ke logo ki thinking aur unke inhuman ravaiye ko realise karna bahut traumatic experience hoga. That I actively try to ignore it.
...Sahan would have done wonders with their electrifying chemistry.
.. 
Fan Fictions
Hindi TV Shows
Hollywood
